دعوة للسلم رغم تعالي لهيب الحرب

مرحبا Guest
اخر زيارك لك: 06-07-2024, 01:24 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-26-2023, 11:01 AM

Nasr
<aNasr
تاريخ التسجيل: 08-18-2003
مجموع المشاركات: 10899

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للسلم رغم تعالي لهيب الحرب (Re: Hassan Farah)

    قصيدة المرجوم حميد
    أرضا سلاح

    =========
    محمد الحسن سالم حميد
    ٢٥ سبتمبر ٢٠١٧ ·
    #حميديات
    أرضاً سلاح
    النص:-

    أسرفتي في
    عن قلتي لي
    "ولضمي يا ود الحياة"
    أجحفت حين وصفت بيك
    يا بت ...
    غيوم
    تعشر مطر
    توحم دعاش
    تطلق ربيع
    تدي الفراشات و الدنانين و الرياح
    سر اللقاح
    حتان تنوم
    بين بهجة في صدر القمر
    عقبان يشيع الليل سمر ..
    ما كنتي يوم
    عشقا تدافق حلمي شان تحمل سفاح
    من ود هبوب
    أديها مرفوع الحنين لي قوة الأشواق
    صباح
    تديني بالليل الونين للمافي
    مقطوع المنافي ..
    الغربة ، أدلجة الجراح
    و أنا ما تبقى من " أم بقر "
    من "كرري " من داك السواد
    جنا من تعاور بالعشر أو من تجاسر بالحراب
    أنا من بشر فاكر الحجاب بنجيهو
    من نار الزناد
    أنا من تبقى من الشراد
    من" جودة " من نفخ الرماد
    من لفخة في " وادي الحمار "
    أنا ما تحتحت من بلاد أو ما تناثر من وﻻد
    أو ما تبعثر من مداد
    كروومي " أكتوبر" ، " قعر" "يوليو" و عقاب"ابريل"
    أنا اسمي ،،، الانقضف دمي
    و علي الجرح الوساد
    تبنت راس حلمي التفحم من سهاد
    حلمي أللقيت قطعوهو عند شق الصباح
    غطاني بي طرقة عشم
    حتان هو في حق الله ما حق الله راح
    يمي أم السماح
    خية القمر
    "عينيكي ما هن للنواح
    البتة ما هن للنحيب
    عينيكي يا الكاحلة أم دعج
    للنظرة في محيا الحبيب
    للحلمة بي فرجا قريب
    ذات غفوة فوق صدرا
    هرج طيرو و سكت فوقك جناح
    عينيكي
    لي قومة الصباح
    ﻻ نقة ﻻ حدرة زهج
    واقدات جمر للقهوة ، لي دخلة مراح
    قهى و معاك بهمو اندمج جاي غادي باح
    عينيكي
    شخبين من حليب
    تلحقنا تمة كيف و فكة ريق
    تشيق بتين مشاهيد الفريق
    بتودي يوماتي و تجيب
    وصافة للطاش ،، الغريب
    تسحر نجم ، جم جم
    تمصرو من الحريق
    بقى رغبة الغيم اليفيق بالقمرة فوقو طشت رحيق
    تقلع .. تشر شوقه البريق
    تنحت حجر بت الرسول مرحاكي
    لي سحن الشجن
    شجنا مزازي "بنات نعش"
    تاخد "العصايي" و تنهرد
    تبرد ، تشيل نفسه الدجن
    يكحلبو مرواد الدغش عين الشمش
    تاخدو و تمش
    شفق الصباح يا تفتي راحلبو الرمش
    عقبان
    علي طرف الطريق
    في ضل بقل
    راما الجنينة جضل .. جضل
    قبل المغيب
    تلعبو صج
    عينيك وكاس ساحرات و سحارات خلاص
    بس ماب تصيب
    مشهادة ..
