+اللَّهمَّ إنَّا صائمونَ/

شفت يا سيف وأنت ماري بي دردق ما شي على حي
ناصر ومع موقع نقطة البوليس القديمة يسار الزلط،و قبال
ما توصل اللفة علىمحمية أم باروينة ، هنا بيتفرع شارع (18)
بوديك طوالي باتجاه جمع أبو سنون الفي حي مايو؛ لا هنا
بالظبط ، بتلقى بيت جدنا يوسف الكامل من الدناقلة شرق مدني
و متزوج حبوبتي الحرم بت أبو عاقلة أصلها من العريباب.
+ ولو واصلت على جزيرة الفيل بتلقي جماعتنا ناس شقدي
و فقيري و حجر ؛و عندي خالتين جنب شدرة مهدي مع لفة
حي المكي ،برضو فيها عايلة ناس الكجم. بس أرجو إن
ما أكون طولت عليك الوصف.
+ أما أستاذكم دا لوعبد القادر أحمد أبو عاقلة (الحلاوي)
فهو خالي طوالي وكان برضو بدرس في مدني الأميرية
و الحرم مرت عمك يوسف الكامل دي عمتو شقشقة أبوه.
+ بس صورتي أم تفة دي يمكن قديمة شوية و جايبة لي هوا
كايس أبدلا ماني قادر هنا، ما زي منتديات ود مدني