أسئلة للإخوة الجمهوريين ، دالي

Quote: يا ابو حسين * أنا ـ الشيء ال عارفو عنك ولاحظتَ ليهو كتير ـ في نقاشاتك وطريقة كلامك هنا في المنبر دا ـ إنك دائماً بتطلع من الموضوع ـ مِحوَر النقاش ، وتمسِك للزول في رقبتو ـ زي ما بنقول ـ في دارجيتنا السودانية ـ بتطلع من الموضوع وتقبض للزول في رقبتو ـدا شيء أنا لاحظتَ ليهو فيك ، وامكن أغلب أعضاء المنبر هنا ـ يكونوا انتبهوا للحاجة دي فيك . * انت ـ سريع الخروج عن طورك ـ بتشخصِن الأمور ، وبتخلق حساسية مع محاورك ـ بدون سبب ـ لكن مافي شيء بيكون بدون سبب على الأرجح ـ سلوك زي دا ـ بيكون ناتج عن إفلاس وعدم مقدرة على رد الحجة بالحجة ــ عشان كدا بتهاتر وبتطلع من طورك وتطلِق الكلمات أو العبارات الجارحة والمُسيئة لمُحاورَك ـ بصورة مباشرة وغير مباشرة . * والأسلوب دا ـ ما بيفيدك ولا بيفيد مُحاورَك ـ لأنو نهايتو مُهاترات وكلام فارغ ـ ما منو فائدة . * أرجو إنك تراجع نفسك ، وتضبط نفسك ، وترقَى بأسلوبك في النقاش ـ عشان تفيد وتستفيد . * مافي حاجة شخصية بيني وبينك ، ولا في معرفة شخصية بيننا . * وانا ـ حقيقة ـ جيت المنبر دا هنا ، عشان استفيد ، وافيد ـ ما استطعت ـ ما جيت لمهاترات واساءات وكلام فارغ . * أرجو ان يقف كل منا في حده ، ويحفظ للآخر حقه من الإحترام . * إلى الآن ـ مافي مشكلة ـ الخطأ بيحصل ، و زلَّات اللسان بتحصل ـ لكن البِساط أخضر و أحمدي ـ إن شاء الله ، مافي مشكلة . * أنا ممكن أناقشك وأبادلك أطراف الحديث والكلام الطيب ، من غير تجريح أو إساءة ـ من أي نوع .