|
Re: الشيوعي: موقفنا إسقاط الحكومة وواشنطن هي � (Re: Hassan Farah)
|
المزيد من التعليقات على بيان الحزب الشيوعى فى الراكوبة عبر الأثير: 14 أكتوبر، 2021 الساعة 7:43 ص غايتو بعد المقال دة من المفترض أي شيوعي او متشوع يعيد النظر في ايدلوجية الحزب البالية التي أصبحت لا تواكب متطلبات العصر الجديد
izz: 14 أكتوبر، 2021 الساعة 7:43 ص انتو عايشين في ياتو حقبة تاريخية يا ترى ؟؟؟؟ وهل في بلد بتمشي لقدام من غير امريكا والغرب ؟؟؟ عايزين تبنو علاقاتكم الخارجية مع منو عشان تنهض البلد ؟؟؟ مع روسيا وكوريا الشمالية وفنزويلا وايران ؟؟؟ وطيب الفرق شنو بينكم وبين الكيزان ؟؟؟ مش نفس الطريق مع اختلاف المنهج ؟؟؟ مش الطريق ده هو الجعل البلد تعيش في عزلة عن العالم وحصار وعقوبات ؟؟؟ ياخ استفيقوا من السكتة الدماغية بتاعتكم دي , واعملوا فرمطة او صعقة كهربائية لعقولكم المتصلبة عشان البلد تمشي لقدام … كلام اركان النقاش في المنابر الجامعية دي ما ممكن تحكم بيها البلد ….
ابو الطمائر: 14 أكتوبر، 2021 الساعة 8:35 ص يا اخوي خلي واشنطن تدير البلاد اذا كان انتو وباقي السياسيين لا يتعلموا من تجاربهم السابقة نحن في الجدل البيظنطي الذي لا يقدم ولا ياخر لحدي ما يجي عسكري يكش الملك
زول عابر: 14 أكتوبر، 2021 الساعة 8:54 ص طيب الخطيب موش احسن ما يحكموها الجنجويد والحرامية كلام الايدلوجيات الفارغ دا لا بودي ولا بيجيب والسياسة فن الممكن وليس صناعة المستحيل أصحى يابريش وبطل الخرف البتسوي فيه دا
ابو ايهم: 14 أكتوبر، 2021 الساعة 10:39 ص سلام علي الكرام انتم تشقون صف الثوار وموجودون في كل مفاصل الحكم وتدعون انكم خارج ادارة الفترة الانتقالية توحدوا مع قوي الحرية والتغيير ولا تخذلونا ونخسر كلنا ويدخل بيننا بقايا الكيزان الذين مازالوا هم في كل مفاصل وبعد ننجح وتبقي كدنية طبقوا اي نظام حكم نتفق عليه سويا ولكن الان نحن في قلب المعركة وانتم ضدنا!!!
تن تن تن: 14 أكتوبر، 2021 الساعة 12:34 م الحزب (دون كيشوتى )، فعلا نازل من مجلد تاريخ قديم اقرأ التعليقات اعلاه واعرف حجمك.
محمد عبد الجليل: 14 أكتوبر، 2021 الساعة 2:13 م انا طبيب والراجل ده عنده انفصام في الشخصية + الزهايمر فقط يذكر ما حفظه في الاربعينات بينما ذاكرته الحالية recent memory is lost Remaining only remote memory الراسمالية الطفيلية أمريكا البنك الدولي ده طبيعي
Atef: 14 أكتوبر، 2021 الساعة 4:43 م نعلم ذالك منذ الاتفاق بين العسكر والمدنين بعد مجزرة لقيادة العامة، الكل وافق لتقليل الدماء والضحايا، وارتضينا بالاتفاق لفترة انتقالية، لكن خروجكم من الحكومة اضعف كفة المكون المدني لصالح العسكر والنظام القديم الساقط. هذا الخطاء وتغييب المصلحة العامة واضعاف الثوار والقوى المدنية لن يغفر لكم.
|
|
|
|
|
|
|
|
|