    عداﻻت عوج
    طيابة طيب
    في النيمة ورجيقتين كرج
    راجات وراجيهن حبيب راجيكي صاح
    يا السمحة عيشك في النضر
    عينيكي لي شغل الابر
    للسرحة
    لي قص الأتر
    سيسيق نشوقك و الدمر
    لي لمحة الغيم البعيد وكتين يجيك
    نفحة مطر براقو ﻻح
    مادﻻ زيها زي عيون كل البنات الطيبات
    كل البشر
    يا يمة ماهن للدموع من تاني ماهن للقهر
    ياواللا بالقدر المتاح
    كنانة آ .. منانة آ ..
    حنانة
    راحة إيديكي
    ما هن للضراب و اللطمة
    يوم كان المصاب يا صابرة
    ﻻ قضا ﻻ قدر
    يا خابره ضر ، عنية و حقر فقر الخراب
    فكيها من فك النباح
    إيديك .. جناحينك
    وكت تندلي لي وريق ملاح في القيف تحت
    و القيف
    مراح الهمبريب
    عقبان لهيب صاجن لهج
    تنفره تنسج عنقريب تنضم لي لمة بقج
    جابن قريب
    شهلتي بي دعوات وراح
    شكرا لهج
    كفيك كنوز
    أحلى الحظوظ
    غبراني و التيار عكر
    في القيف تلوح لي عجوز
    يتمارى في نص البحر يتحانى زي نشاب قديم
    عضم الضهر
    كان زيو زي أنثى الطيور
    العاد تصن شمة خطر
    قام غنى
    لما البار ظهر و عب الطياب ريح الصلاح
    جوز سمبرية وراها جوز
    طروا العجوز
    أيام زمات كان يا عجوز قولك يجوز
    هوزز ضراعينو الخدر
    أومابه ..
    من رأس التمر
    طوالي قلبك .. فر ... فر
    بسملة ..؟..
    في بالك ختر زوﻻ صباح وصاك وراح
    بالحيل عليك وصى العجوز

    الإستمخى ،،،،،،، مع البحر
    ناولتي دفيقات مدين
    أسقيتي من قلة
    انحشر في المركب الساهي الحزين في المي العكر
    وجاك بي جواب
    جد منتظر
    جابلك خبر طيرا عزيز
    نكت مشاط ريشو السفر
    ياريتو كان في الموية؟
    كان تبري البحر ..
    لله يا كم من جناح
    مجبور ، طفر
    من صاقعة
    لي حمى الرياح
    واشوقو
    لي ضم التراب
    الحلي و الليل و القمر
    ما صد قص الفي العقاب
    من ساقو ظرفو الديش نفر وصادو الجراح
    بقى زيو زي القبلو
    في حق الله ما حق الله راح
    والمتلو يحلمبو بالصباح نباهو صاح
    / أرضا سلاح /
    ساعديكي
    في عز الهجير
    في البردة و الشوك و الوعر
    يكفيها بيشيرة نفير و النشلة من بيرا حجر
    تستاهلي البستان خدير
    ﻻ ريح و ﻻ تبريح وكر
    تستاهل الخير الكتير ... ما كل شر
    في أخريات الشوق
    و تتشهى النجوم النوم
    و يتشهق قمر
    إيديك قدر لبة عناق
    حوشة ضهر
    بين راح و راح عصرت نسيمات السحر
    لي برتكاناية الصباح
    والعنبر الفواحو فاح ﻻ العنبر الطافح جراح
    / أرضا ... سلاح /
    في إيديك مفاتيح الديار
    كفينا فرعين من خدار
    مرفوعة ، ماهن للإسار
    لي هرعة ، لي طق الهشاب ..
