|
Re: ماذا يحدث في الخرطوم ؟؟!! (Re: Osman Musa)
|
Osman Musa اخى الغالى تحيه طيبه واليوم الجمعه والدعاء مستجاب هناك ساعه اجابه زى ماقالت حبوبتى فى الدعوات
انشاءالله ياسودانا تتعلي ما تندلي تتبارك وما تنشارك وتبقى احسن من باريس وكل زواله بايره فيك نجيب ليها عريس الله لا يجيب يوم شكرك يالسودان بلد الحبان عافى منك عفويا واديتك رضاى ياسودانى ياهناى يعدل خطوتك وويكتر الخير فى شبابك وتعيد هيبتك ويعدل قداميتك ويشيل عدوك بس عشان نيتتك ويديك الفى نيتك ويحقق مراد وامنيتك يحفظ اولادك وبناتك ويردك بين الدول لانو طالت غربتك ويحل كربتك ويكتر الخير والمال ويرتاح شعبك وجتتك ان شاء الله يالسودان لا تنشرم لا تنترم ان شاء الله لا تعمى الدول يقودوكا ولا تتكسر باقى الدول يشيلوكا ان شاء الله -السننين الفاتت تبقالك تقايي و وقايي ربنا يالشعب السودانى يغتيكا و ينجيكا .. ويطرح البركة فيكا ويعليكا فوق فوق كجتن لناس برهان وحميدتى ومناؤى المابيكا ربك يرفع - وضُلّك ويكون واسع فى ارضك وواولادك يتعلموا العلم النافع ان شاء الله ياربى يستجيب دعواتى لانو كل زول فى السودان حُلو لسان وكثير إحسان ربي يبعد عنك ولاد الحرام وبنات الحرام يارب زى ناس العوير يرهان وترجا داير بعد داير بركة من صلّى وقال يا الله ومحمد ولد عبد الله حمدتو ماجحدتو وفضل مانكرتو ياحافظ ياحفيظ تحفظ اهل السودان ياحافظ ألمي في البير (الموية) ياحافظ السيف في الجفير ياحافظ البيضه في صوف الخلا لمن تفقع وتطير تحفظ وليداتي ووليداتن وبناتنا الثوار والاحرار من الأذي والأذية ومن الشرطه الغبييه من الأيد القوية ياربى ناس الايد القويه يتشلوا ويموتوا ستتيه يالله كلهم تدقشهم ويموتوا بدعسه عربيه ولادبابه قويه والله يكفى ناس السودان حكومه فكى جبرين و هجمة الحرامية ياربى تحفظ وليداتى وبنات السودان فى قبة من حديد راسا فى السمايا وقعرا فى المايا ياربى تحفظن من المرض الكعب والتوم هجو الجاهل زى ابولهب يا الله اخفظ اهل السودان من المرض الصعب وتحلنا من برهان الكعب يارب يارب يارب
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
ماذا يحدث في الخرطوم ؟؟!! | مصطفى نور | 09-08-22, 08:32 PM |
Re: ماذا يحدث في الخرطوم ؟؟!! | امتثال عبدالله | 09-08-22, 10:09 PM |
Re: ماذا يحدث في الخرطوم ؟؟!! | Abureesh | 09-09-22, 01:18 AM |
Re: ماذا يحدث في الخرطوم ؟؟!! | مصطفى نور | 09-09-22, 08:50 AM |
Re: ماذا يحدث في الخرطوم ؟؟!! | Osman Musa | 09-09-22, 09:21 AM |
Re: ماذا يحدث في الخرطوم ؟؟!! | مصطفى نور | 09-09-22, 02:29 PM |
Re: ماذا يحدث في الخرطوم ؟؟!! | Asim Ali | 09-09-22, 09:16 PM |
Re: ماذا يحدث في الخرطوم ؟؟!! | Hasheem Karouri | 09-11-22, 08:32 PM |
Re: ماذا يحدث في الخرطوم ؟؟!! | Hafiz Bashir | 09-11-22, 11:03 PM |
Re: ماذا يحدث في الخرطوم ؟؟!! | امتثال عبدالله | 09-11-22, 11:19 PM |
Re: ماذا يحدث في الخرطوم ؟؟!! | Hasheem Karouri | 09-12-22, 07:53 AM |
Re: ماذا يحدث في الخرطوم ؟؟!! | مصطفى نور | 09-17-22, 05:07 PM |
Re: ماذا يحدث في الخرطوم ؟؟!! | Asim Ali | 09-18-22, 09:34 PM |
|
|
|