|
Re: حقيقة الحقيبة (Re: osama elkhawad)
|
Quote: اختراع استعماري. الشعر السائد هو شعر الزجل. |
تحياتي يا اسامة
الموضوع في نظري، موضوع التفنيد والدحض والرد، ابسط مما تتخيل وكمان ما محتاج لعناء كبير ولا حتى لمراجع بحث
الحقائق اقوى من المراجع
والمراجع البحثية اصلا بتقوم وتستند وتتبني علي الحقائق
نبدأ بنقطة انه شعر الحيبة واغنياتها اختراع استعماري:
طريقة نشوء وقيام وابتكار قوالب شعرية جديدة تستخدم خصيصا للغناء، قصتها معروفة وشهيرة ومتداولة
الشاعر ابراهيم احمد بابكر، الشهير بالعبادي، وبعد حادثة تمرد "الطنابرة" الشيالين مع المغني محمد احمد سرور، في حفلة زواج شخص اسمه "بشير الشيخ" في حي العرب جاته فكرة ابتداع وخلق طريقة جديدة في اداء الأغنيات لاحظ معاي الطريقة الجديدة اتعملت عشان تغيير نوع وقالب الأداء الغنائي، يعني ما عشان تغيير الشعر نفسه
لأنه نفس شعر وقصائد الرميات والدوبيت القديمة كانت واستمرت ولاتزال كمان بتتلحن وتغني وفي امثلة كمان من ايام التركية وما قبلها
اتغيرت طريقة الطنابرة واستبدلت ب الكورس او الشيالين المعروفين
وبعدها بدأ التفكير في صياغة وكتابة قصائد تناسب طريقة الغناء الجديد
واستمر تطوير النص الشعري وما توقف اطلاقا
وافضل مثال ودليل، والناس ما اهتمو بيه كتير علي الرغم من اهميته هو لما عبد الكريم عبد الله مختار "كرومة" طلب والح من الشاعر محمد البشير عتيق، كتابة نوع جديد من القصائد يساعد في اخراج الألحان المتنوعة الكانت بتختمر في تفكير كرومة وفعلا دا حصل بالضبط وعتيق كتب قصائد كتيرة جدا بشكل جديد في كل شي شعريا وكرومة صاغ الحان مختلفة تماما عن الألحان السائدة
ولو سألنا فقط عن السبب الممكن يخلي المستعمر، انجليزي أو مصري، انه يوعز او يفرض او يدس فكرة فنية فنية زي دي اكيد الاجابة نفسها حتنفي الزعم دا
المستعمر مصلحته شنو في كدا ؟
مهما فتشنا لأي سبب "سوسيوبوليتيكي" ممكن يستفيد منه المستعمر، ما حنلقى والمستعمر كان عنده وسائل كتيرة وفعالة اكتر من انه يفكر في منحى زي دا
من الشرح والنقطة الأخيرة دي ممكن ببساطة نستنتج وندحض مقولة انه الحقيبة "اختراع استعماري"
نجي لنقطة انه شعر الحقيبة هو شعر زجل
نعم شعر الحقيبة زجل
ليه ؟
لأنه تعريف شعر الزجل في الأصل وفي مطلقه هو
الشعر المكتوب بأي لهجة عامية دارجة
في الأندلس وفي الشام وفي شمال افريقيا وفي الجزيرة العربية
وهو الشعر المكتوب بدون التقيد بقواعد اللغة الفصحى من نحو واعراب وغيره وهو الشعر الماخد اوزانه من بحور العروض القديمة مع تغيير واختلاف يزيد او ينقص
وهو الشعر البتغنى بمصاحبة الحان واداء، جماعي او فردي
العامية السودانية طالعة من العربية الفصحى، زيها زي كل عاميات الشعوب التانية البتتكلم العربية
طيب لما السودانيين يقعدو ويكتبو شعرهم ويلحنو اغنياتهم بلغتهم العامية والدارجية، اكيد حيعملو ويستعملو نفس الطرق والأساليب الاستخدمها غيرهم من الناس البتكلمو عامية عربية
ومن غير قصد او سبق تخطيط
محمد ود الفكي والمطبعجي والعشوق ومن بعدهم ابو صلاح والعبادي والعمري وود الرضي لما كتبو شعر اغنياتهم، اكيد لا سمعو ولا قرو زجل ابراهيم الاشبيلي ولا ابو بكر بن قزمان ولا ابو الحسن الشستري ولا كانو سمعو اهازيج وزجل اهل سوريا ولا فلسطين ولا صوت "فن الصوت" اهل شرق الجزيرة العربية ولا طقاطيق المصريين