    دليي فرع ، خرتة ثمار
    لي ندهة بي دعا مستجاب
    لي جدعة في نقارة .. ظار
    رمية ودع ، لبسة سوار
    بشيرة عند سد المهر
    بيريكة عند هيصة صفاح
    كفيك تكافيبة البلا وﻻضنيكي من دوشة سلاح
    مشدودة لي مسكة كتاب ، فكيتي جر
    وفرتي من مصروف شهر
    مرخية لي خت الخضاب
    مرسوم عليها
    قليب حبيب
    طنبور و عصفورة و زهر فواحو فاح
    سكسيك أصابعين الجنات
    دنة دليب
    وزنة وتر ، ليلة سمر ، لهوا مباح
    دايما كما كل البنات الطيبات بين الفريق
    كل البشر
    خلقن أصابع إيديكي لي قبضة دقيق
    رشة لبن شرار مريق خاشاهو
    و النسام سحر
    للفي المتر
    فازع صعاليق الفريق
    بين بوخ و بوخ النار تدوخ
    وﻻ كﻻ ﻻ م فتر
    شان لقمة كابد للصغار
    باري الزرازير عووووك ،،، وكر
    و بي جاي علي دعت الشقوق
    عازم شيوخ طير البقر فوق البطاح
    عينيكي ليك ، إيديكي ليك
    كفيكي ليك ، الفيكي ليك
    يحتاج جناكي شطر حليب
    تحتاجي يمة صدر حبيب
    العشرة .. قريي البطان ..
    تحتاجي ما تحتاجي يومي مع الصباح
    من عافي من أمن و أمان
    السترة في طول الزمان
    تحتاجي ما تحتاجي .. صاح
    يا ريتو تجتاحي الزمن أو أنو يجتاحك وطن
    ﻻ صرمة
    ﻻ هجمة و جراح
    ﻻ كتمة ﻻ غمة و رياح
    دي إيدينا دايما للسلام
    و لو عز يا عزة المنام
    ما لينا غير يا امي ام سماح ﻻ حيلنا نكدح
    لي صباح سوداني و إنساني و رباح
    / أرضا ... سلاح /
    حم يا حمام
    شيل السلام ودو البلد
    قول للولد يا دمنا حب لمنا
    هب لي ٱُمنا بسمة و طمأنينة ، انشراح
    شيل همنا و خل القماح
    عانينا كم ..
    أدمينا كم ..
    فرّجنا في حالنا الأمم
    واٰلومنا شان كرسي السجم؟!
    قشة و بهم ؟!
    دوشة و نهم ؟!
    وهادي الوطن يا كيف براح لي جنة
    لي أوسع مراح
    مو كفى الورثنا من الحمم .؟
    أسف الهرسنا من الحمم .؟
    نزف الكبسنا من الجراح.؟
    / أرضا ... سلاح /
    أنا نفسي مرة ارتاح
    كفاية علي عزيف رملات كريقات الرياح
    يا ملطم الوالغة النزيف
    في الفارغة ضاع العمر راح
    كجنت كيف يقع الوطن في حرب
    آخرته كوم تقيف علي شيك بياض!!؟
    مشتهي أقالد لمي
    أنوح عند ضمي
    ﻻ هادي النواح الدمي
    بين عكن الجراح
    يا طمي من ريحة الرصاص السمي
    صنان الصماح
    شرب المي و ﻻ المستراح؟
    / أرضا ... سلاح /
    حم يا حمام لغناك حم
    بين رشة الغيم استحم
    ما في السماوات إﻻ خير
    الواطة هي المشقوقة غم
    مسيوقة سم مبقوقة دم
    ملفوقة بالنخب القُباح
    أدتني من وطني .. الفقر
    وأنا مالي ما محقو السفه و السرقة
    و السف و الصيوع
    وأنا حالي صبار الصبر
    ودتني في زمني .. الدموع.
    وأنا ياني تربال المتر خلتني أجوع
    كتلتني بالعطش السجر وأنا سقا كل هادي الربوع
    ...؟؟
    وطني القنوع الانظلم
    زمني القبوع تحت العتم
    لما الشموع باعوا الظلم
    وطني اليصيدني جراح ..
    ألم ترى كيف فعلت بك النخب؟!
    نخب الألم
    وطني الخشوع
    كم للعلم مما ألم به العلم
    وطن الصبر ﻻمن يغيز
    وطني / العزيز ...
    المحترم ...
    بعد السلام عليكم ،
    أثنيتبك فهم
    وحدو القلم ما يزيل بلم
    وعلي كيفنا ما كيف الرمم
    يا نسو سلام سوداني أشم فوق القمم
    يا أما يا نخب الخبوب
    ذمم الهبوب النافخي دم
    يا مستجدين النعم
    ممن لثم جزم العجم بلُحاس موايدن انبرم
    نسى في نهم ناسو العوايدن العدم ..
