|
Re: π واجب العزاء في حبوبة أليزا\بيص¢ (Re: Ahmed Yassin)
|
اها المعولق هارى و مرتو ميجان متذكرنهم؟ ، كانوا ماشين يحضروا حفلة توزيع جوائز في نفس اليوم ده ، قاموا لغوا مشوار الحفلة و طوالي ركبوا جوو (بي هدوم الحفلة زاتا) ، و ميجان دي مركبة وش و ما شايفة انو في داعي للاستعجال ده. (كان قايلاها ما بتموت اظن)… أما " آن " بتها كانت في بيتها في قصر كينسينجتون و ما جات طوالي لانو لمن كلموها كان حارسة جورج و شارلوت و لويس فى أول يوم كامل ليهم فى مدرستهم الجديدة ، (صراحة انا موضوع "آن" ده ما فهمتوا! 🤔) لكن أطمنكم ؛ بعد جو من المدرسة اتحركوا جو طوالي … يوم الأربع المساء قلت ليكم الحلب ديل إتقلعوا من كل حدب و صوب و جو شنكتوا في المره دي لمن جابو أجلها (اي والله)… اها ..العصرية ربنا أخد أمانتو 🥲 ،، انا كنت في محل الغاز الجمب القلعة طوالي ، اول ما سمعت السكلي (بالانجليزي طبعًا) طوالي نزلت النعي الاليم و مشيت الكاونصل عشان اجيب الصيوان ، لكن قالوا ما ح يدفنوا هنا و ح يلتزموا بالبرتوكول... وقبليك جا "دفع الله". لمن شافني رفعت حاجبي قال لي"دفالا" قلت ليو: سووري! قال لي وهو يشير بيده" God Push" (صراحة سكت 🫢لانو دي اول مره تموت لي دفع الله حبوبة انجليزية في الغُربة)… حسب البرتكول السكرتير الخاص للملكة ، السير إدوارد يونج ، أول زول عرف من برة العائلة المالكة (بعد دفع الله طوالي) و بعداك قام أتصل بي "أم وش" رئيسة الوزراء الجديدة و قال ليها (بصوت درامي كده حسب البرتكول): "جسر لندن تعطل" بالانجليزي طبعاً … يا اخوانا هو كلو بالانجليزي ، لكن بس عشان الوصف و الطعم يأخذكم الي هناك … يلا بعد ده البحصل ممكن تتابعوهوا من وكالات الانباء و المهتمين بالشان الملكي… انا فترت و راجع البيت ، بمشي بيت البكا بكره الصباح إن شالله ، عشان نرفع الجثمان في البوكس لانو البروتوكول بقول البكيات تكون في قصر باكنجهام (انا وريتكم زمان هم سموا كده ليه)… مراسم التشييع بتاخد ليها زي ٩ يوم تاني كده … حبوبة دفع الله الوحيدة وجعتنا يا اخوانا ٩ يوم ما كتيرة؟… اصلاً هم كفار وحديث الحداد ده ما سمعوا بيهوا … ده غير انو والله واجعانا قاطعه قلبنا … دي كانت اااخر قطعه 🥺… سبحان من له الدوام …
|
|
|
|
|
|
|
العنوان |
الكاتب |
Date |
π واجب العزاء في حبوبة أليزا\بيص¢ | دفع الله ود الأصيل | 09-09-22, 02:40 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 03:04 PM |
Re: π واجب العزاء في حبوبة أليزا\بيص¢ | الشيخ سيد أحمد | 09-09-22, 06:58 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 07:37 PM |
Re: π واجب العزاء في حبوبة أليزا\بيص¢ | الشيخ سيد أحمد | 09-09-22, 08:00 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 09:10 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 10:41 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-09-22, 11:39 PM |
Re: π واجب العزاء في حبوبة أليزا\بيص¢ | صديق مهدى على | 09-10-22, 06:06 PM |
Re: π واجب العزاء في حبوبة أليزا\بيص¢ | Ahmed Yassin | 09-10-22, 07:16 PM |
Re: π واجب العزاء في حبوبة أليزا\بيص¢ | دفع الله ود الأصيل | 09-11-22, 03:07 AM |
Re: π واجب العزاء في حبوبة أليزا\بيص¢ | Ahmed Yassin | 09-11-22, 04:22 AM |
Re: π واجب العزاء في حبوبة أليزا\بيص¢ | Ahmed Yassin | 09-11-22, 04:29 AM |
Re: π واجب العزاء في حبوبة أليزا\بيص¢ | دفع الله ود الأصيل | 09-12-22, 07:56 PM |
Re: π واجب العزاء في حبوبة أليزا\بيص¢ | صديق مهدى على | 09-12-22, 09:32 PM |
Re: π واجب العزاء في حبوبة أليزا\بيص¢ | Gaafar Ismail | 09-13-22, 07:11 AM |
Re: π واجب العزاء في حبوبة أليزا\بيص¢ | دفع الله ود الأصيل | 09-13-22, 07:45 AM |
Re: π واجب العزاء في حبوبة أليزا\بيص¢ | Biraima M Adam | 09-13-22, 01:42 PM |
Re: π واجب العزاء في حبوبة أليزا\بيص¢ | Biraima M Adam | 09-14-22, 05:12 PM |
|
|
|