|
Re: هاني يا Ahmed Yassin ! (Re: محمد صديق عبد الله)
|
Quote: ماذا عن إنصاف فتحي ؟وكذلك جمال فرفور الإتنين ديل في أي طبقة صوتية يا احمد ؟ |
قبل شهور دار نقاش عن فرفور في منشور في الفيسبوك لزميلة دراسة. كانت هذه بعض آرائي المتواضعة.
Quote: فرفور بقى يجر هواء. صوته تعب شديد وهو أكيد عارف كده وواضح من حركات الجسد وترفيسه الكتير ده أنه صوته بقى ما بيطاوعوا زي زمان والسبب في تقديري أنه استهلك صوته بالكواريك والإرهاق لأنه ساكّي العدادات. هو زول شاطر وبيعرف يدس مشاكله في الصوت على المستمعين غير المركّزين لكنها واضحة للعازفين والسمّيعة. هو كمان شاطر لأنه تعلم من أخطاء الرعيل الأول اللي ما حوشوا للمستقبل ولذلك شغال كتير لتأمين مستقبله وده على حساب صوته. |
Quote: يا ... في فنانين بيحافظوا على أصواتهم زمن طويل لأنهم بيغنوا في مناطق منخفضة. مثلا عبد الحليم حافظ ما كان بيرفع صوته إلا نادرا. وفي فنانين بيغنوا في الحفلة كأنهم ما حا يغنوا بعدها تاني وأصواتهم بتكون مشدودة للآخر عشان كده بيتأثروا لما بتقدم بيهم العمر وأقرب مثال الطروب النور الجيلاني. فرفور فنان كويس لكن لازم ينتبه لمسألة عدم الإضرار بصوته لأنه لو استمر بنفس الطريقة دي بعد 5 سنة بيجلس عديييييل. |
Quote: ما اختلفنا أبدًا يا .... فرفور بمقياس العمر والتجربة وصل مرحلة النضج في الصوت والأداء، ولكن في عدم تناسب بين العمر والمحافظة على الصوت. أنا عارف أنه المعجبين ما بيحبوا انتقاد فنانهم اللي بيحبوه، لكن نقدي له ما فيهو أي غرض. تغيّر الصوت وتطوره مع تقدم العمر أمر مفروغ منه. وردي على سبيل المثال، وهو ممن استهلكوا أصواتهم شديد، بدأ ريفيًا زمن "يا طير يا طاير" و"يا سمرا" و "صدفة" وحتى كان بيغني nasal وفي مناطق منخفضة وتطور صوته ووصل مرحلة النضج في منتصف الستينيات وبلغ المجد من نهاية الستينيات واستمر في القمة حتى بداية الثمانينيات، لكنه بدأ في التأثر بعد منتصف الثمانينيات لأنه بدأ يستهلك صوته شديد بعد الانتفاضة لأنه كان بيغني في حتّات عالية وكان معتز بإمكانيات صوته وبيستعرضها في كتير من الحفلات مستفيدًا من أعماله الكبيرة وأناشيد الانتفاضة. يعني تأثر صوت وردي بدأ متأخر بعد ما أنجز وغنى كتير جدا في فترة كان الفنانين الكبار في الساحة المطلوبين في الحفلات يعدّون على أصابع اليد، مش زي برينسات "مراسي الشوق" اليومين ديل. صوت فرفور خطير ولكنه تأثر بسرعة رغم أنه لسه فنان شاب والسبب أنه لم يوظف صوته صاح وأول إشارات التعب في صوته بتلاحظها في "القرار". أسمع الأغنية دي مرة تانية وشوف معاناته في الحتة دي.
|
عذرًا لصاحب البوست، الكلام عن هاني لكن شايفه جرَّ لفنانين تانيين.
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
هاني يا Ahmed Yassin ! | walid taha | 08-21-22, 12:04 PM |
Re: هاني يا Ahmed Yassin ! | ترهاقا | 08-21-22, 02:41 PM |
Re: هاني يا Ahmed Yassin ! | walid taha | 08-21-22, 02:45 PM |
Re: هاني يا Ahmed Yassin ! | Ahmed Yassin | 08-21-22, 10:58 PM |
Re: هاني يا Ahmed Yassin ! | MOHAMMED ELSHEIKH | 08-22-22, 07:46 AM |
Re: هاني يا Ahmed Yassin ! | Ahmed Yassin | 08-22-22, 01:09 PM |
Re: هاني يا Ahmed Yassin ! | walid taha | 08-22-22, 02:27 PM |
Re: هاني يا Ahmed Yassin ! | Ahmed Yassin | 08-23-22, 04:08 AM |
Re: هاني يا Ahmed Yassin ! | Osman Musa | 08-23-22, 07:20 AM |
Re: هاني يا Ahmed Yassin ! | محمد صديق عبد الله | 08-23-22, 10:10 AM |
Re: هاني يا Ahmed Yassin ! | محمد صديق عبد الله | 08-23-22, 10:18 AM |
Re: هاني يا Ahmed Yassin ! | دفع الله ود الأصيل | 08-23-22, 10:50 AM |
Re: هاني يا Ahmed Yassin ! | Ahmed Yassin | 08-23-22, 01:04 PM |
Re: هاني يا Ahmed Yassin ! | علاء سيداحمد | 08-23-22, 04:10 PM |
Re: هاني يا Ahmed Yassin ! | Ahmed Yassin | 08-23-22, 11:19 PM |
Re: هاني يا Ahmed Yassin ! | walid taha | 08-25-22, 03:40 PM |
Re: هاني يا Ahmed Yassin ! | ترهاقا | 08-26-22, 03:02 AM |
Re: هاني يا Ahmed Yassin ! | Ahmed Yassin | 08-26-22, 07:33 AM |
|
|
|