أسئلة للإخوة الجمهوريين ، دالي

Quote: * ما اختلفتَ معاك في الثبوت القطعي بخلود المشركين وغيرهم من أشرار الخلق ـ وعدم خروجهم من النار . * ما بيخرجوا من النار ـ دا شيء ثابت ووارد بالنص . * مافي كافر او مشرك أو شيطان ـ بيخرج من النار ويدخل الجنة . * عشان كدا ـ تلقى (وما هُم بخارجين من النار) ، وتلقى (كلما أرادوا أن يخرجوا منها أُعيدوا فيها) . * دي نصوص قاطعة وواضحة بعدم خروجهم . * لكن انت لو فكّرت أو انتبهتَ انتباه بسيط ، وسألتَ السؤال دا : ال ما بيخرجوا من النار ديل (هُم) منو ؟! * الضمير في (هم) راجع لمنو ؟! * لو انتبهتَ ح تلقى الضمير في (هُم) ـ راجع للكفار والمُشركين ، وهو عبارة عن حالهم في الشِرك . * عشان كدا قال : (وما هُم بخارجين من النار) ، وقال (كلما أرادوا أن يخرجوا) ـ الإرادة دي هنا ـ إرادتهم هم في حال شركهم وكفرهم بالله . * عشان كدا ـ ما ح يطلعوا من النار ـ إلا يتخلُّوا عن إرادتهم ـ ويقولوا بلسان حالهم وبلسان مقالهم : (لا حول ولا قوة إلا بالله) ـ هنا إرادتهم بتنتهي وحيلتهم بتنقطع . * ما بيكون عندهم ملجأ ولا حيلة ولا جهة يقبلوا عليها ـ إلا الله ـ في المرحلة دي بيكونوا استيقنوا عجزهم وعرفوا ربهم ، واتخلوا عن إرادتهم المُتوهَّمة وسلَّموها للمريد الواحد ـ الله * وقالوا بلسان حالهم وبلسان مقالهم : (لا إله إلا الله ولا حول ولا قوة إلا بالله) ـ بيطلعوا من النار مُسلمين وموحّـِدين ـ عارفين ربهم .