الاسعر الخرافيه للخراف فى البراجيل مصر وجشع السمساره السودانين

مرحبا Guest
اخر زيارك لك: 06-23-2024, 00:47 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2020-2023م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

07-10-2022, 07:48 AM

مصطفى نور

مصطفى نور
تاريخ التسجيل: 05-13-2022
مجموع المشاركات: 4975

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

الاسعر الخرافيه للخراف فى البراجيل مصر وجشع السمساره السودانين
السلام عليكم ورحمه الله وبركاته وكل عام وانتم بالف خير والسنه القادمه والايام القادمه يكون السودان والسودانين فى السودان بالف خير وينعمون بالاستقرار والرخاء ومتعه الحياه سوف اكتب لكم اليوم من البراجيل القاهره عن خراف الاضاحى السودانيه والى وصل سعر الكليو فيها اغلى مايعادل 15 الف جنيه سودانى اى 500 جنيه مصرى وكل السبب جشع السمساره للاسف السودانين الذين لا اخلاق لهم ولا ذمم طبعا الخراف السودانيه وعقده كل سودانى سوى كنت وهم او حقيقه انو احسن لحمه اللحم السودانى وواحسن جبنه الجبنه السودانيه واحسن دكوه الدكوه السودانيه واحسن شمار هو الشمار السودانى انا لاانكر ذلك لكن استنكر جشع التجار والسمساره السودانين الذين لا اخلاق لهم ولادين ولا ذمه وتنطبق عليهم الايه بِسْمِ اللَّهِ الرَّحْمَنِ الرَّحِيمِ وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ (3) أَلَا يَظُنُّ أُولَئِكَ أَنَّهُمْ مَبْعُوثُونَ (4) لِيَوْمٍ عَظِيمٍ (5) يَوْمَ يَقُومُ النَّاسُ لِرَبِّ الْعَالَمِينَ القصه بتاعت الخراف سالت الاخوه السودانين المقمين فى اكتوبر حيث اعيش عن الاضاحى ووجدت الاجابه انو الاضاحى فى منطقه البراجيل فى القاهره المهم والله وانا صائم يوم عرفه وفى جو حار جدا توكلت على الله وذهبت الى مكان الحافلات وسالت عن كيفيه الوصول للبراجيل وعرفت انو اركب من اكتوبر للطريق الدائرى ومن الطريق الدئراى لسلم البراجيل ومنها اركب رقشه لكى اوصل لمكان بيع الخرفان طيبه الذكر الخراف السودانيه المهم بعد عناء وعطش وصلت ووجدت الخراف السودانيه تحت كبرى فى البراجيل وكل زول عامل له زريبه وخاتى ليه كنبه عشان يجلس فيها الضحايا من الذين جاوا لشراء الاضخيه ويسلونك تشرب شاى ولا جبنه ولا صائم يوم عرفه طبعا البدايه قبل الضربه القاضيه فى السعر لانو ضربه بنت كلب فى الراس فى الظروف الكعبه بتاعت اغلب الناس خاصه فى مصر الناس فى معاناه للحياه الكريمه وطبعا شعار كل سمسار عايز يغشك انو تشوف الجلابيه والعمه الكرب الساده وتحس با الكرم والشهامه والنخوه السودانيه فى الزول القدامك ده وعمرك ما تفتتكر انو مممكن يغشك ويركبك ماسوره 100 بوصه فى ايام عرفه وايام الدعاء فيها مقبوول سوى دعاء خير او شر وعندما وصلت تحت كبرى البراجيل محل الخرفان وجدت زى مابقولوا الاعمي شايل المكسر من الذين يقميون فى مصر من السودانين والزوار فى عطلات صيفيه وطبعا يعيش فى مصر الان مايقارب من تسعه مليون سودانى المهم وجدت الناس توصل الى المكان بعد شق الانفس وانا كنت تحت الكبرى حيث كنت انتظر شخص لا اعرفه اعطانى رقم الاتصال عليه شخص يعرفه وتعرفت عليه فى اكتوبر المهم اتصلت على الرجل كم مره ولم يرد وطبعا الرجل تحدثت معه مسبقا وتعرفت عليه وقال لى بالحرف والله خروفك عندنا والله فى حدود 5 الف جنيه مصرى وطبعا سعر الجنيه المصرى 30 جنيه سودانى ولكن ما مافى مشكله تعال بكره الجمعه بعد صلاه الجمعه وواتصل على من البراجيل من تحت الكبرى وطبعا لم يرد الرجل على اتصالى ودى كانت الكذبه الاولى فى يوم عرفه لرجل مسلم من المفترض ان لا يكذب الرجل المهم وانا راسى ضارب قلت اتوكل على الله وواشترى بنفسي ووكنت جالس فتره طويله مايقارب ساعتين وانا اتفرج على الخراف والتى كم هزليه ووبعض الخراف راقد فى الارض وهذا دليل انو الخراف بهذه الحاله لسببين اما مريضه ام جعانه وواخيرا ووجدت شخص لما سمعت اسمو وتخيلت الشكل عرفت وتذكرت انو الرجل ده درس معى فى الثانوى العالى فى السودان قبل 43 سنه المهم سلمت على الرجل وعرفته بنفسي وذكرت له كل الدفعه فى المدرسه والرجل يتذكر وانا