أسئلة للإخوة الجمهوريين ، دالي

Quote: * لو انتبهتَ ح تلقى الضمير في (هُم) ـ راجع للكفار والمُشركين ، وهو عبارة عن حالهم في الشِرك . * عشان كدا قال : (وما هُم بخارجين من النار) ، وقال (كلما أرادوا أن يخرجوا) ـ الإرادة دي هنا ـ إرادتهم هم في حال شركهم وكفرهم بالله . * عشان كدا ـ ما ح يطلعوا من النار ـ إلا يتخلُّوا عن إرادتهم ـ ويقولوا بلسان حالهم وبلسان مقالهم : (لا حول ولا قوة إلا بالله) ـ هنا إرادتهم بتنتهي وحيلتهم بتنقطع . * ما بيكون عندهم ملجأ ولا حيلة ولا جهة يقبلوا عليها ـ إلا الله ـ في المرحلة دي بيكونوا استيقنوا عجزهم وعرفوا ربهم ، واتخلوا عن إرادتهم المُتوهَّمة وسلَّموها للمريد الواحد ـ الله * وقالوا بلسان حالهم وبلسان مقالهم : (لا إله إلا الله ولا حول ولا قوة إلا بالله) ـ بيطلعوا من النار مُسلمين وموحّـِدين ـ عارفين ربهم . * و زي ما بنقول ـ في دارجيَّتنا السودانية ـ بعد يصطلوا بالنار ، ويضوقوا عذاب الويل ـ تاني بيعرفوا الله واحد ـ ومعرفتهم بتكون ذوقية ، يقينية . * ما بيطلعوا و هُم كفَرة و شياطين ـ مافي كافر أو شيطان بيطلع من النار ـ دا شيء ما فيهو خلاف ، و زي ما انت ذكرتَ انو وارد بالنَص . * عبارة (وما هُم بخارجين من النار) ـ دي عبارة عن حال المشركين ـ في الشِرك .