    ﻻ قدر الله ... فالندم
    يا اهل الصلاح الصاحه صاح
    / أرضا ... سلاح /
    حم يا حمام
    عندك وطن قد طال بكاهو علي الدمن
    من فرط ما الأبصار عمن
    لما الدمن ذاتن دمن
    دي أطلال عمرنا وراها راح
    ده ضياع زمن ..
    كفى من حمم
    كفى محنة كلنا نحنا كم
    كفى ....
    قولوا خير
    قبل الكلام ما يجيب كلام
    ردوا السلام
    ردوهو أخير ..
    ناس عم سام و أوﻻد حرام
    متكيفين ... من ها الصدام
    متقريفين ... لي ها الطمام
    ما هم دوام متسببين
    ما هم قُدام جلبة سلاح
    و جالب السلاح
    جن . عيشتو واقفة علي الحروب ..
    جن . جنو من تبرى الجراح
    علي قدر ما انفتحت دروب
    يجي بالخبوب عارضلو سام
    أوعى الكلام الفارغ
    المنفوش فشوش
    هقالي ، إمبريالي سام
    حفض السلام في إيدينا
    ما في إيد عم سام بس بالمطايبة بالسماح
    / أرضا ... سلاح /
    منك السلام ، ولك السلام ، وبك السلام
    يا ابن الكرام
    مي إياك وليد الحن لزم
    طياب نفج لي صدري
    بي عطرون زغاوة .. نقاوة
    لو شقاق هجم
    ماك الولي ،،.؟
    ماك الكسيت الكعبة ديك ..؟
    ماك السقيت بآبار علي ..؟
    مي إياك وِليد الحن لزم خباب قدم
    بي قداحتو للضيفان عزم
    منان ردم
    حنان رزم
    كنان كما نقرة شتم
    حبوب قدر ما الحب بذم
    مافيك خلاف عشق الخلق في الله ذم
    مي إياك
    بتحوط غمم
    خوفا على حتة برم
    أرقي الوطن ده
    بياضو كم
    جلد حجابو من العلم
    إن ما عزملو ، علي إيش عزم؟
    ما شفت كيف خرم الوطن لي بكره
    ما شفت القرم ؟
    ما شفت كيف دمع السواد
    لو بس فريق كورة انهزم ؟!
    يا كيف فريقك يا أب قدم
    و الانهدم هادي الوطن ده دموعو كم؟
    يا كل طابات الكرة الأرضية يا مدبوغة دم
    مصبوغة بي ظلم الفتى الآفريكي
    و أمريكي الحكم
    قوماك ... نعم .. سودان بلدنا نعم ، نعم
    نقلع لغم
    نزرع ، بكان الآه ، نغم
    سودانا بس ما سوء الفهم
    خل الخليع العقلو راح يا ابن النصاح سو النصاح
    / أرضا ... سلاح /
    قول للزنوج
    النوبوية ، دم العرب
    كيف البجاوية و أريحية الحلب
    لي كل خلاصات النسب من بطن سودانية
    جد بطراني
    أي بالحيل نعم .
