/ نُقطَة .. صَبُــــر جديــــــــــــــــــــــــــــــــــد/

العريبــ فى حدقات العيون ـــــــــــاب
(06)
ـ الجثمان وصل؟
= لالا ماوصل
ـ جابو الجثمان من المستشفي؟
= لالا قلنا ليك لسه
ـ غسلو الجثمان اقلبو الجثمان يمين اقلبو الجثمان شمال مايخش عليها الا محارمه
= انت لي بتقول الجثمان ليشنو ماتقول اسمها
ـ حاليا هي عباره عن جثمان اسمها مابفيد بحاجه
= لا حول ولا قوه الا بالله بعد الاسم الجميل ده واسم الدلع بتاعه وفي النهايه تنادو عليها جثمان؟
ـ اي.. كدي اسمعني نادي زول من البره دي خليهم يجهزو كفن لانو الناس ديل قربو ينهو من غسل الجثمان
= كيف يعني قربو ينتهي ولسه البيست والإكس مادخلو عليها يودعوها كانت علاقته معاهم قويه شديد
ـ البيست والإكس ده شنو كمان؟
= البيست صديقها المفضل والإكس حبيبها السابق
ـ يازول هو دا شنو البتقول فيهو ده اخوانها جوه يغسلو فيها ونحنا مسلمين مابدخلو عليها الا المحارم
=هاك هاك امسك دي ملابسها ومليانه دم اثار الحادث ماتخلي اخواته يشوفو الملابس عشان مايتوجعو
ـ الملابس الحلوه والقصيره والمثيره حاتخليهم في الدنيا 😳😳😳
= ده حال الدنيا ومابتشيل معاها غير كفن بسسس
ـ والبناطلين والمكجيات والعدسات ولبسها الحلو البنشوفو بيها ده ماحاتلبسو تاني؟ 😳😳
= يازول قول بسم الله تلبسو وين تاني القبر مافيهو ملابس
وبعد تتنهي من عذاب القبر يا طاقه من النار او طاقه من الجنه
ـ انت جادي يعني تاني اللبس العريان والضحك والطلعه بالبنطلون حاتتحرم منهم 😳😳
= للابد اما الي جنه اما الي نار
ـ ربنا يرحمها ويغفر ليها ان شاء الله كانت غافله ماقايله نفسها بتموت
= ولمن نقول ليها البسي واسع كانت بتقول حاتتحاسبو معاي؟
ـ وفعلا ماحانتحاسب معاها وربنا يخفف عنها
= غفور رحيم
ـ شديد العقاب.... 💔ً