|
Re: صديق الموج؛ الرحيل المر!!! (Re: إسماعيل حميم)
|
كتاب البوردابي الكبير محمد ودقاسم في صفحته في الفيسبك عن صديقه صديق الموج
(الموج يا فاكهة مجالسنا ، والموت حق كنت أشعر بأن صديق الموج يهتم بي بشكل خاص ، ويمنحني مودة خاصة . وكنت سعيدا بذلك . لكني اكتشفت بمرور الأيام أن صديق كان يعامل جميع أصدقائه بمثل ما كان يعاملني به . ولما عرفت هذه الحقيقة ازدادت سعادتي بأن اكون صديقا لصدّيق الموج . ربطتني بصدّيق الموج ساحة الرابطة الرياضية للسودانيين بالخارج ( الصالحية ) . وتوثقت علاقتنا أكثر حين انضم صديق لمنبر سودانيزاولاين ، فأصبح بوردابيا نشطا وفاعلا ، يرسل فكرا ناضجا ، وقفشات لا تنتهي ويخوض المعارك ليقتل غول الظلام . وبعد لحظة تعرّفك بصدّيق الموج ، تتعرف بلا تلكؤ على أسرته ، وتدخل بيتهم وكأنك داخلٌ إلى بيتك . ثم تصبح إنعام ( أم حيدر ) صديقة لفوزية ( أم طلال ) ، ويتعرف الأولاد بعضهم ببعض ، ثم يشاركون في أنشطة الجالية مع بعضهم ، يرقصون ويمرحون ، ويتعلمون من بعضهم البعض . يخرج صديق من الصالون ، ويقف في الممر ، وينادي : فوزية ، فوزية .. فترد عليه فوزية وهي داخل مطبخها : آي يا صدّيق . فيحدثها : إنتي ما دام عملتي ده كلو ، وتعبتي التعب ده كلو ، كان لزومو شنو التقصير ؟ وتتساءل فوزية : في شنو ناقص يا صدّيق ؟ فيرد صدّيق: الشعيرية وينا ؟ إنتي ما عارفة ناس شتات ومعتصم ديل أي أكل ما فيهو شعيرية ما بينفع معاهم ، وبيعتبروه ناقص . ديل يا فوزية الورق الأخدر بتاع عباس علي كمير بتاع الشعيرية يوم العيد يتطاقش في شوارع الحلة . عليك الله أعملي ليك ورقة شعيرية بسرعة عشان الناس ديل ما يشيلوا حالك . ويضحك صلاح شتات ومعتصم دفع الله حتى يتمرغوا بالأرض ، والله يجازيك يا صدّيق الموج ، هسة المرة دي تصدّق وتقوم تسوي لينا شعيرية . كان صدّيق لا يظهر عليه أي غضب وهو يتعامل مع الآخر ، فقط يجرّك إلى الضحكة ، وهو منهمك في شرح فكرته ، وكنت أرى هذا منه وأغير من هذه الميزة التي خصه الله بها ، ولا أعتقد أن لدى صديق خصوم أبدا مهما اختلفت الآراء. وكان يبهرني بنقده اللازع ، وأنا صديقه ، حين أكتب عن أم درمان في سودانيزاولاين . ومرة تحدثت معه عن ضرورة تطوير أم درمان ومعالجة بعض ما أعتبره نشوهات . وتحدثنا طويلا ، فاختصر الموضوع : ياخ أمشي طوّر معتوق بتاعتك دي ، نحن أم درمان دي دايرنها كده . فأعيّره أنه يقف ضد التطور ، فيرد : يا ودقاسم هسة نحن الطورناك وللا إنت الطورتنا ؟ ومرة جاءني أثناء ندوة يقيمها التجمع بالرياض ، وجذبني من الخلف ، فالتفت إليه ، فقال : ياخ بفتّش عليك لي ساعة ، ما لاقيك ، مشيت سألت فوزية ، قالت لي شفت الزول اللابس تي شيرت أبيض داك ، ده ياهو ودقاسم . قلت ليها يافوزية والله إنتي زولة بتاعة محن ، ياخ ودقاسم شنو البيلبس تي شيرت ، هو خلاص صدّق ، قايل روحو من أم درمان . عليك الله يا ودقاسم تاني لما تجي ندوة زي دي بس عرّاقي وسروال وطاقية حمراء . وصديق مثقف درجة أولى ، يسعى للمعرفة ويبثها بلا تردد ولا بخل، ويسعى لنشر الوعي بروح المرح والضحكة التي تحسها من الأعماق . ومرة احتجته في وقت ضيّق جدا . وكنت أتبنى ندوة في مقر الرابطة الصالحية ، وكانت الندوة حول مدرسة خضر بشير الفنية . وكان صديق الموج موسوعيا وهو يتحدث عن خضر بشير وفنه كأنه كان توأما ملازما له ، وأتانا بالمكاشفي ابن خضر بشير ، وقدما معا عملا كبيرا ، أصبح جزءا عزيزا من ملفات ذاكرة الصالحية . وما بيني وبين صدّيق الموج لا يمكن حصره في مقال واحد، هي سنوات من الصداقة عشناها ،ونسات ، ومغالطات ، وملاسنات ، وحوارات جادة ، وأعمال مشتركة . وصديق السياسي ، وصديق الرياضي ، وصديق الفكه الضاحك الراقص الحافظ لكل أغاني الحقيبة وحكاياتها ، وما سواها . صديق صاحب الذاكرة الضخمة التي لا تسقط شيئا صغُر أم كبُر . وصديق الوطني الغيور ، صاحب الكلمة الحق ، وصاحب المواقف الأنسانية التي لا تبدلها الظروف ولا تهزمها المستجدات والنوازل . صدّيق صديقي وصديق أسرتي ، ورفيق غربة لولاه لكانت خواءً كالحاً. قد يتلاقى الناس ويتشابهون في كثير من أمورهم الحياتية ،لكن صدّيق الموج كان إضافة لهذه الحياة ، وكان له أثر لا ينمحي بين السودانيين في الرياض. رحم الله صديق الموج ، وأنزله فسيح جناته ، وأكرم نزله ، وجعله في عليين . اللهم اجعل البركة في ذريته ، ولديه حيدر وأحمد ، وبنتيه إخلاص وفاطمة، وأمنحهم ووالدتهم الصبر على فراق والدهم البشوش . والعزاء موصول لزوجته ، وأهله وأسرته بالسودان ، ولجميع أصدقائه وزملائه وعارفي فضله .)