اتذكر ووقلت له بصريح العباره انا عايز لى خروف كويس وبسعر كويس بحكم انو نحن زملاء دراسه والرجل يقول لى كدى اصبر على شويه وشغال مع الناس البجوا شله مع بعض وكل مره يقول لى كدى اصبر وصبرت صبر ايوب اخيرا قال لسودانى يعمل معه جر الخروف الابيض ده جيبوا هنا لعمك دة عشان يشوفوا وانا رجل اجهل بالخراف وبالحيوانات جمعيا فقلت له والله انا لا اعرف مثقال ذره عن الخراف والمهم قال يازول دى ضحيتك تخط ليك لحم كميه ووده خروف كنت عايزو لنسيبى المهم شيل خت شيل خت فى السعر ووالرجل بقول انو اكرمنى دفعت 5200 جنيه مصرى عدا ونقدا والله العظيم المهم كتبوا اسم العائله بتاعى فى الخروف بى بخاخ وبقى الخروف من العائله المهم قالوا صور خروفك ووفرحان بالخروف ورسلت صور الخروف فى الواتس اب للعيال فى البيت عشان يفرحوا ويحتفلوا و لكى احتفظ بهذه الذكرى الحلوه خروف ووزميل دراسه ووجدته بعد 43 سنه المهم لاحظته انو خروفى ده شرش برجع حركه وراء وبجى طاير فى الخراف كانوا المصارع جورسينه ويرمي ثلاثه اربعه خرفان صغار من ملاحظاتى انو خروقى عندو بدون مواخذه بيوض حتى الارض من ملاحظاتى ايضا انو فى نفس المقاس منو خروفين تانى كل مايعرضوا على شخص يقول ليهم لا لا الخروف دة شنو ما نافع زى نافع على نافع المهم جاء عمك رجل كبير كده وماشي بعكاز ومعاه ولدو وقال للولد جيب ليك خروف سمح قام الولد ربنا ينور بصيرته لانو كان هو سبب انقاذى من الحمار الخروف او الخروف الحمار لانو حجم الخروف خرافى ومبالغه الولد جر الخروف ده لقيت ما نفسو قام وعطش الولد وشرب زجاجه مويه ليتر ونصف قام ابوه فتح خشم الخروف انا مفتكر الاب دكتور اسنان وقال للولد انت ياولد عوير جايب لى خروف قدر جدك وقعد يضحك فى الولد المهم انا قلت ياحاج عليك الله الخروف ماله قال يازول الخروف ده داخل على اكثر من سته سنوات عمرا بالميلاد وليس تسننين انا طوالى قلت ليه والله يعنى مفروض الخروف ده يكون فى اولي اساس الرجل قعد يضحك وقال عارف خروف زى يكمل 3 انابيب غاز ولحمة قوى لستك بس والحمدلله انو فى مصر الغاز خط وليس انبوبه يازول انا طوالى مشيت للزميل دفعتى وقلت يازول انا خروفى ده عمرو كم قال العمر مامهم انما الاعمار بيد الله المهم دقيت جرس قلت ليه يازول انا مركب طقم اسنان فى امريكا قبل 25 سنه كلفنى 6 الف دولار وطبعا يقال لطقم الاسنان كبرى قلت ليه تعرف يادفعه الوقت داك كبرى شمبات ما كلف مبلغ طقمى ده بالله عليك اعفيني وخلينى من الخروف بتاع اولى اساس ده لانو زى ماقلت ليكم الخروف عمرو بعد ان فتح الرجل الكبير خشم الخروف وشاف الاسنان وعرف انو 6 سنوات قلت ليه يادفعه ادينى خروف فى كجى ون يعنى ماقبل الروضه سنتان المهم بعد ان طنش منى كم مره قام قال تعال معاى وشطبوا اسمى من الخروف المصارع وكتبوا فى خروف ببيبي كده وقال والله دة بالشمش يتحمر وطبعا انا فرحت انو اتخلصت من الخروف الخازوق المقلب ووجدت خروف كييوت وببيبى صغير وكتبوا اسم العائله فى الخروف الثانى الصغير مره اخرى غايتو الله يغفر لى جدى المات فى كررى اخر الزمن اسمه بقى مكتوب فى بطن خروف ووطلع الخروف الكبير من العائله الحمدلله غير ماسوف عليه المهم امس اول يوم فى العيد ووالرجل المحترم المصرى من يذبح ويوضب ليك الخروف جوار محل بيع الخراف تحدثت معه وقلت ليه بكره اجى عليك الساعه كم قال تعال بعد منصف النهار المهم انا فى الطريق وخلاص قربت اوصل البراجيل اتصل على الزميل وقال يازول كل سنه وانت طيب وكل عام وانت بالف خير تعال سريع استلم خروفك لانو خلاص نحن خلصنا وسلمنا كل زول خروفه المهم قلت ليه انا قريب منك ووصلت لقيت خروفى خروفى احبك انت الوحيد فى نص المعلب وكان راقد فى الارض ماعارفه بفكر فى شنو ماعارف والله المهم قلت ليه يازول دة ما خروفى قال يازول ده خروفك امشي بالجهه الثانيه وشوف اسم العائله بتاعتك مش مكتوب فيه ووطلع الخروف خروفى وتذكرت فى اللحظه ديك قصه الفول فولى سوف ازرعه وحدى واحصده وحدى وواكله ووحدى فقلت فى نفسى الخروف خروفي والقروش قروشي سوف اكله وحدى لانو بالجد لو جابوا زول من اكلى لحووم الضان زول حريف ممكن ياكله لحالو طبعا