اي فعلا والله
عارف انا كتبت ليك من الموبايل
وكتر خيره مرات بقترح ليك كلمات من عنده
ههههه
ونحن النظارة ما مساعدانا كمان
بدل expressive اظنه قام عزل لي expensive
الغريبة لامن فكرت فيها لقيتها فعلا مكلفة
هههههه
الغرق اكتر تكلفة من العلاقة
كويس انك فكرت ليها
تعرف شاعىنا المرهف أبا ذر و أنت
و أنت أجدر من يحسن الإصغاء لفيض
تشبعنا بصور مائية لماض قد كان صرحا
من رمال حلتنا ثم هوى ، نحن السودانيين
نملك الكثير لنفخر به و لا شيء يعكر صفو فخرنا
و لا نملك تاريخاً رمادياً و لا أسود لنطأطئ روؤسنا
خجلاً منه، أو نحني له أعناقنا حسرةً . نطمئن أكتر
من صلابة عودنا و طيب سمتنا كلما خالطنا بشراً سوانا.
∆ و طالما أن الشيء بالشيء يذكر فعندي ليك دعگة خميرة
سودنة هذه المرة عن أبي. ذاك العملاق الفخيم و الأنيق في
بساطته حد الانحناء كملأ السنابل تنثني بقطوفها دانية، و
الفارغات رؤوسهن شوامخ، من لا يبالي أبداً بأن يلغي وجوده
تماماً في سبيل أن أنشأ عزيزاً كريماً لأصبح رقماً صعباً
بين الناس؛ لا مطأطيئا هامتي،مضطرب المقالة
أو مجرماً مطاردا مطلوباً للعدالة.
∆ و أبقى زولاً ليهو قيمة أسعد الناس بوجودي*
زي نضارة غصن طيب كل يوم يخضر عودي* أبقي دار لكل لاجئ
أو حنان جوه الملاجئ* أبقي للأطفال حجيوة حلوة من ضمن الاحاجي*
بيها يتهنو و ينومو وأحرسم طول ليلي ساجي* و القي في راحة نفوسهم
بسمتي وطول ابتهاجي* لو أعيش طول عمري نسمة .. أو مع الأيام سحابه*
أهطل أدي الدنيا بسمة .. أروي وادي و أسقي غابة* لو أعلم طفل واعــد ..
لسة ماعـِـرف الكـتــابة* أبقى شجرة ظلالها وارفة .. تحتي نايمين ناساً تعابة*
أشقي و ألقى و أبقى بهجة .. في النفوس لكل مناضل* أبقى للمعتل علاجو
.. و اأبقى للفــلاح ســنابــل* أبقى للثـُـوّار سلاحم .. أعتي من قذف القنابل*
و أبقى للكادح المـُـلوَّح كلُ حل موفــور وعـــادل!!
دفع الله ود الأصيل
فيس بوك
تويتر
انستقرام
يوتيوب
بنتيريست