|
|
 Re: لجان المقاومة:لا تفاوض ولا شرعية و لا م (Re: Hassan Farah)
|
🔷🔷🔷🔷
سلام أخى علاءالدين
كتب ///////
د احمد الطيب إبراهيم استشاري جراحة الكلي والمسالك البولية
11/3/2022
(((المحايدون التافهون ))))
🤔🤔🤔
انت محايد في الوضع الحالي إذا أنت صفر كبير يسار الفاصلة big zerooo ..
__ الاغبياء فقط يظنون أنهم محايدون فيما يجري من أحداث في السودان الان . ...
لذلك اختار لنفسك موقفا تتبناه أما مؤيدا ويفترض أن تناصر حكومة البرهانوجنجويد او معارضا لها ويفترض تناصر الثورة . .. لا توجد منطقة وسطي ما بين الجنة والنار _
__ عندما تدور ابمعارك في منطقتك اعلم انك جندي في هذا الحرب شئت ام أبيت وعدم حملك السلاح أو وقوفك متفرجا لا يعني أنك خارج نطاق الربح والخسارة الناجمة عن الحرب فقط انت اخترت أن تكون أجبن الفريقين وفي المعارك لن يحترم الجنباء...
__ لاحظت ذلك في المظاهرات فمظم الذين يتعرضون للنهب ليس الثوار ولكن مواطنين كانوا يتحاومون لسبب أو ظرفا ما قريبا من أماكن الاشتباك...
__ العساكر يعلمون جيدا أن الثوار الذين يشتبكون معهم ليس لديهم قروش و الواحد بخت موبايله في البيت حتي يطلع ولما يطلعوا يتحركوا في مجموعات تحمي بعضها و حتي لو انفردوا بواحد منهم يكون همهم ضربه وفش غباىنهم .
😡😡
__ عزيزي المحايد التافه نعم انت لم تشارك في المسيرات لإسقاط الحكومة العسكرية وايضا انت لم تحمل عصاتك لتضرب المتظاهرين ضدها لكن الان تدفع ثمن سكوتك وصمتك في غلاء الاسعار الجنوني وتدهور سعر العملة الذي سوف يتواصل ... وتدهور الأمن مع كل مسيرة ... فبعد أن كنت تشكوا من تسعة طويلة الذين يخطفون موبايلك و يسرعوا هاربين الان يتم اخذ موبايلك وقروشك بواسطة قوات تدعي أنها جاءت لتحفظ الأمن و كمان بتهينك وتدقك و
الحكومة تتغاضي عن محاسبتهم لان ما يقومون به هو حافزهم المغري الوحيد للمشاركة في الاشتباك ضد المتظاهرين السلميين ولا أظن خمسة الف جنيه كافية لتحمل جندي علي الانتظار في وضع الاستعداد من خمسة صباحا لحدي تسعة مساء عشان خاطر حميدتي و البرهان ... اوعك تقول يتقاتل عشان الوطن .
___ القوات النظامية بكل فروعها في اسوأ حالتها المعنوية فهي المتهم الأول في القتل وفي الاغتصابات وفي الاعتداء علي الممتلكات و الفيديوهات تحدث عن كثير ...و ليس من رأي كمن سمع.
___ سوف تبقي الحكومة الحالية ما دام هناك محايدون تافهون ينتظرون هؤلاء الشباب والأطفال الذين يشتبكون مع العسكر ليحسموا المعركة ثم يأتوا هم يقعدوا في الاجتماعات الطويلة بعدها ليتناقشوا كيف يحكم السودان ومن سوف يحكم .....
__ نصيحتي للثوار الموجودين الان في الميدان عاجلا ام آجلا سوف تنتهي المظاهرات وسوف يكون هناك عدد غير قليل من اصدقائكم الشهداء و من الجرحي ومن المفقودين . ... فلا تفرطوا في الثورة لكبار السن تحت اي مسمي ....أنهم مجموعة من الجبناء والخونة والثرثارين والمنبطحين انبطح معظمهم لكل الدكتاتوريات وغازل معظمهم جميع الطغاة .. سوف يظهرون لكم في شكل خبراء و بروفات و كرفتات ... وانا اقترح أن لا يتولي اي منصب رجل أو امرأة تخطي عمره الأربعين.
__ نصيحتي لكبار السن وانا واحد منهم فقد تجاوزت الخمسين بقليل مثل من أمثال اخوانا في دارفور (( الدنيا دلوكا اعرض فيها و خلي اخوكا )) ...خلي اخوك يعرض يا عارض __ لانه ده زمنه ما زمنك و ده عمره ما عمرك و ده حقه ما حقك __ اصلا انت وقت نافع عمرك ده كله كنت وين يا الرز باللبن __ ولو فيك حاجة بتخلي الناس يقدموك وتمشي بيهم لي قدام الزمن ده كله ما ظهرت مالها يا عشاء البايتات...
__ مافي حاجة اسمها خبرة في الحكم فكل الوزراء والمستوزرين في السودان ما عندهم خبرة واي واحد بجي يتعلم في الشعب وبعد ما يرتكب الف و خمسمائة مخالفة ويكون عنده خبرة بعد كده سوف يتم اغالته لانه بيكون طلع ميتين ام الوزارة المسكها...
عشان كده انتوا أولي بثورتكم وقالوا ( جحا أولي بي لحم توره )...
__ ما دايرين تكنوقراط وما دايرين خبراء أجانب وما دايرين ود الميرغني وللا ود المهدي دايرين ثائر حتي لوكان ود حرام .
__ الجماعة الكبار ديل عشان ما يموتوا من الزعل اعملوا ليهم مجلس زي بتاع الامريكان سموهوا ( مجلس الشيوخ ) . .. و خلوهم يتشاكلوا وينظروا فيه و بعدما يتفقوا شاوروهم و خالفوهم __ وللا اقول ليكم ما تشاورهم ذاتو والداير يصنع ثورة منهم ياهو داك الشارع وديك النقعة وديك الخيل .
ودمتم سالمين
د احمد الطيب إبراهيم استشاري جراحة الكلي والمسالك البولية
|
|
  
|
|
|
|
|
| العنوان |
الكاتب |
Date |
| لجان المقاومة:لا تفاوض ولا شرعية و لا مشاركة و نرفض اي تسوية | Hassan Farah | 03-13-22, 09:15 AM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 11:27 AM |
| Re: لجان المقاومة:لا تفاوض ولا شرعية و لا م | Hassan Farah | 03-13-22, 04:24 PM |
| Re: لجان المقاومة:لا تفاوض ولا شرعية و لا م | مهيرة | 03-13-22, 04:46 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 04:53 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 04:55 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 05:01 PM |
| Re: لجان المقاومة:لا تفاوض ولا شرعية و لا م | Hassan Farah | 03-13-22, 05:05 PM |
| Re: لجان المقاومة:لا تفاوض ولا شرعية و لا م | مهيرة | 03-13-22, 08:14 PM |
| Re: لجان المقاومة:لا تفاوض ولا شرعية و لا م | Hassan Farah | 03-13-22, 05:15 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 05:36 PM |
| Re: لجان المقاومة:لا تفاوض ولا شرعية و لا م | Hassan Farah | 03-13-22, 06:02 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 06:09 PM |
| Re: لجان المقاومة:لا تفاوض ولا شرعية و لا م | Hassan Farah | 03-13-22, 06:45 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 07:48 PM |
| Re: لجان المقاومة:لا تفاوض ولا شرعية و لا م | علاء سيداحمد | 03-13-22, 07:55 PM |
|
| |
مهيرة
فيس بوك
تويتر
انستقرام
يوتيوب
بنتيريست