عندما اصبح خروفى رحمه الله عليه وحده ظهر الحجم الحقيقي للخروف وانا طبعا لما كان بين مئات الخراف تشابهت على الخراف وافتكرت انو من الخراف ذات حجم عائلى لكن للاسف طلع صغير الحجم حنكوش للطيش المهم نحر الخروف المسكين لانو كان ممكن يتتمتع بسنه اخرى او سنتان او يكون فى سن المعاش زى الخروف الاول صاحب السته سنوات المهم كرامه وسلامه والرجل الجزار المصرى رجل محترم قال لى ماتزعلش لانو دى عباده ولكن قروشك دى 5200 زايد 300 الذبح المبلغ 5500 جنيه مصرى مايعادل 165 الف جنيه سودانى كانت جابت ليك 33 كليو لحمه سودانيه بالكليو بس تعتتبر فى الحاله دى مش ضحيه لانو بالكليو وطلع خروفى مع الراس ومع المرراه وانا الاتفقعت مرراتى والله والعفشه فقط كان الوزن الحقييقي 11 كليو يعنى وزن الريشه وليس مثل تايسوان من الوزن الثقيل ووقع لى الكليو بحوالى 550 جنيه مصرى مايعادل 16 الف جنيه سودانى وطبعا فى ناس اتغشوا زى كتار حتى فى ناس اشترت امس اول يوم فى العيد بحوالى 8500 جنيه مصرى والشى الموسف لقيت اشكال كميه من الناس نفس الناس الشفتهم اول يوم مشيت احجز الخروف ولابسين جلاليب بيضاء مكويه ولافين عمم ولابسين مراكيب شى نمر وشى اصله وشى جلد بقر ويبدو عليهم الوقار ووالاحترام والرزانه وسالت الجزار المصرى منهم قلت نفس الناس ديل امس كان بشتروا فى الخرفان ووضحك حتى بانت نواجز الجزار وعرفت انهم سمساره التاجر فى الخراف يجى كل زول يرفع السعر ومن ثم يدخل زول تانى مسكين فى البيعه ويركب التونسيه وتركب فيه الماسوره وهناك ايضا عندنا عدد محترم من الاخوه السودانين سمساره اعضاء البشر فى القاهره للاسف عايز كلؤؤى - قرننيه - كبد- كلوا موجود وصل بنا الحال الى السمسره فى الاعضاء التى يسالعنها يوم القيامه الم يقل الله تعالى يوم تشهد عليهم ألسنتهم وأيديهم وأرجلهم الجوارح التي هي من نعم الله تعالى-علينا، يقول تعالى-: (اليوم نختم على أفواههم وتكلمنا أيديهم وتشهد أرجلهم بما كانوا يكسبون) [يس:65] ويقول -تعالى: (ويوم يحشر أعداء الله إلى النار فهم يوزعون حتى إذا ما جاءوها شهد عليهم سمعهم وأبصارهم وجلودهم بما كانوا يعملون وقالوا لجلودهم لم شهدتم علينا قالوا أنطقنا الله الذي أنطق كل شيء وهو خلقكم أول مرة وإليه ترجعون) [فصلت:19-20]. وقال -تعالى- في آية أخرى: (يوم تشهد عليهم ألسنتهم وأيديهم وأرجلهم بما كانوا يعملون) [النور:24] ونحن للاسف نبيع وهناك سمساره لبيع هذه الاعضاء . انا تاسفت واعتذرت شديد للاخ الجزار المصرى المحترم لانو قال انو انتوا السودانين تتعاملوا مع بعض بثقه كبيره ونحن والله عشان نقدر نبيع ونشتتري معاكم فى البراجيل وصلنا مرحله انو نشغل سودانى لايفقه مثقال ذره فى البهايم ولا فى الجزراه نعطييه راتب مغرى عشان بس يكون وواجهه فى المحل عشان السودانين يشتروا مننا وانا الان لو جبت ليك خروف سودانى احسن من خروفك ده لانو خروفك دة سعرو الحقيقى 187بتاعك ده يعادل 0 لانو الكليو الخروف السودانى فى الايام العاديه ووزن حيي الكليو بى 170 جنيه سودانى يعنى انا زمليي الله يعطيه العافيه عمل فينى كبرى حنتوب وكبرى رفاعه وكبرى المنشييه وكبرى المسلميه ولكن التعلم فى الحياه شى كويس المهم كل عام وانتم بخير وانا بقول لنفسى بعد ما جيت شايل الخروف فى كيسين وواحد فيه اللحمه وواحد فيه الراس والعفشه اللذيذ فى الموضوع زمليي قال امشى اشترى ليك 7 اكياس كبيره عشان اللحمه بتاعتك وطبعا اتصلت على المدام وقلت ليها عارفه انا جاى بتكاسي طلب لانو صاحبى وزمليي فى الدراسه قال حضر ليك 7 اكياس سوداء كبيره وطبعا جيت راجع بالموصلات ومعاى كيسين فقط وباقى الخمسه اكياس من الحرقه ووالزعل بقيت انفخ الكيس واضربوا بوكس هههههه وبقيت اكرر اغننيه زيدان ابراهيم ورجعت حابس ادمعى وكل عام وانتم بخير ولكل بقول لكل الاخوه ناس البراجيل من السودانين فقط والسمساره ووالوسطاء اتقوا الله فى البيع والشراء حتى يبعدكم الله عن اكل اموال الناس بالباطل وحتى لا يبتلكيم الله بالمرض وبكل شى عقاب عن الغش وواكل اموال الناس اى كان السبب مع تحياتى مصطفى (عدل بواسطة مصطفى نور on 07-10-2022, 08:34 AM)

