سَلاماتْ، بروفْ حَسَّاسْ مُحَمَّدْ حَسَّاسْ

« موجعني في البحر السكات
و و مسكتتي في الوجع البحر!!
1)للسادة المغوغلين ، المتوترين، المفسفسين و الموطسبين
وبقية وسائل التناصُل اللا- اجتماعي ،ديل كولهن عاملات زي
مشلعيبنا الأيامات دي مكرتح ما فيه شيء يعضوه ولا حتى
فقشة بصلة كلاب بس لازم تعرفقو الظلم جاي من وين عليك
2) ياخ من شدة تشاؤمنا ، تعودنا إذا ما جانا مطر نقول:
دي كترة ذنوبنا .وإذا انهمر المطر وابلاً وإن لم يُصبنا
وابلٌ فطلُّ نقعد نقول لكي غضب سوط غضب من ربنا
غايتو عالم شكأي وبكاي، ياكل في لحم جدلو ليل ونهار؛
3) عمومن ، ) قبل ما تفضفض لي زول ... تأكد إنك ماسك
عليه كم زلة قدم أو زوغة لسان من باب لزوم الأمان بس
دا لتأمين باكاتك من الجهجهة و الدخول في حيصَ بيصَ
4) فبعداك لو في زول خدعك فهو#حقير
ولو خدعك مرة ثانية فهو أحقر وإذا خدعك
مرة ثالثة ...فأنت#حمار الصراحة .
5) ثم بمناسبة أحزمة الأمان الحقارة دي ، تفتكر
لو البلد دي فعلن فيها ذرة أمان ، أساسن، هل كان ربطو
{كيزان) الموية بأزيار السبيل؟ بالله موش سوعال وجيه
لكن مين يقول البغلةى في التيبار!!