|
|
 Re: ما يحدث في النيل الأزرق قابل للتوسع (Re: Zakaria Fadel)
|
Quote: اي عصبية وقبلية هذه الت تجرد الانسان العاطي من الانسانية و تحوله في لحظة غضب شيطاني لقاتل و مجرم يسحل ضحيته بلا رحمة! هل هذا هو السودان الحقيقي
خارج فضاءات نخب الخرطوم وخلافاتهم الرومانسية ! هل هذا هو السوداني برة اشعار اسماعيل وخارج اغاني العطبراوي! |
تحياتي ياباشمهندس لك وللأخ زكريا وعيدكم بخيت سعيد
نعم هذا هو السوداني
يقتل إبن عمه في شجرة عِلّيف فقط!!!
وبعد شهر تجده يفزعه ويهب روحه من أجله
تتاقض مخيف ومهوول و(يهوّل)
السوداني قبلي قبلي وجهوي جهوي
عارف من المدهشات العجيبة ، شاهدت فتن قبلية عاصفة ، لم يحسمها إلا تدخل (الدعم السريع)
والدعم السريع دي ذاتو سبب فتن وزهق أرواح يشيب منها الولدان!!!
شفت السودان دي بلد عجائب كيف.....
قرأت بعض التاريخ الإجتماعي السوداني
ولكن عملي كمعلم سنينا، وكذا بعض تجوال ومعايشة بمناطق السودان
أدركت يقينا أنني أحتاج أن أعرف وأقرأ تاريخنا الإجتماعي بصورة مفارقة وبصبر أكثر
عارف كان أملي في شباب الثورة لأنهم مختلفين في وعيهم...
حتي أبناء أهلي (بادية) من شباب الثورة عندما أتونس معهم ،أجدهم مختلفين من أهلي ومني في وعيهم
ياباشمهندس السودان دولة شقيّة في عضمها ولحمها ومشاكلها (مركّبة)
شي قبلي وشي جهوي وشي سياسي وشي ديني وشي من بالجوار وشي جغرافي وشي.........الخ
وودأبنادم السوداني هو مشكلة السودان
معزتي لك ولصاحب البوست
اللهم أحقن دماء أهلنا في السودان جمعا
اللهم أكفنا شرور آخر دولة الهمج
|
|
 
|
|
|
|
|
| |
عبيد الطيب
فيس بوك
تويتر
انستقرام
يوتيوب
بنتيريست