|
|
 Re: اول خطوة فى الاتجاه الصحيح .. ترك مرق (Re: أيمن نواى على)
|
منقول .
المختصر المفيد 😂
........
📢 *يا شباب .. عاوزين تفهموا حقيقة الحاصل في الشرق*⁉️
*اكيد عاوزين .. لانه الشرق زمارة رقبة البلد ولو كتم كلنا اتبلينا* 😤 ..
*طيب ابدا ليكم بسؤال* 🤔
*البطن شايلة الكرعين ولا الكرعين شايلين البطن* ⁉️🤔
*اكيد الخفيف فيكم بيجي ناطي ويقول ليك الكرعين هم الشايلين البطن ... ماهو دا الشايفو قدام عيونو* 👀 *وبالعين المجردة* 👁️ ..
📌 *لكن بيجيك شفاتي ولا تجيك كنداكة .. ديل بيشوفو من قد اللستك ... ما بيمشي عليهم الطلس الظاهر من برا ودايما ما مقتنعين بي حنك الجواب من عنوانه وعندهم دا حنك بيش وطلس..*
📌 *ديل بيشوفو ابعد من الظاهر*🧐
📌 *كلكم سمعتو باتفاقية سلام جوبا .. دي قالوا مع الحركات المسلحة الكانت بتعارض نظام الانقاذ .. ومن ضمن مهام الفترة الانتقالية حسب الوثيقة الدستورية البقت مهلهلة من كترت الرقيع .. مايهمنا المهم قالوا يوقعوا معاهم اتفاق سلام ينهي الحرب عشان نتفرغ للبناء والتعمير...*
⛔*طيب الجاب الشرق شنو في اتفاق سلام مع حركات مسلحة كانت بتناضل ضد نظام الانقاذ عشان يفردو ليه مسار ويجيبو ناس يتفاوضو باسم الشرق* ⁉️
🚫 *دا مش سؤال وجيه* 🤔❓
*ولا يكون الحكومة قصدها تعمل حل استباقي للشرق عشان ناس الشرق ما يرفعوا سلاح ويقولوا نحن كمان عاوزين زي ناس دارفور وكلنا في التهميش سودانيين.. عشان كدا الحكومة قالت تقفل الباب دا من هسع طالما الفنادق قاعدة والمراسم جاهزة ف شنو قالوا يعرسوا الاولاد والبنات كلهم في عازومة واحدة ويرتاحوا من دسكات الحركات والمفاوضات دي* 😁
🚫 *تقومي يالحكومة بعد ما وافقت على طلبات الحركات المسلحة كلها تجيب ليها نفرين قالوا بيمثلوا شرق السودان وهم كانوا قاعدين برا السودان بالسنين.. وقالو نحن احزاب معارضة لنظام البشير .. طبعا معارضة كي بورد زي سواتي انا هسع..* 😃😃
🚩 *ياخ معقول بس .. الواحد فيهم عامل ليه حزب عبارة عن ورقة مروسة. وختم بس* ❗❗
*لا.. وبدلة وكرفتةكمان .. عشان نكون منصفين ... يعني واجهة اسمية فقط لا غير .. حزب يعبر عن رئيسه المزعوم ولا احد غير رئيسه.. معليش يمكن يكون معاه شوية صحبان وصاحبات .. شلة يعني ... طبعا دا في احسن الاحوال مع توفر حسن الظن بالمناسبة ..*
🚩 *الحزبين ديل مافي زول في شرق السودان دا كله بيعرفهم قبل جوبا دي ولا في زول شاف ليهم ولا شعار في فيس خليك من فعالية شعبية في الشرق ولا في اوروبا ولا في الامارات*🤔
📌📍 *بمناسبة الامارات دي .. يجي واحد محمل بدولارات تقيلة ويقوم كدا بضربة سمسار محترف يشتري واحد من الاحزاب دي في اثناء الشوط الاول من التفاوض .. الحكم قبض قبضة مقنعة وسيد الحزب المزعوم ... ايوا سيده.. مابقدر اكضب واقول رئيس حزب .. طيب رئيس على منو* ❓ *عموما صاحبنا الفوروه دق جرس في البداية لكن بعد شوية سكت ... ياربي السكته شنو 🤔 سؤال بريئ والله ..* 😔
🚩 *اما سيد الحزب التاني برضه باع اصحابه وانفرد بالكورة واحتتمى في حضن الجبهة الثورية .. والجبهة الثورية لقتها فرصة تكبر كومها وتقول هي جبهة قومية فيها الوان الطيف السياسي والمجتمعي... دا طيف خاطف لونين ما ناصعين . . ما علينا . . عارفين دا كله المناظر بس اما الكنتة الكنتة الخلت الشرق ينقلب ويقفل ويفتح ثم يقفل ويفتح ثم يقفل ويمكن ما يفتح الا بالغاء المسار .. الورطة الوقعت فيها الحكومة ..*
📌❗🚩📍📌 *انها وقعت مع النفرين ديل انه عنددهم تلاتين في المية من نسبة تشكيل الحكومة في الولايات التلاتة بالاضافة لتمثيلهم في مركزية الحرية والتغيير ومجلس الشركاء وتمثيل في الحكومة الاتحادية ...* 🙄🤔😳🙊🙉
*بس كدا* ❓❓