    ما سادنا دون سودانا سيد
    طول الزمن شانك خدم ليك ياوطن جمعا عبيد
    ﻻ لليسو
    ده عريبي أشو
    بلويت !؟ بجم ..؟
    جﻻبي !؟ مندكرو !؟ انقهم
    تلك النعوت الماها فيك
    و الماهو فيك ما تشيلو هم
    تبقى المشاغلة ،، عن وداد
    فريق قطع قافات مزاح قريق مو ذم
    هيظير حبايب أباني خالة لأباني عم
    مو دواس و دم
    سيب للزمن ما للزمن
    تلك النعوت ، هيا بي فهم
    نحيا و تموت موت الخرافات الوهم
    عند فتحة الموية ، العويش والروث تفوت
    كل السخافات .. للعدم
    ويبقى الدم السوداني ده الوين زيو دم
    أما الفواخير الوخم
    من منقد الزمن الجحيم انكومت رتة فحم
    يا ملمع القدر القديم
    لمعنا من قدر السجم
    ملسنا من خرش الشلوخ
    خلصنا من نتش الوشم و سمنا صاح
    بالاندياح ،، و الارتياح لبعضنا ،، صاح
    إثنية لي واحد تشق
    عرقية . ما عادت فهم
    الشي ابن آدم
    فد عرق
    و الدم دوم تحت اللحم
    هو الدم .. دوم
    كل اليقلب الخوة دم
    كل اليكب في الجوة سم ما لم لم
    / أرضا ... سﻻح /
    سودانا ليك القومة صم
    ماب تنضرع غير للزرع
    و ماب تنقسم غير إنها الأوطان قسم
    النفسو يشمت بيك جريح
    زيح عنو روحك و استريح
    بعضا من الله يا وطن واحد صحيح
    من يقسمك نصين كضب
    من يرسمك وطنين ولو في وﻻ اترسم
    سودانا بس . ما سوء فهم
    منبث سماح
    جوانا لي آخر نفس
    كيف نحيا صاح
    جم جم صراح سوا بالكفاح هو دا الأهم
    يا مثبت الريش في الجناح ثبتنا صاح
    ( كركون ... سﻻم )
    لوطن دوام واحد تمام
    قدام وطن دايما أمام
    طوالي في صﻻة الزمن
    لي جملة الأوطان إمام
    أسمع كﻻمي ده يا وطن
    هادي العطن
    هادي الأسى و هادي الحزن
    يا ابن الغﻻبى
    ده ما كﻻم
    كير الحرب ما عندو حد
    مو لعب قعونجي ، ألمي السعير
    قلبك تعب قبلك كتير
    * يابا .. الحرب ما فيها خير
    - أيي الحرب مي فيها خير
    ثم إن في خيرا في الحرب
    إنك عصي و ﻻيوق
    قدر ماك الهدي و طيب قلب ..
    أسمع كﻻمي ده
    يا تلب ،، نختا الحرب ...
    درب السﻻمي أن كان بعيد للحول ، قرب
    و ما الحرب ؟ آخرته ؟
    غير نخور
    علي خيرنا تتكالب أمم
    طول مابتنكافت طيور
    وابختها الحدي والصقور حظ المرافعين و الرخم
    أرخ الجناح فوق الجراح
    ( كركون ... سﻻم )
    أسمع كﻻمي ده يا بلد
    كان ذات زمان
    كان في بكان زي البكان ده وها الزمان
    وقعت شرارة علي برج ساكنو الحمام
    فسراع ،، هرع ريح الخريف
    من جاي و جاي لم الغمام
    نزلت مطيرة برد برد
    طفت الحريق
    و الريح معلق في الركام
    لما اتنفض
    وقف المطر
    و الجو برد
    فزعوا العصافير لي بعض حفتوا الحطام
    مرق المرق
    و الاتحرق بين الورق
    لفوهو
    بي كل احترام
    زفوهو لي قعر الشدر
    دفنوهو ،، قام رش الغمام
    داب واندغم بين المسام مشروع تمام
    قبل الضﻻم
    يغشى الفريق
    زي أكنو ما قد كان حريق
    كان البرج زي ماهو قام من تاني
    قام سكنو الحمام
    باض الحمام ، فقس الحمام
    هدل الحمام
    قدل الحمام طاهر قدم
    علي جملة الإيمان قسم
    الداندريس ود حوا ، أبو الهدهد جزم
    و المنصف البستان حكم
    بوم الخراب وين باني جاني و متهم
    في كل حربة ويات سهم مسنون
    من أعواد السلم
    في رأسو سم
    كل اليقلب الخوة دم
    كل اليكب في الجوة غم ما لمه لم
    ﻻ ديمة راح يبقى الوطن ده
    وهيط خﻻص
    و أوسع براح
    ( كركون ... سﻻم )
    آخر الكﻻم ،، منو السﻻم
    إن جيتني جد
    وواجيد لنا و جيد البلد
    يا ابن الكرام
    حل العقد ؟؟،،؟؟
    حليتا .. بيطول الحبل
    دليتو ...
