للناس الاتربت في حيشان هاكم الحاجة دي الابو أو ريس العائلة مات قاموا الأولاد اجتمعوا منو الحا يبقى الزعيم أو عميد الأسرة أو الريس اها الناس الكبار كلهم قاعدين في الديوان يتناقشو طبعا رجال بس والشباب بره الديوان يتصنطوا ومرات ينادو واحد فيهم لأخذ رأيه خصوصا المتعلمين أصحاب الشهادات الكبيرة وأصحاب الشخصيات البارزة والشفع يلعبو في الحوش بالحجار مرات قطيع ومرات تتريس وكم واحدة من البنات المتعلمات محاولين الدخول للديوان بحجة لا فرق بين راجل ومرة في المسائل المصيرية وهم لا يقلو مكانة في المجتمع مع الناس القاعدين جوهواستثنوا زي اتنين ممثلات ليهم وقدروا دخلوا الاجتماع بهناك واحد منهم ما شغال بالاجتماع لأمي ليه كم واحد من الشباب المغيوظين من عمايل اهلهم ديل وشغالين ترميم في حيطان البيت ووضعوا خطة جامدة لاصلاحات في البيت ليكون أجمل بيت في الحلة وكمان يبنو دكان في حيطة الشارع وحاجات كتيرة المهم هم بدو شغلهم وهناك بدو اجتماعهم والشكلة بهناك والعوا ما تديك الدرب جا الليل غير المشكلة زادت ما حصل شئ استمروا حتى في الليل نعسوا قالوا يكملوا بكره وبكرة في بكرة والقصة جارة شهور هسي وعمك البراه شغال مع الكم شاب عشان مفلسين بس شهر ما بيكونوا انجزوا حيطة لكن بدأت معالم شغلهم تظهر لناس الحلة إخوانه ما حاسين بيه ولا حتى حاسبنه اخوهم هم ما فاضين من المشاكل في بعضهم أمس الوسطاني فيهم من الغيظ شلت أولاد اكبرهم واحد فيهم ودوه المستشفى حالته خطره ........... الخ أظن القصة بقت واضحة
العنوان
الكاتب
Date
دولة السودان!!! بلد عاطل وحشاش بدقينتو وجنو مشاكل وعدو نفسو وجنينة وجنريتر وحاقد !!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة