سَلاماتْ، بروفْ حَسَّاسْ مُحَمَّدْ حَسَّاسْ

/دا بقى الجنن عبد القادر::
* حاجات كُتاراات اللي دفعن بعمنا عبد القادر الى حافة الجنون و أفقدنه صوابه ودا كان ليس
بالامر السهل .بخلاف حكاية القريشات المدكانت و الحرقن في حفرة ا لدُّخان يوم جات الحزينة تفرح،
فقد تراكمت ظروف معينة ادت الى ان يصبح عبد القادر في حالة نفسية تفسر بأنها حالة جنون.
* و الماساة بدأت قبل أعوام عندما استطاع عبد القادر ان يتحصل على قطعة ارض و طبعا كان هذا حلما ً
عظيما و مرت اجراءات التسجيل و خلافة في مكتب التسجيلات و مكتب التسويفات و مكتب التفعيلات و خلافه
على احسن ما يكون .. و لم يبقى الا ان يذهب المساح ليمسح الارض ليشرع السيد عبد القادر في البناء
و في احد المكاتب كان احد الافندية يقول لعبد القادر:-
- و الله كل حاجة تمام . . و الموضوع ما عايز حاجة . . بس المشكلة كلها في العربية نحنا ما عندنا
عربية علشان نرحل بيها المساح . . و غايتو كمان انتظر يوم يومين لحدما نلقى عربية نرحل بيها المساح .
و بالطبع فان هذه المشكلة تبدو صغيرة في نظر عبد القادر فقد اقترح على الافندي ان يقوم بترحيل المساح
بعربته الخاصة . و لكن السيد الافندي يعترض ...
- لا ... دي بس مش ممكن .. المساح موظف عندنا هنا و لازم يترحل بعربية الحكومة .
و يجادل عبد القادر: ياخي اعتبر ترحيل المساح دا بالعون الذاتي و ان مستعد ارحله ليكم ..
و لكن الافندي يصر على رأيه .. و يقترح عبد القادر اقتراحا آخر:-
- طيب انا عايز اتبرع بالعربية بتاعتي دي للمجلس ممكن ولا مش ممكن ؟
- ممكن طبعا دي حاجة تسرنا جداً.
- كويس خاااالس . . استلم من دلوقتي العربية دي و اعتبرني متبرع بيها ..
- اول حاجة تعمل طلب و عليه دمغة و بعدين لما المجلس يقبل التبرع بتاعك دا ..
يقدر المجلس يخصص العربية دي للمهمة المناسبة يعني جايز العربية دي يحتاجو
ليها في قسم الصحة يقوموا يودوها للمسئولين عن الصحة في المجلس .. يعني ما تقدر
تضمن انها حيخصصوها للمساح .و أصابت الدهشة عبد القادر و لذلكقرر عدم التبرع
بعربيته طالما ان الموضوع غير مضمون .. و سأل بكل براءة الافندي قائلاً:-
- طيب دلوقت أنا أعمل شنو؟
و أجاب الافندي :- تفضل منتظر لحدي ما نلقى عربية نرحل بيها المساح .و استمر السيد
عبد القادر يتردد على المجلس يسأل عن العربية حتى كان في ذات يوم عندما فاجأه الافندي قائلاً:-
- اهو دلوقت تعتبر نفسك محظوظ . . و مش قلت ليك الصبر طيب .. جاتنا عربية جديدة مخصوصة
للمساح . . و من دربك دا تمشي طوالي تمشي تشوف قصة مسح القطعة بتاعتك دي .و انبسط عبد القادر
ايما انبساطة.. و توجه من حيثهو وفوره للسيد المساح و لكن انبساطته لم تستمر طويلا فقد أخبره أفندي آخر:-
- المساح بتاعنا يا أخينا نقلوه من هنا ليهو زمن و دلوقت نحنا منتظرين يجيبو لينا مساح جديد ..