    راح يصل الدلو البير الحلو
    ويات من ولد
    تلقى استمخى مع النشل وأسقى البلد
    و يا حوا بنوتك ملوا
    ويا آدم جناتك تغتسل
    من لوثة الزمن الفسل
    يازول ... وفي .. وسمّح خﻻص
    يا من عشان عين الوطن تبرد
    يشيل الدنيا ،، حاس
    قوماك
    يا اخيي
    ندوس دواس
    كجنا يا جنا ،، ها العكاس
    يضرسنا .. كلنا .. حس رصاص
    دايرين نونس ما احنا ناس
    علي أحلى نخب وداد و كأس
    من رأس قرورة لحدي كاس
    و زي ماب يعاطن الموج "ترج"
    أو ماب يباطن الغيم أويل
    نلهج لهج
    حلو سلسبيل
    و النيل يغني حليلي
    و يا حلالي أنا المكتول عديل
    والله في حوش البلد مكتول كتل.
    وياك بالفعل سوداني ..
    يا ..
    موية الحياة
    يا خالدة يا منذ القدم
    ﻻ ريحة ﻻ لون ﻻ طعم
    الماهو فيك .. ما تشيلو هم
    أد الوطن ما أداك ياه أدو الحياة ويي ده الأهم
    بالجايي
    راح ننسى اللي راح
    فر الجناح فوق الجراح
    ( كركون ... سﻻم )
    يا جمنا
    أمسك شباطين الصراع الفكري صاح
    أنضر حزم بين باطك الدفاي
    يا خي حزم الكفاح
    بالوعي
    بي شد البصيرة
    على الشعاع الدغري
    راح نصلو الصباح
    ﻻ بالصياح
    ﻻ بالتباكي على بوانكي اليانكي
    ﻻ بالانبطاح
    تحت السواهي
    دواهي ،،
    ناصباها القباح
    أنا شوقي
    ﻻ متناهي ..
    للوطن البراح
    أنا دمي . دم .
    ما شاهي
    وين شاي الصباح؟.
    بي همي ﻻ تتﻻهي
    همي أنا .. شايلو صاح
    لي آهي .. ﻻ تتشاهي
    ﻻ بالله ..
    يا نخب الكساح
    وديتي وين وطني الخزين ؟
    سبتيلي هادي التاح ...... تراح؟!؟






                  

العنوان الكاتب Date
دعوة للسلم رغم تعالي لهيب الحرب Nasr04-18-23, 06:03 AM
  Re: دعوة للسلم رغم تعالي لهيب الحرب Ali Alkanzi04-18-23, 08:21 AM
    Re: دعوة للسلم رغم تعالي لهيب الحرب Nasr04-19-23, 00:25 AM
      Re: دعوة للسلم رغم تعالي لهيب الحرب Nasr04-19-23, 09:32 AM
        Re: دعوة للسلم رغم تعالي لهيب الحرب Nasr04-20-23, 01:01 AM
          Re: دعوة للسلم رغم تعالي لهيب الحرب Nasr04-21-23, 01:35 AM
            Re: دعوة للسلم رغم تعالي لهيب الحرب Nasr04-22-23, 00:37 AM
              Re: دعوة للسلم رغم تعالي لهيب الحرب Nasr04-22-23, 12:19 PM
                Re: دعوة للسلم رغم تعالي لهيب الحرب Nasr04-22-23, 10:35 PM
                  Re: دعوة للسلم رغم تعالي لهيب الحرب Nasr04-24-23, 01:01 AM
                    Re: دعوة للسلم رغم تعالي لهيب الحرب Nasr04-25-23, 02:20 PM
                      Re: دعوة للسلم رغم تعالي لهيب الحرب Nasr04-25-23, 02:26 PM
  Re: دعوة للسلم رغم تعالي لهيب الحرب Hassan Farah04-25-23, 06:12 PM
    Re: دعوة للسلم رغم تعالي لهيب الحرب Nasr04-26-23, 11:01 AM
      Re: دعوة للسلم رغم تعالي لهيب الحرب Nasr04-27-23, 12:24 PM
        Re: دعوة للسلم رغم تعالي لهيب الحرب Nasr04-29-23, 05:09 AM
          Re: دعوة للسلم رغم تعالي لهيب الحرب Nasr05-01-23, 04:09 AM
            Re: دعوة للسلم رغم تعالي لهيب الحرب Nasr05-02-23, 01:47 AM
              Re: دعوة للسلم رغم تعالي لهيب الحرب Nasr05-04-23, 03:59 AM
                Re: دعوة للسلم رغم تعالي لهيب الحرب Nasr05-07-23, 00:15 AM
                  Re: دعوة للسلم رغم تعالي لهيب الحرب Nasr05-08-23, 01:23 AM
                    Re: دعوة للسلم رغم تعالي لهيب الحرب محمد جمال الدين05-08-23, 01:43 AM
                      Re: دعوة للسلم رغم تعالي لهيب الحرب Nasr05-08-23, 11:40 AM
                        Re: دعوة للسلم رغم تعالي لهيب الحرب محمد نور عودو05-08-23, 12:56 PM
                          Re: دعوة للسلم رغم تعالي لهيب الحرب Nasr05-09-23, 01:28 AM
                            Re: دعوة للسلم رغم تعالي لهيب الحرب Nasr05-09-23, 03:47 AM
                              Re: دعوة للسلم رغم تعالي لهيب الحرب Nasr05-10-23, 00:23 AM
                                Re: دعوة للسلم رغم تعالي لهيب الحرب Nasr05-10-23, 02:24 PM
                                  Re: دعوة للسلم رغم تعالي لهيب الحرب Nasr05-11-23, 02:54 AM
                                    Re: دعوة للسلم رغم تعالي لهيب الحرب Nasr05-12-23, 02:15 AM
                                      Re: دعوة للسلم رغم تعالي لهيب الحرب Nasr05-14-23, 08:24 AM
