الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: كلام الشيخ فرح ود تكتوك ✌ كلام لكل ذو بصي� (Re: مصطفى نور)
|
الشيخ فرح ود تكتوك💫: #الشيخ_فرح_ود_تكتوك من حكماء المملكة السنارية عاش في فترة 1635م وكان معروف بإنه حلال المشبوك.
بيطلقوا عليه لقب #حكيم_السودان وكل حكمة مميزة أكتر من التانية .. قال كان جادت عليك بحبل العنكبوت تنقاد وان عكست تقطع سلاسل الحداد دي عندها قصة.. عندو دهب داسي في بير ورابطو بي سلسلة حديد في يوم احتاج علشان اطلع السلسلة انقطعت بعد فترة جاء راعي جنب البير وشاف الدهب باني عليه العنكبوت جرا خيوط العنكبوت وطلع الدهب وسمع ود تكتوك بي الراعي وقال كان جادت عليك بحبل العنكبوت تنقاد وإن عكست تقطع سلاسل الحداد "اخر الزمان السفر بالبيوت والكلام بالخيوط" "اخر الزمان تكتر الافلاح وتقل الارباح" برضو قال اخر الزمن القروش تبقى ياوتر ياكفر (يعني ياتبقى فنان يالاعب كوره) كلامو صح حاليا اكبر اغنياء العالم الفنانين ولاعبين الكوره 😅 "الصدق كان ما حلاك الكذب ما بحلك" قال ياتي زمان السفر بالبيوت والكلام بالخيوط ال ليك اباك ود امك جفاك شيب الشبان وبغض الحبان وشيل السبحه بلا ايمان. اﺩﻯ ﺍﻟﻠﻘﻴﻤﺔ ﻭﻋﺪﻯ ﺍﻟﻜﻠﻴﻤﺔ ﻭﺯﻳﻞ ﺍﻟﺼﺮﻳﻤﺔ ﻭآﺧﺮ الليل أﺧﺪ ﻟﻴﻚ ﻗﻮﻳﻤﺔ ﺷﻮﻑ أﻛﺎﻥ ﻣﺎﺗﺒﻘﻰ ﻣﻦ أﻫﻞ ﺍﻟﻨﻬﻴﻤﺔ "من كترت نبحك ونريررك تمسخ دهبك وحريرك " معناها الهدوم السمحة والدهب ماعندها قيمة وانت زول نباح ﺍﻟﺘﺎﺟﺮ ﻳﺘﻢ ﻣﻴﺰﺍنو ﻭﻳﺤﻠﻰ ﻟﺴﺎﻧﻮ ﺷﻮﻑ أﻛﺎﻥ ﻣﺎ ﺇﺗﻤﻼ ﺩﻛﺎنو ﺍﻟﺴﻜﻴﻦ ﻣﻦ ﺍﻟﺴﻠﺐ ﻭﺍﻟﻌﺼﺎﺓ ﻣﻦ ﺍﻟﻜﻠﺐ ﻭﻓﻜﺔ ﺍﻟﺮﻳﻖ ﻣﺴﻤﺎﺭ ﺍﻟﻘﻠﺐ. ﻭ مابي ﺍﻟﺠﻮﺩﻳﺔ ﻻﺑﺪ ينغلب آﺧﺮ ﺍﻟﺰﻣﺎﻥ ﺑﺮﻕ ﺍﻟﻘﺒﻠﺔ ﻳﺨﻴب ﻭﺍلأﺭﺽ ﺗﺸﻴﺐ ﻭﺍﻟﺤﺮﺓ ﺗﻌﻴﺐ ﻭﺍﻟﻌﺎﻗﺔ ﺗﺠﻴﻚ ﻣﻦ ﺍﻟﻘﺮﻳﺐ. ﺗﻮضأ ﺻﺤﻴﺢ.. وﺻﻞ ﺻﺤﻴﺢ... ﻭﺇﻥ سأﻟﻮﻙ ﻗﻮﻝ ﻗﻮﻻً ﻧﺼﻴﺢ... ﻭﻣﺪ ﺇﻳﺪﻙ ﻻ ﺗﻜﻮﻥ ﺷﺤﻴﺢ... ﺷﻮﻑ ﻳﻮﻡ ﺍﻟﻘﻴﺎمة ﻛﺎﻥ ﻣﺎ ﺗﻘﻮﻡ ﻧﺼﻴﺢ. ﺍﻟﻘﺎﺩﺭ ﻣﺎ ﺗﻘﺎﺩﺭﻭ و العوير ما تهاظرو ﻭﻣﺎ ﺗﺸﻬﺪ بي ﺍﻟﻤﺎﻙ حاضرو .. ﺍﻟﻌﻨﺪﻭ ﺣﺒﺔ ﻣﻦ ﺍﻟﺮﺋﺎﺳﺔ ﻣﺎ ﺗﻜﻤﻞ ﻣﻌﺎﻫﻮ ﺍﻟﻔﺮﺍﺳﺔ. "ركاب سرجين وقيع، مساك دربين ودير". "ابوي أمير وأبوك أمير منو البسوق الحمير!". قال جنا م جناك كان ناديتو م هداك وكان خليته م برد حشاك كلب م بتسعي يوم القنيص م بتلقي "بيت الجدري ولا بيت النقري " قاصد بيها البيت الفيهو جدري احسن من البيت الفيهو نقة عن النسوان قال: النسوان انواع واحدات لميم وحدات رميم وحدات عقارب هشيم. وحدات دهب مخزون قديم...واحدات كفوت واحدات لفوات واحدة انت تجي من السوق وهي تجي من البيوت لابتديك مقوت ولا بتخلي كلمة تفوت وقال كمان : "تعمر تصل سوبا ، تخرب تعدم الطوبة " سوبا قاصد بيها سوبا الواحدة دي😅 اقواله كلها حكمة وحاصلة حاليا د كل القدرتا اجمعه د غير القصص والمواقف المليان حكمة♥ برضو قال "يا ام حثآ شالق سيدك عالق في شرك الخالق " دي موفقها حينما كان ولدو داير في فراش الموت قام هو ماشي اسير شال الابريق ومشى في نص المشوار عاين كدا لقى حصانه ولدو تكورك وقال ليها المقوله دي..
|
|
|
|
|
|
|
|
|