|
|
|
|
|
|
|
العنوان |
الكاتب |
Date |
صديق الموج؛ الرحيل المر!!! | عبدالمنعم الطيب حسن | 03-20-22, 05:04 AM |
Re: صديق الموج؛ الرحيل المر!!! | عبدالمنعم الطيب حسن | 03-20-22, 05:23 AM |
Re: صديق الموج؛ الرحيل المر!!! | عبدالمنعم الطيب حسن | 03-20-22, 05:32 AM |
Re: صديق الموج؛ الرحيل المر!!! | بشير حسـن بشـير | 03-20-22, 05:34 AM |
Re: صديق الموج؛ الرحيل المر!!! | عبدالمنعم الطيب حسن | 03-20-22, 06:14 AM |
Re: صديق الموج؛ الرحيل المر!!! | Yousif A Abusinina | 03-20-22, 06:43 AM |
Re: صديق الموج؛ الرحيل المر!!! | ABUHUSSEIN | 03-20-22, 06:49 AM |
Re: صديق الموج؛ الرحيل المر!!! | عباس الدسيس | 03-20-22, 06:56 AM |
Re: صديق الموج؛ الرحيل المر!!! | حاتم تاج السر المبارك | 03-20-22, 07:19 AM |
Re: صديق الموج؛ الرحيل المر!!! | كمال عباس | 03-20-22, 03:16 PM |
Re: صديق الموج؛ الرحيل المر!!! | عبد الله حسين | 03-20-22, 04:06 PM |
Re: صديق الموج؛ الرحيل المر!!! | احمد حمودى | 03-20-22, 05:07 PM |
Re: صديق الموج؛ الرحيل المر!!! | زهير الزناتي | 03-20-22, 05:04 PM |
Re: صديق الموج؛ الرحيل المر!!! | عبدالمنعم الطيب حسن | 03-20-22, 06:02 PM |
Re: صديق الموج؛ الرحيل المر!!! | عبدالمنعم الطيب حسن | 03-20-22, 06:07 PM |
Re: صديق الموج؛ الرحيل المر!!! | عبدالمنعم الطيب حسن | 03-21-22, 04:06 AM |
Re: صديق الموج؛ الرحيل المر!!! | MOHAMMED ELSHEIKH | 03-21-22, 07:35 AM |
Re: صديق الموج؛ الرحيل المر!!! | عزالدين عباس الفحل | 03-21-22, 08:10 AM |
Re: صديق الموج؛ الرحيل المر!!! | علاء سيداحمد | 03-21-22, 08:18 AM |
Re: صديق الموج؛ الرحيل المر!!! | معاوية المدير | 03-21-22, 11:35 AM |
Re: صديق الموج؛ الرحيل المر!!! | عبدالمنعم الطيب حسن | 03-21-22, 12:30 PM |
Re: صديق الموج؛ الرحيل المر!!! | إسماعيل حميم | 03-21-22, 12:50 PM |
Re: صديق الموج؛ الرحيل المر!!! | عبدالمنعم الطيب حسن | 03-21-22, 01:52 PM |
Re: صديق الموج؛ الرحيل المر!!! | Ahmed Yassin | 03-21-22, 02:59 PM |
Re: صديق الموج؛ الرحيل المر!!! | منتصر صلاح | 03-21-22, 10:59 PM |
Re: صديق الموج؛ الرحيل المر!!! | elhilayla | 03-22-22, 02:11 AM |
Re: صديق الموج؛ الرحيل المر!!! | أحمد الشايقي | 03-22-22, 08:25 AM |
Re: صديق الموج؛ الرحيل المر!!! | عمر عبد الله فضل المولى | 03-22-22, 02:48 PM |
Re: صديق الموج؛ الرحيل المر!!! | عبدالمنعم الطيب حسن | 03-22-22, 10:09 PM |
Re: صديق الموج؛ الرحيل المر!!! | محمد مجيدو | 03-23-22, 08:05 AM |
Re: صديق الموج؛ الرحيل المر!!! | عبدالمنعم الطيب حسن | 03-24-22, 05:05 AM |
Re: صديق الموج؛ الرحيل المر!!! | طارق عبد اللطيف نقد | 03-24-22, 10:33 AM |
|
|
|