العنوان	الكاتب	Date
الاسعر الخرافيه للخراف فى البراجيل مصر وجشع السمساره السودانين	مصطفى نور	07-10-22, 07:48 AM
Re: الاسعر الخرافيه للخراف فى البراجيل مصر وج	مصطفى نور	07-10-22, 07:51 AM
Re: الاسعر الخرافيه للخراف فى البراجيل مصر وج	Abureesh	07-10-22, 08:31 AM
Re: الاسعر الخرافيه للخراف فى البراجيل مصر وج	مصطفى نور	07-10-22, 08:37 AM
Re: الاسعر الخرافيه للخراف فى البراجيل مصر وج	توفيق عيسى مكي	07-10-22, 08:47 AM
Re: الاسعر الخرافيه للخراف فى البراجيل مصر وج	مصطفى نور	07-10-22, 09:31 AM
Re: الاسعر الخرافيه للخراف فى البراجيل مصر وج	Asim Ali	07-10-22, 10:01 AM
Re: الاسعر الخرافيه للخراف فى البراجيل مصر وج	Abdelrahim Mohmed Salih	07-10-22, 10:28 AM
Re: الاسعر الخرافيه للخراف فى البراجيل مصر وج	مصطفى نور	07-10-22, 10:39 AM
Re: الاسعر الخرافيه للخراف فى البراجيل مصر وج	مصطفى نور	07-10-22, 10:51 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]