+ إلْياذاتُ الحَقيقَة+

يااا سبحان الله الله ، بالله طلعت معرفة مع عم حيدر ،ويمكن
أولاد حارة فعلن (طيور الجنة) على أشكالها تقع. وبمناسبةو بمناسبة
الوسامة ديانتو وعمنا حيدر يخلق من الشبه 40، مع فارق السن طبعن.
+ إذن طالما كدا، خلينا ننفتح شهيتتك بزيادة من في الشعر بيت لامن قلت
ليك عياليو في مقام أخواني ، ليس مجازاً بل هي حقيقةٌ.لأنو عم حيدر ساقني
و قعدني وسط عائلته الكريمة ، و قاللهم بالحرف الولد دا من الليلة دي
ياهو أخوكم تمامن زي الوالداه أمكم دي، و بي كدا ختاني في حتة تكليف
صعب بقدرما هي تشريف و لا زلنا على عهده الذي قطعه علينا من
حينه و حتى بعد وفاته في 26/02/2009 ولغاية الليلة و باكر.

+ وحتى بعدما تفرقت بينا سبل لقمة العيش أيدي سبأ ،
برضو بتكون القلوب شواهد ، فبذكر يومتا قريب دا جاني
جارنا فاسقاً بنبأ وفاة عمو توفق و عمو عصام عبد الحميد أشقاء
عمو حيدر، فناس البيت رسلو لي صوت لوم لاذع بأنك " صحي
أتغيرت إنتا خلاس .. بقت ظالم نسيت الناس" مشيت للعزء خجلان
على جناح السرعة ، و شاهد الله نادو لي الوالدة خالتو كوثر ،
فكان مشهداً جنائزياً حزائنياً يكطِِع وردان القلب. و كأني
بجثمان العم حيدر مسجًى أمامنا.ألا رحم الله رجلاً
كان برَاً رحيماً بمن يعرف و من لا يعرف.

+ بذكر كنا في البحرية مدنيين بندخل بعرباتنا و لامن
نجي مارقين ، عم حيدر ينزل من عربيتو يركن جنب البوابة و
ويمشي يقيف يحيي المشاء لآخر واحد وهم مارقين . كانت وافاته
يوم خميس فبيحكي لي أخونا سيد أحمد إبراهيم مرخابي ع السكين،
قاللي قبيل مارقين نهاية الدوام ، لقيت عمك حيد ر جنب البوابة
و بقوللي :اسمع يا ابو السيد بعد باكر السبت أوعك تجي الدوام
أحسن تشوفو ليكم بلد لأننا حنغلبكم نجيب القونين بي بساطة .
و لكن هو اللي ما داوم تاني وافاته المنية بي علة لم تمهله
لبضعة ثوانٍ . و كان بقول كدا مش لأنو هلالابي ، إنما
مجرد لباقة لخق جو من المرح المباح.
يا حليلك عمو حيدر."من بعدك يعيش
منو .. و مين تاني يتمنى العمر"