|
|
 Re: لكم نيلكم وليّ نيل (Re: أبوذر بابكر)
|
والنضمي أدناه، لصديقنا "عماد عبد الله"
من نواحي ديوم الخرتوم
قال:
الكلام أدناه لأخونا/ السر محمدين " السر طَبَزَا " العامل في النقل النهري :
( فكأن القلوب مما استمدت منك سكرى مسحورة من شرابك ) .
الغناي , قال الكلام ده ..
شاعر زيك غشانا ياخ , و واحد تاني برضو قال لينا ( عزة في هواك ) ..
قاموا أهلنا علقوهو لينا حجبات - في الزمن العلينا ده -
قالوا حرز و حصن و آية كرسي لينا و للزمان .. تحرسنا و تحمينا .
شوف أهلنا ديل بالله طيبين كيفن و عورا ..
من ما الله خلقهم بتغشغشهم إيماناتهم
Quote: لهم نيلهم ولىّ نيل
تاني جاي تغشنا يا شاعر بي جنس النضمي ده ؟؟
لهم نيلهم و بس . نقطة على السطر ..
نحنا ما عندنا التكتح ..
كلو حقهم , أكان عجبنا .
وحتى حجبات أهلنا ديل ( آخر دليقين ساتر عورات روحنا ) دايرين يقلعوهم مننا ..
نمشي أم فكو سااكت .. ميطي , ياهو شبهنا .
إنتو يا الشعراء الله ح يوديكم النار ..
و الحيكومة الله ح يدخلها النار ..
و الجرايد و الراديو و الأفندية المسغفين المتفلفسين , و الناس أبان بدل و عمم ساكوبيس ..
و الحراميين صغارهم و كبارهم , و الناس الساكتين ساكت و مقطعنو في حشاهم ..
و السماسرة ديل , و ناس الأحزاب السجمانين , و الرجال و الحريم و الشفع ..
كلهم الله ح يوديهم النار ..
و إنت زاتك ..
عشان بتكضبوا علينا , و صدقناكم ( هسه بقينا ما صديقين ) .. قالو العترة بتصلح المشي ..
عشان كده ما ح نصدقكم تاني ..
و لا بنصدق من هنا و لا قِدّام أي زول يجي يقول لينا النيل و البلد و نحنا و إنتو و الحيكومة و أخوي و ود عمي و و و و ..
كل النضم الفالصو داك .
ليه تغشونا ؟؟
ما تخافوا الله فينا ؟
....
إنتهى كلام السر طبظا.
نهارك سعيد يا مطر .
|
|
  
|
|
|
|
أبوذر بابكر
فيس بوك
تويتر
انستقرام
يوتيوب
بنتيريست