دي لغتهم ودي مقاماتهم الموسيقية وايقاعاتهم الموجودة عندهم من البداية
كتب بيها الحاردلو وكتب بيها ود شوراني وكتب بيها الصادق ود آمنة وكتير من اشعارهم اتلحنت واتموسقت واتغنت
وكتبت بيها بنونة بت المك نمر وكتبت بيها شريفة بت بلال وكتبت بيها بعدهم زينب بت موسي واخواتها في ام مغد وكتب بيها بابا في البشاقرة وكل او معظم الشعر دا اتلحن واتغنى
لو مشينا الليلة وصحينا زينب بت موسي ود بابكر من قبرها وقلنا ليها
شعرك وغناك دا زجل اندلسي
حيتعاين لينا وتضحك حتى تظهر نواجذها وتتلفت
وهي ما فاهمة اي شي المسكينة
ههههههههههههه
ودليل تاني علي سودانية واصولية شعر واغنيات الحقيبة هو موسيقاها والحانها ومقاماتها الخماسية السودانية الأصيلة
اذن
الشي المشترك الوحيد بين شعر الحقيبة والزجل هو:
انه الاتنين شعر مكتوب بالعامية ولا يلتزم بقواعد صرف ونحو واعراب الفصحى
زيه زي اي شعر وغناء عامي عند اي من الشعوب البتتحدث ب عامية عربية
اذن تاني
دا ما بخلي شعر واغنيات الحقيبة تكون "زجل اندلسي"
وكون شي يشابه شي في بعض مكوناته او عناصره، ما معناه انه هو ذات ونفس الشي
وحتى التشابه دا فرضته اشياء لا فكاك منها، واولها واهمها هو انه المصدر الرئيسي والأساسي هو لغة واحدة مشتركة وهنا هي "العربية الفصحى"
وسواء الزجل الأندلسي أو شعرالحقيبة السوداني، الاتنين مكتوبين بعاميتين مختلفات، وجايات من العربية الفصحى
دا هو كل الشي البربط بين الاتنين
اتمنى اكون وصلت الفكرة
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
حقيقة الحقيبة | أبوذر بابكر | 08-06-22, 09:14 AM |
Re: حقيقة الحقيبة | Ahmed Yassin | 08-06-22, 01:40 PM |
Re: حقيقة الحقيبة | يحي قباني | 08-07-22, 06:51 PM |
Re: حقيقة الحقيبة | أبوذر بابكر | 08-07-22, 09:49 PM |
Re: حقيقة الحقيبة | أبوذر بابكر | 08-07-22, 09:46 PM |
Re: حقيقة الحقيبة | أبوبكر عباس | 08-08-22, 06:01 AM |
Re: حقيقة الحقيبة | osama elkhawad | 08-08-22, 06:19 AM |
Re: حقيقة الحقيبة | أبوذر بابكر | 08-08-22, 06:28 AM |
Re: حقيقة الحقيبة | محمد جمال الدين | 08-13-22, 10:31 PM |
Re: حقيقة الحقيبة | محمد جمال الدين | 08-13-22, 10:33 PM |
Re: حقيقة الحقيبة | محمد جمال الدين | 08-13-22, 10:34 PM |
Re: حقيقة الحقيبة | محمد جمال الدين | 08-13-22, 10:56 PM |
Re: حقيقة الحقيبة | محمد جمال الدين | 08-14-22, 01:45 AM |
Re: حقيقة الحقيبة | محمد جمال الدين | 08-14-22, 02:01 AM |
Re: حقيقة الحقيبة | محمد جمال الدين | 08-14-22, 02:06 AM |
Re: حقيقة الحقيبة | محمد جمال الدين | 08-14-22, 12:47 PM |
Re: حقيقة الحقيبة | محمد جمال الدين | 08-14-22, 12:57 PM |
Re: حقيقة الحقيبة | محمد جمال الدين | 08-25-22, 10:12 PM |
Re: حقيقة الحقيبة | أبوذر بابكر | 09-17-22, 06:08 PM |
Re: حقيقة الحقيبة | أبوذر بابكر | 09-04-22, 07:24 PM |
Re: حقيقة الحقيبة | محمد جمال الدين | 09-04-22, 09:40 PM |
Re: حقيقة الحقيبة | أبوذر بابكر | 09-06-22, 05:19 PM |
Re: حقيقة الحقيبة | أبوذر بابكر | 09-06-22, 05:16 PM |
Re: حقيقة الحقيبة | أبوذر بابكر | 09-10-22, 07:31 PM |
Re: حقيقة الحقيبة | أبوذر بابكر | 09-19-22, 10:02 AM |
Re: حقيقة الحقيبة | أبوذر بابكر | 09-19-22, 06:43 PM |
Re: حقيقة الحقيبة | أبوذر بابكر | 09-25-22, 06:17 PM |
