|
Re: ++ البناء القاعدي.. نقاش++ (Re: Mutasim Idris)
|
الكلام دا لاقاني في الواتساب يا معتصم, وصراحة ما قدرت اتأكد من مصدره, كدي شوفوا لو فعلا حصل يكون مكسب كبير للمستقبل و يخلينا بالجد نطمئن, حسب السياق الكلام دا دار قبل مليونية 30 اكتوبر
Quote: في البوست دا حنزل بعض من كلام لجان المقاومة في سبيس تويتر عشان الناس الما حضرته تعرف زلزال الوعي العند شباب و شابات لجان مقاومتنا
📌عندنا برامج عن مؤتمر اقتصادي للاستفادة من مواردنا وامكانيات توفير تأمين صحي وتأمين اجتماعي وادارة مشروع الجزيرة بصورة مودرن غير الادارة الانجليزية الموروثة وبرامج عن مجانية التعليم ونوعيته وعلاقته بالبيئة المحلية وبرامج عن الصحة والبنية التحتية - عضو لجنة مقاومة ود مدني
📌 "تنسق لجان المقاومة مع الأحزاب والنقابات لإنتاج الاهداف السياسية"
"في 22 نقابة في السودان انجزوا جمعياتهم العمومية. والهدف هو خلق الديموقراطية المباشرة" - المتحدث بإسم لجان امدرمان
📌 "أهدافنا ال7 المعلنة متوافق عليها مع بقية اللجان لتكون أساس اي اعلان سياسي قادم"
"نكون الآن تحالفات حد ادنى مع بقية القوى الثورية ريثما نقطع أشواط أبعد في #البناء_القاعدي لتكون التحالفات المستقبلية قاعدية" - المتحدث بإسم لجان امدرمان
📌 "أهدافنا ال7 المعلنة في #مليونية30اكتوبر متوافق عليها مع بقية اللجان لتكون أساس اي اعلان سياسي قادم"
📌نكون الآن تحالفات حد ادنى مع بقية القوى الثورية ريثما نقطع أشواط أبعد في #البناء_القاعدي لتكون التحالفات المستقبلية قاعدية" - المتحدث بإسم لجان امدرمان
📌 في إجابة على سؤال "أين نحن والى اين نسير"؟
"نحن الآن في لجان امدرمان نعيد تنشيط وتفعيل كل التنسيقيات واللجان. فيما يخص الإعلان السياسي؛ لا نرغب في التسرع في اخارج الإعلان. نحن نسعى لمشاركة جميع الثوار فيه قاعديا حتى يرى جميع الثوار انفسهم فيه" - المتحدث بإسم لجان امدرمان
📌 "نحن الان بنقاوم ما بس في المكون العسكري، ولكن نحن بنقاوم في كل النظام السياسي القديم"
"لجان المقاومة لن تستطيع انجاز بناء الدولة السودانية وحدها. على الجميع المشاركة في هذا المشروع"
- المتحدث بإسم لجان مقاومة الطائف
📌 "عملية التوافق لا تتم بين لجان المقاومة وحدها. التوافق بين اللجان والنقابات وكل القوى الثورية الحية. الهدف هو انه مكان الفرد تتقدم قيادتنا الجماعية"
- المتحدث بإسم لجان مقاومة الطائف
📌 "لجان المقاومة تتقبل النقد على طول الخط. ولكن نناشد الثوار بالمشاركة في لجان مقاومة أحيائهم وتقديم النقد مباشرة داخل اللجان والمشاركة في تقويم الأخطاء" - لجان مقاومة الخرطوم 1و2
📌 لجان مقاومة سنار: "نحن بنجهز للشكل الهيكلي حق الحكم بعد سقوط البرهان وحميدتي والمجلس العسكري"
📌 "تجمع المهنيين والأحزاب السياسية لهم مساهماتهم في الثورة. والواجب هو تكامل الأدوار"
"على الجميع البحث عن مواقعهم في الحراك. من لا يستطيع المشاركة في اللجان فعليه المشاركة في الحراك المهني"
- المتحدث بإسم لجان امدرمان
📌 لولا وعي الشباب كان ممكن اللجان دي تحصل ليها اختراقات وانقسامات كبيرة وتشرذم اهم حاجة وحدة لجان مقاومة وحالياً ما قاعد يحصل ليها استقطاب سياسي لانها معلية السقف لا تفاوض لا شرعية لا شراكة فمهم نحن نوضح خطنا السياسي والمعانا من الاحزاب يجي والما معانا 👋🏾 - عضو لجنة مقاومة الطائف
📌 برضو دور ناس الخارج ممكن يكون في الضغط من الخارج في برلماناتهم وفي دولهم لتوصيل صوت السودانيين في الداخل. وبالدور الإعلامي خاصة في فترة قطع الانترنت وزي دور قناة سودان بكرة ومعروف انه الاعلام بقى سلاح ممكن يسقط اعتى الديكتاتوريات - عضو لجنة مقاومة الطائف
📌 قيادتنا الجماعية مالجان المقاومة بس قيادتنا الجماعية كل قوي الثورة الحية متحدث لجان مقاومة الطائف
📌 ديمقراطية لجنة أطباء السودان المركزية ♥️ "مالم استصحب اراء القواعد ما ح اقدر اديك رأي واضح في خطتنا شنو " متحدثة لجنة اطباء السودان
📌 الدولة مابتقوم علي شخصية الدولة بتقوم علي مؤسسات ودا شرحنا للراهن بكل تفاصيله للشارع منحدث لجان بورسودان
📌 تعاهدنا على أن نسير في درب من سبقونا بدمائهم و دموعهم بأن نكمل مسيرة التحول المدني الديموقراطي في السودان الردة_مستحيلة ولا سبيل سوى ذلك و للثورة شعب يحميها. -لجان المقاومة |
|
|
|
|
|
|
|
العنوان |
الكاتب |
Date |
++ البناء القاعدي.. نقاش++ | Mutasim Idris | 11-28-21, 02:55 PM |
Re: ++ البناء القاعدي.. نقاش++ | Mutasim Idris | 11-28-21, 03:01 PM |
Re: ++ البناء القاعدي.. نقاش++ | Mutasim Idris | 11-28-21, 03:26 PM |
Re: ++ البناء القاعدي.. نقاش++ | Mutasim Idris | 11-28-21, 03:28 PM |
Re: ++ البناء القاعدي.. نقاش++ | Mutasim Idris | 11-28-21, 03:50 PM |
Re: ++ البناء القاعدي.. نقاش++ | Asim Ali | 11-28-21, 04:19 PM |
Re: ++ البناء القاعدي.. نقاش++ | Mutasim Idris | 11-29-21, 02:08 AM |
Re: ++ البناء القاعدي.. نقاش++ | محمد البشرى الخضر | 11-29-21, 07:49 AM |
Re: ++ البناء القاعدي.. نقاش++ | Mutasim Idris | 11-29-21, 02:36 PM |
Re: ++ البناء القاعدي.. نقاش++ | Asim Ali | 11-29-21, 05:57 PM |
Re: ++ البناء القاعدي.. نقاش++ | Asim Ali | 11-29-21, 07:14 PM |
|
|
|