+اللَّهمَّ إنَّا صائمونَ/

استراحة رمضانية 😂
∆ واحد جاهو ضيف عاطل و دمو قرادي في رمضان،
صاحب البيت يصحي الصباح يمشي الشغل يخلي الضيف
نايم ، يجي راجع من الشغل يلقي الضيف نايم يشخر!!!
∆ أريتو عاد ضيف السرور، كل برنامجو يصحي يتركع و يرجع ينسدح ينوم،
تاني ما يصحي الامع مدفع الافطار رفعة الطرق ، يتوضأ ويسبغ الوضوء تمامن
ويمشي مكان الفطور بضرب اللحوم و العصاىيد شيء تقلية و شيء بقلية و شيء
نعيمية وشيء ويكاب Wake~Up وحتى لو سخينة بي بصلة و لا أم تكشو ،أصلو
ماعندو قشة مرة و أهم حاجة المستحيلات (ما طبعن، لأنو المؤمن حلوي) 😎
∆ بعد الفطور يكوع في البرش يشرب العصاير و أهم حاجة الٱبري
أبيض و ملون على خلو مر و الشواهي و الجبنات الميهن خمج، و عليها
سجارة ثم سفة دقار مجروص،يعدل دماغو مظبوط و يلا ينعدل للغلات
مع الجماعة في فرغة ومقدودة ، ويرجع ينوم تاني ما يصحي إلا يدبها
عشوة گاربة، ما حصل نام خفيف 😋وصاحب البيت قرفان منو شاميه
ليك شمة!! ياخي دا عمل جضيمات بقى منفخ بس كديس لكوندة!!
∆ ليلة سبعة وعشرين بعد اتعشوا قال لصاحب البيت عليك الله الليلة ،
رجاء وما عليگ أمر، بس تصحيني معاك عشان نتحري ليلة القدر سوا 😊
¶بس سيد البيت ما صدق لقاها فرصة يعضيه صرخ فيه قاللو: يا زول قوم
على حيلك قمقم جلدك ، وأمش انجدع نوم نومك ساي، علي طلاقن بالتلاتة
ليلة قدرن فوق جنس المجدة الأنت فيها دي تاني ما أظن تلقاها،قال يتحرى
قال، ياخيحر يفسخ جلدك، كرهتنا بيتنا والبيوت المجاورة زاتو😂😂