                                        Re: دعوة للسلم رغم تعالي لهيب الحرب Nasr05-15-23, 00:39 AM
                                          Re: دعوة للسلم رغم تعالي لهيب الحرب Nasr05-16-23, 08:02 AM
                                            Re: دعوة للسلم رغم تعالي لهيب الحرب Nasr05-17-23, 00:50 AM
                                              Re: دعوة للسلم رغم تعالي لهيب الحرب Nasr05-18-23, 00:58 AM
                                                Re: دعوة للسلم رغم تعالي لهيب الحرب Nasr05-19-23, 11:23 PM
                                                  Re: دعوة للسلم رغم تعالي لهيب الحرب Nasr05-21-23, 12:14 PM
                                                    Re: دعوة للسلم رغم تعالي لهيب الحرب Nasr05-23-23, 11:09 AM
                                                      Re: دعوة للسلم رغم تعالي لهيب الحرب Nasr05-27-23, 10:50 PM
                                                        Re: دعوة للسلم رغم تعالي لهيب الحرب Nasr05-30-23, 08:03 AM
                                                          Re: دعوة للسلم رغم تعالي لهيب الحرب Nasr05-31-23, 07:18 PM
                                                            Re: دعوة للسلم رغم تعالي لهيب الحرب Nasr05-31-23, 07:26 PM
                                                              Re: دعوة للسلم رغم تعالي لهيب الحرب Nasr06-01-23, 06:20 PM
                                                                Re: دعوة للسلم رغم تعالي لهيب الحرب مهيرة06-01-23, 08:26 PM
                                                                  Re: دعوة للسلم رغم تعالي لهيب الحرب Nasr06-02-23, 03:31 AM
                                                                    Re: دعوة للسلم رغم تعالي لهيب الحرب Nasr06-03-23, 03:55 AM
                                                                      Re: دعوة للسلم رغم تعالي لهيب الحرب Nasr06-05-23, 06:11 PM
                                                                        Re: دعوة للسلم رغم تعالي لهيب الحرب Nasr06-07-23, 06:26 PM
                                                                          Re: دعوة للسلم رغم تعالي لهيب الحرب Nasr06-11-23, 06:49 PM
                                                                            Re: دعوة للسلم رغم تعالي لهيب الحرب Nasr06-13-23, 11:15 PM
                                                                              Re: دعوة للسلم رغم تعالي لهيب الحرب Nasr06-16-23, 06:16 PM
                                                                                Re: دعوة للسلم رغم تعالي لهيب الحرب Nasr06-21-23, 05:58 PM
                                                                                  Re: دعوة للسلم رغم تعالي لهيب الحرب Nasr06-24-23, 04:39 PM
                                                                                    Re: دعوة للسلم رغم تعالي لهيب الحرب Nasr06-28-23, 03:35 PM
                                                                                      Re: دعوة للسلم رغم تعالي لهيب الحرب Abdalla Gaafar06-28-23, 06:28 PM
                                                                                        Re: دعوة للسلم رغم تعالي لهيب الحرب Nasr06-29-23, 05:26 PM
                                                                                          Re: دعوة للسلم رغم تعالي لهيب الحرب مهيرة06-30-23, 04:36 PM
                                                                                            Re: دعوة للسلم رغم تعالي لهيب الحرب Nasr07-03-23, 09:37 PM
                                                                                              Re: دعوة للسلم رغم تعالي لهيب الحرب Nasr07-03-23, 09:40 PM
                                                                                                Re: دعوة للسلم رغم تعالي لهيب الحرب Nasr07-07-23, 08:33 PM
                                                                                                  Re: دعوة للسلم رغم تعالي لهيب الحرب Nasr07-10-23, 06:05 PM
