سَلاماتْ، بروفْ حَسَّاسْ مُحَمَّدْ حَسَّاسْ

 سُودانوياتٌ من أصل بلادو


∆ سودانويات؛ أضف إلى معلوماتك:∆
و بالموناصبة دا شغلنا برانا يمكن تلاقيط من
هنا و هناك ولكن خالي تمامن من مظنة صفة
الانتحالات المخيمة فوقنا الأيامات دي زي شبح
الموت و اللعنات الفرعونية.إذن، هاك أضف إلى
معلوماتك- غيضاً من فيض سودانوياتنا.!

1) إذا رأيت أنياب الزولة بارزةً ، برا شغلة ، فلا تظنن
الزولة تبتسم ،بل اتصل فوراً ، بحملة ضبط الممنوعات.

2) وإذا عاوز المرأة من حيثُ هي تركز معاك في كلامك
الخارم بارم فقط عليك أن تبدأ بعبارة: ياريت الكلام دة ما يطلع
من هنا (فا ممكن المسگينة تسگت دماغياً و تتمدد أمامكبلا حراكٍ
من شدة التركيز و عقلها الباطن يقولليگ: سرم في زير سالم!!
+ دي زي لامن مرة واحد رجع البيت لقاه محروس و ستو تكوس،
لانو جنها حوامة عبارة عن مروحية، ولا لقى اي حاجة يمدغوها،
فقام تاوق بفوق الحيطة شاف جدادة جيرانم راكدة ليها في بيضات
شال منهن جنا جداداية واحدة سلقا اتصبر بيها لامن البعلة رجعت
وراها بالحاصل ، و بهناك ناغمتا جارتا شحدت منها كورة عجين
فطوالي اعتذرت ليها بي بيضة راجلاـ، فديك طواليكشحت الشمار
بي حرو للهيتة التانية بأنو راجل فلانة بقى بتاع تُلب وإنو هداك كاتل
جدادة الجيران و خامي بيضا كلو ، المهم يا زول لحد المغيرب
كدا كبسوه ليك قوةٌ مدججة ٌ من ناس مكافحة 9 طيلة
وكلبشوه وكبو ليه شطة لا أيدو لا كراعو