Re: حقيقة الحقيبة | أبوذر بابكر | 10-14-22, 06:22 PM |
Re: حقيقة الحقيبة | أبوذر بابكر | 10-16-22, 08:42 AM |
Re: حقيقة الحقيبة | osama elkhawad | 10-16-22, 03:20 PM |
Re: حقيقة الحقيبة | أبوذر بابكر | 10-16-22, 04:02 PM |
Re: حقيقة الحقيبة | Hafiz Bashir | 10-16-22, 04:08 PM |
Re: حقيقة الحقيبة | يحي قباني | 10-16-22, 10:47 PM |
Re: حقيقة الحقيبة | osama elkhawad | 10-17-22, 02:14 AM |
Re: حقيقة الحقيبة | أبوذر بابكر | 10-17-22, 05:45 AM |
Re: حقيقة الحقيبة | osama elkhawad | 10-17-22, 03:46 PM |
Re: حقيقة الحقيبة | أبوذر بابكر | 10-18-22, 07:18 AM |
Re: حقيقة الحقيبة | أبوذر بابكر | 10-18-22, 07:25 AM |
Re: حقيقة الحقيبة | osama elkhawad | 10-18-22, 04:03 PM |
Re: حقيقة الحقيبة | أبوذر بابكر | 10-18-22, 05:04 PM |
Re: حقيقة الحقيبة | أبوذر بابكر | 10-17-22, 05:38 AM |
Re: حقيقة الحقيبة | أبوذر بابكر | 10-17-22, 05:36 AM |
Re: حقيقة الحقيبة | محمد جمال الدين | 10-18-22, 05:37 PM |
Re: حقيقة الحقيبة | محمد جمال الدين | 10-18-22, 05:38 PM |
Re: حقيقة الحقيبة | osama elkhawad | 10-18-22, 06:40 PM |
Re: حقيقة الحقيبة | محمد جمال الدين | 10-18-22, 07:00 PM |
Re: حقيقة الحقيبة | يحي قباني | 10-18-22, 09:11 PM |
Re: حقيقة الحقيبة | محمد جمال الدين | 10-18-22, 09:48 PM |
Re: حقيقة الحقيبة | محمد جمال الدين | 10-18-22, 10:05 PM |
Re: حقيقة الحقيبة | أبوذر بابكر | 10-19-22, 10:52 AM |
Re: حقيقة الحقيبة | osama elkhawad | 10-19-22, 03:03 PM |
Re: حقيقة الحقيبة | أبوذر بابكر | 10-19-22, 04:32 PM |
Re: حقيقة الحقيبة | osama elkhawad | 10-19-22, 06:22 PM |
Re: حقيقة الحقيبة | محمد جمال الدين | 10-19-22, 07:01 PM |
Re: حقيقة الحقيبة | محمد جمال الدين | 10-19-22, 07:07 PM |
Re: حقيقة الحقيبة | محمد جمال الدين | 10-19-22, 07:09 PM |
Re: حقيقة الحقيبة | محمد جمال الدين | 10-19-22, 07:48 PM |
Re: حقيقة الحقيبة | محمد جمال الدين | 10-19-22, 08:04 PM |
Re: حقيقة الحقيبة | محمد جمال الدين | 10-19-22, 08:27 PM |
Re: حقيقة الحقيبة | محمد جمال الدين | 10-19-22, 09:07 PM |
Re: حقيقة الحقيبة | محمد جمال الدين | 10-19-22, 09:14 PM |
Re: حقيقة الحقيبة | محمد جمال الدين | 10-19-22, 09:15 PM |
Re: حقيقة الحقيبة | osama elkhawad | 10-20-22, 03:23 PM |
Re: حقيقة الحقيبة | يحي قباني | 10-20-22, 05:45 PM |
Re: حقيقة الحقيبة | محمد جمال الدين | 10-20-22, 06:05 PM |
Re: حقيقة الحقيبة | محمد جمال الدين | 10-20-22, 06:13 PM |
Re: حقيقة الحقيبة | محمد جمال الدين | 10-20-22, 06:18 PM |
Re: حقيقة الحقيبة | محمد جمال الدين | 10-20-22, 08:40 PM |
Re: حقيقة الحقيبة | محمد جمال الدين | 10-20-22, 08:41 PM |
Re: حقيقة الحقيبة | محمد جمال الدين | 10-21-22, 10:04 PM |
Re: حقيقة الحقيبة | محمد جمال الدين | 10-23-22, 10:26 PM |
Re: حقيقة الحقيبة | osama elkhawad | 10-24-22, 11:38 PM |
Re: حقيقة الحقيبة | محمد جمال الدين | 11-14-23, 03:19 AM |
Re: حقيقة الحقيبة | mohmmed said ahmed | 11-14-23, 04:56 AM |
Re: حقيقة الحقيبة | محمد جمال الدين | 11-15-23, 03:17 AM |
|
|
|