                                                                                                    Re: دعوة للسلم رغم تعالي لهيب الحرب Nasr07-15-23, 05:14 PM
                                                                                                      Re: دعوة للسلم رغم تعالي لهيب الحرب Nasr07-17-23, 05:40 AM
                                                                                                        Re: دعوة للسلم رغم تعالي لهيب الحرب Nasr07-19-23, 06:01 PM
                                                                                                          Re: دعوة للسلم رغم تعالي لهيب الحرب Nasr07-23-23, 01:31 AM
                                                                                                            Re: دعوة للسلم رغم تعالي لهيب الحرب Nasr07-31-23, 04:46 PM
                                                                                                              Re: دعوة للسلم رغم تعالي لهيب الحرب Nasr08-06-23, 05:06 PM
                                                                                                                Re: دعوة للسلم رغم تعالي لهيب الحرب Nasr08-12-23, 08:29 PM
                                                                                                                  Re: دعوة للسلم رغم تعالي لهيب الحرب Nasr08-20-23, 05:05 PM
                                                                                                                    Re: دعوة للسلم رغم تعالي لهيب الحرب Nasr08-27-23, 06:08 PM
                                                                                                                      Re: دعوة للسلم رغم تعالي لهيب الحرب Nasr09-01-23, 08:09 PM
                                                                                                                        Re: دعوة للسلم رغم تعالي لهيب الحرب Nasr09-06-23, 05:02 AM
                                                                                                                          Re: دعوة للسلم رغم تعالي لهيب الحرب Nasr09-09-23, 05:42 AM
                                                                                                                            Re: دعوة للسلم رغم تعالي لهيب الحرب Nasr09-15-23, 04:53 PM
                                                                                                                              Re: دعوة للسلم رغم تعالي لهيب الحرب Nasr09-25-23, 07:34 PM
                                                                                                                                Re: دعوة للسلم رغم تعالي لهيب الحرب Nasr10-10-23, 06:24 PM
                                                                                                                                  Re: دعوة للسلم رغم تعالي لهيب الحرب Nasr10-29-23, 06:01 PM
                                                                                                                                    Re: دعوة للسلم رغم تعالي لهيب الحرب Nasr10-30-23, 00:45 AM
                                                                                                                                      Re: دعوة للسلم رغم تعالي لهيب الحرب Nasr11-01-23, 07:32 PM
                                                                                                                                        Re: دعوة للسلم رغم تعالي لهيب الحرب Nasr11-03-23, 05:55 PM
                                                                                                                                          Re: دعوة للسلم رغم تعالي لهيب الحرب Nasr11-04-23, 07:33 PM
                                                                                                                                            Re: دعوة للسلم رغم تعالي لهيب الحرب Nasr11-10-23, 06:34 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de