|
|
 Re: متى يكون فضل الأجنبي على البلد أكثر من الو (Re: عمر التاج)
|
Quote:
من حقك ان تنعم وتبتهج بما قدمه لك اسامة داؤود من اطايب الزبادي والكوكاكولا والكنتاكي
لكن يا اخ ما سألت نفسك اسامة بقدم لك هذه الاطايب من وين؟ |
أجاوبك من كلامك دا زااااتو ... ألست من تقول :-
((ولم تكن ثروته ونفوذه امتدادا لشركة التراكترات التي كان يملكها والده ))
إدارة الموارد المالية والبشرية هي ما يمتاز به اسامة داؤود ...
استعان داؤود بي محترفين من داخل وخارج البلاد لإدارة
أعماله بنجاح منقطع النظير ... دا زول ناجح جدا في البزنس
ومشكلتو الأساسية مع سياسيين البلد إنو لا يتعاطى
السياسة او الايدلوجيا أيا كانت ... لذلك انهالت عليه
الإتهامات السايبة الما عندها عنوان مثل الماسونية والمافيا ...
أسامة داؤود يا سيدي يدير أعماله ولا علاقة له بتاخير
سفينة وارتفاع أسعار مدخلات صناعته ... فليس له
سلطان على الجمارك او الضرائب أو تسعير المواد الغذائية ...
وعيب كبير جدا التسويق لي فكرة انو داؤود يفرض
على الإنقاذ ما يريده ... يعني كان أقوى من الإنقاذ بكل
تماسيحها الذين يعرفهم القاصي والداني ...
بعدين أطايب شنو وكنتاكي شنو ... بقول ليك الزول دا
بوفر لمساكين الشعب السوداني حاجتهم الغذائية
الأساسية من الدقيق ومنتجات الدقيق من المكرونة
والشعيرية التي أصبحت وجبات أساسية لفقراء البلد
(حوالي ٨٠% من الشعب) ... والالبان ومنتجاتها ...
والعلف لتربية الحيوانات والدجاج و(الديكا) ...
الرجل يقوم بمهمة أساسية للمواطن السوداني بدلا
عن حكومة البلد سواء في عهد الانقاذ او قحت
او برهانكو ... ودي اوجب واجبات من يجلس قي
قصر غردون ... قال يكتبو بسم الله في وثيقة
لي بلد شعبها جيعان وعريان ... الوعي يا التاج
وربنا سبحانه وتعالى زاتو يوم القيامة سوف يسأل
هؤلاء المتنطعين بالدين عن لماذا يجوع هذا الشعب
وهو يملك كل هذه الموارد ...
Quote: ومش قبل كدة جاتك إغاثة امريكية ولقاحات جونسون منتهية الصلاحية وزيوت طعام مصرية مصنوعة من الفول السوداني ..مجانا..
فهل حانفخر ونتباهى بهذه الاغاثات ونحتفي بمقدميها كما فعلنا مع اسامة داؤود وشركات بداية الانقاذ؟ |
وهل سمح أسامة داؤود بكل هذا كرئيس لشركاته أم رئيس للبلد؟
إنك بذلك تدين من يحكم البلد ... اما منتجات اسامة
داؤود فإن الشعب السوداني يتعاطاها بكل أريحية ...
نقطة نظام لي صديق الأسافير حيدر الزين ...
وجبة المكرونة بالصلصة صارت الأرخص
والاكثر شعبية عند فقراء الشعب السوداني ...
كرتونة فيها ١٠ عبوات كل عبوة واحد كيلو مكرونة
سعرها ٦٠٠٠ جنيه ... يعني كيلو المكرونة بي ٦٠٠ جنيه ..
عبوة نص كيلو مكرونة من الدكان الفي الناصية بي ٣٠٠ جنيه
توقف الفرد لمبه ... ظرف الصلصة بي ١٥٠ جنيه ... يعني
الوجبه تكلفتها ٤٥٠ جنيه وبتكون أرخص من صحن الفول ...
ممكن عيبا الوحيد انو المكرونة بتكبر المؤخرات إذا
اكثرت منها ...
|
|
 
|
|
|
|
|
| |
Salah Zubeir
فيس بوك
تويتر
انستقرام
يوتيوب
بنتيريست