و ظل عبد القادر يحاول و يحاول دون فائدة فالمجلس الان يحتاج الى مساح بالرغم من ان هناك عربة
جديدة تبحث عن مساح . . و اخيراً قال له احدهم: شوف يا ابن العم . . اصلو في ازمة بتاعت مساحين
لما ينقلو لينا مساح او تتخرج دفعة جديدة بتاعت مساحين نقدر نديك واحد . . و احسن حاجة انك من
دلوقت تمشي تشوف ليك طالب في معهد المساحة و تقنعه ان يتخرج و يجي يشتغل في المجلس دا .
*و ذهب عبد القادر و قابل احد طلاب معهد المساحة و اتفق معه انه سيتكفل بمصاريفه
حتى يتخرج .. على اساس ان يعمل بالمجلس المذكور و قبل الطالب هذا العرض و هو
في غاية السرور ..و قبل كذلك عبد القادر هذا الشرط العجيب و هو في اشد الامتنان . .
* و عندما أزفت الىزفة لموعد الامتحان ..حضر الطالب النجيب إلى عمو عبد القادر وهو
يوضح معضلة بسيطة و هي انه ضعيف في مادة المساحة الأرضية و مادة المساحة الجوية
و علم المساحة الجيودسية و هو يحتاج لمدرس خصوصي لهذه المواد .
* و بعد جهدٍ جعيدٍ و تعبٍ شديدٍ تحصل عبد القادر على استاذ يقوم بتدريس هذه المواد
.. و يتكفل السيد عبد القادر بالاتعاب . . و استمرت ايام المذاكرة و الدروس الخصوصي
ة و جاء الامتحان . . و نجح الطالب و تخرج مساحاً معتبراً قد رالدنيا . .
* و فرح السيد عبد القادر و فرحنا كلنا لنجاح ابننا عبد الرحيم المساح(دمع البكا)
.و اقمنا بهذه المناسبة حفلة كبيرة امتدت الى الساعات الاولى من الصباح ..غنى فيها
سنائي (الدبليبة) ميرغني المأمون و احمد حسن جمعة وبي عاد تقيل، كل أغاني الشاعر
علي المساح تيمنا بهذه المناسبة السعيدة .. و كما غنى الفنان كمال ترباس أغنيته:-
* مسلن، زي ما بنمشي للناس ما بيجونا .. للقلعة رجعوا يعذبونا. .على اساس ان هذه القلعة
غير مخططة و غير ممسوحة . . و لهذا فهي لها علاقة بتخريج ابننا عبد الرحيم المساح .
و غنى ايضا احد الفنانين الناشئين أغنية الفنان احمد المصطفى و التي يقول فيها:-
اطفي اللهيب البيا .. و امسح دموع عينيا .. و أغنية:-
بطير بي فوق بي غرب السوق، على اساس ان هذا الطيران هو من
اجل مسح منطقة غرب السوق مسحا جوياً شاملاً . .و أغنية اخر تقول:-
بيتكم بي وين يا عينيا، على اساس ان هذا البيت غير ظاهر على الخريطة !!
و على العموم . .
* غايتو كانت ليلة ولا ألف ليلة و حفلة جميلة مسحنا فيها احزاننا و بعد أيامٍ
معدوداتجاءني السيد عبد القادر و ذلك للذهاب لابننا بشمهندس/ عبد الرحيم المساح
لأخذه لناس المجلس .وعندما طرقنا الباب جاءنا رجلٌ كبيرٌ مسنٌّ عرفنا فيما بعد
انه خال ابننا عبد الرحيم المساح .. و حينما سألناه عن ابنهم عبد الرحيم .. أجاب ..
- يا ولدي انت ما عندك خبر ولا شنو . . عبد الرحيم زمان لقى ليهو شغل بره السودان
و سافر هسع كان ليهو سبعة يوم كان عشرة يوم .. و قد كان دا الجنن عبد القادر ..
__________________
واجعنى فى البحر... السكات
ومسكتنى فوووق الوجع....البحر
ود ا ل ح ي ش ا ن ا ل ت ل ا ت ة
مؤذنٌ محجورٌ منزلياً بجزيرة مالطا