@ خَمايرُ سَوْدَنَةٍ/

《 أبعاج أخوي و حجة مع كتشنر》
《 3》
▪ يلا ، و مري يا سنيين و دنين و تعال يا العقيد/ جعفر نميري تِتِّرِب نط لينا
في السلطة ،متل الديك في العدة ( أكان هبشوه بكسراً و كان خلوه بخسرا ) و
أبقى لينا رئيساً لمجلس قيادة ثورة مايو و للسودان بكامله. فأول حاجة بعد تلاوة
البيان رقم (1) لثورة مايو الظافرة الفتية قال : نادو لناس الضيافة في القصر نادو
لي واحد معاكم هنا اسمو سبيتي, عامل ضبان ضكر، جيبوه لي لو كان حياً أو ميتاً.

●》فجابو ليه عمك سبيتي عجوز مكركب و عادم اسم السن و الظاهر أمو كانت
اليوم داك أظن ما داعية ليه بل عليه بالعكس عليه. الشاهد أن أبعاج فش فيه غبينة
سنين شيء نهير وشتائم و ربما لحَّقو شلوت أو طالوش بنية من يده الغليظة و أمر
بطرده من البلاط نهائياً. و بعد تشفعات الأجاويد قبل على مضض أن يبقيه حياً في
القصر ؛و لكن ليس على رأس عمله بالضيافة. قال: يلا يغور من وشي طفشوه أي حتا.

●》قامو جماعة الموارد البشرية{HR} بدل ما يكطعو عيش المسكين،ختوه
جنايني في حدائق القصر الجملية .. و عمك كان برضو فنان بالجد في تنسيق
الزهور. قام نميري بعد أن نفض غبار الشيوعية عن نظامهو قطع روسين خصومه
ثم نفي من نفى و عفا من عفا. قام قال ليك نديها حجة لببت الله نحت والذنوب

●》 فلما عرضوا عليه كشفاً بالوفد المرافق، كان قد سقط بداخله سهواً
اسم الما يتسماش عم "سبيتي" فانتفض أبعاج و قال مين خت ال(...) دا؛
أنا ما قلت موش عايز أشوف خلقتو هنا , و كمان تختوه معاي في أولحجة
دايرين تبوظوها علينا من هنا و لا شنو يعني. يا خ دا حج مع عبود و حجَّ
مع الحاكم العام (كتشنر)و يمكن مع الهالك غردون باسا ظاطو ؛ أها و الله
أصلوا ما يضوقا معايو راح أبعاج أخوي شاطب ليك عمك ليك من الكشف.


« توقيع / ود ا لحيشان التلاتة»
و بَعْضُ النُّفُوسِ ** كبَعِضِ الشَّجَـرْ
جَمِيـــــلُ القَـوامِ ** رَدِيْءُ الثَّمَـــــرْ
وَ سَبْرُ النُّفُـوسِ *** كَصم الحجـارة
فَمِنْهَا كَرِيْمُ نَّفِيْسُ* وً جلمـود صخــرْ
و كَمْ مِّنْ ضَرِيْرٍ* كَفِيْفٍ بَصِيْرُ الْفُؤَادِ
و كَمْ مِّنْ فُـؤَادٍ *غَرِيْرٍ كَفِيْفُ الْبَصَـرْ