📌🚩 *لا وشنو كمان عضوية في مجلس ادارة صندوق الشرق والاشراف على مؤتمر الشرق التشاوري الطالب بيه الحراك في شرق السودان قبل المسار .. يعني هم اتفقوا مع الحكومة انه يقوم مؤتمر تشاوري لشرق السودان تجاوبا مع طلب الحراك في الشرق لكن اشترطوا في الانفاق انهم يشرفوا على اعداد الاوراق زتحديد العضوية المشاركة القضايا المفروض تطرح وتناقش .. يعني ما فضل ليهم الا يقولوا وياها دي التوصيات بتاعت المؤتمر اعتمدوها ..* 😤😤
⛔ *يعني هسع نفرين ولا قولوا عشرة ولا عشرين وحتى مية بالهوادة يكون في يدهم وتحت تصرفهم كل السيادة دي والصلاحيات دي يوزعوها زي ما عاوزين ويستعملوا المناصب لتوليف القلوب عشان يجذبوا بيها اشخاص بعينهم ويمنوا عليهم ..* ⛔
⛔🚫 *بالله عليكم الله دي بلد بتمشي بالعقلية دي* ⁉️ *سواء كان الطرف الحكومي ولا الوسيط ولا الواجهتين ديل .. الحاجة دي بالشكل دا مش ساذجة وما بتشبه سياسة دولة محترمة وبتحترم شعبها* ⁉️🚩🚩 *طيب الجماعة في الشرق وتحديدا البجا البيعتبروا نفسهم هم سكان الشرق وكل بلد بي اسيادها قاموا قالوا للحكومة الناس ديل ما بنعرفهم وما بيمثلونا ما تتفاوضوا معاهم وبعدين الشرق حاليا مارافع سلاح* 🔫 *عشان تقولوا عاوزين توقعوا*✍️ *معاه اتفاق سلام ... وقالوا للحكومة نعمل مؤتمر نبحث فيه قضايا الشرق هنا في السودان وبدون وسطاء خارجيين يعني زيتنا في بيتنا*🙏 ...
🚩📌 *بس الحكومة لسبب تعرفه ما اشتغلت بكلام اهل الشرق الجوا وقعدت مع الناس القالوا هم بيمثلوا الشرق وجايين من برا ...*
💪 *هنا يقوم الناظر ترك يتزعم موقف اهله ويتقدم الصفوف ويعلن عدم اعترافه بالمسار الاتوقع في جوبا ويطالب بالغاءه واقامة مؤتمر قضايا الشرق في الداخل كما وعدته الحكومة.. من موقفه دا اصطف معظم البجا معاه وبدوا يقولوا ترك مرق ترك مرق.. لحادي ما الشمال بقى يقول ترك مرق والوسط يقول ترك مرق وكل الكيانات الما لقت نفسها في الشكل البتدار بيه الدولة بقت تقول ترك مرق ...* 🚩 *اهاااا التتريس وتقفيل العقبة و المينا سببه شنووووو* ❓
⛔ *سببه الحكومة .. الحكومة بعد كم قعدة مع مجلس نظارت البجا وافقوا انهم يجمدوا تنفيذ المسار ويعقدوا مؤتمر قضايا الشرق .. لحادي هنا الامور كانت ماشة باسطة ... بس من غير سبب معروف الحكومة غيرت رايها وقالت مافي مؤتمر يتعمل ومسار الشرق يتطبق لانه ملزم بحكم اتفاقية السلام التم تضمين بنودها للوثيقة الدستورية القبيل قلنا بقت مهلهلة ... لكن لسع في كم نفر في الحكومة عاوزين يوهموا الناس بان الوثيقة الدستورية مقدسة وواجب انفاذ بنودها ....* 😤
🚩 *اها طبعا عمنا ترك واقع ليه الحاصل داخل جسم الحرية والتغيير وشايف انه في مكونات داخل الجسم دا بتشبه النفرين القعدوا في جوبا معاهم وطبخوا معاهم الهجلوكة السموها مسار الشرق ... قام قال يوري الحكومة الطفا النور منو .. قال لي جماعتو اقفلوا العقبة وشوية قال ليهم اقفلوا المينا .. لما استعملوا لغة التهديد قال ليهم ما بنفتح الا تتغير الحكومة بحكومة كفاءات وطنية مستقلة غير حزبية كما نصت الوثيقة الدستورية المقدسة وما يكون زول حزبي يمثل اي موقع ننفيذي وكان ما عملتو كدا امحن في الشرق عاوزين نطالب بحق تقرير المصير وهو حق قاوني لكل الشعوب الاصلية ...*
🎇 *طيب عشان ما يتأزم الموقف اكتر مفروضريحص لىشنو* ❓
*بكل بساطة الغاء مسار الشرق والترتيب لعقد مؤتمر قضايا الشرق بالداخل ويشارك فيه كل اهل الشرق مصعدين من المحليات والمدن بما فيهم اسياد المسار لو جابتهم محلياتهم او مدنهم.....*
🙄 *دي صعبة دي* ❓ *يعني عشان نفرين ووثيقة مقددة من يوم اتولدت ولحادي امبارح يقدوا فيها عاوزين يضحوا بمصالح كل السودانيين ومصالح اهل المصلحة .. دا كلام بيجي يا فرد* ❓ الحل *في يد الحكومة ولازم الحكومة تعاين بعيون شفاتة وكنداكات من فتحة لستك وتقرا المشهد بابعاد ثورية تتمثل فيها شعار ثورة ديسمبر المجيدة حرية سلام وعدالة... فالعدالة للجميع ما لي ناس جوبا بس ....*
👈🏿*ما منطقي انك تقول وقعت اتفاق سلام تكون نتيجته تمهيد لاندلاع حرب في نفس الجهة الانت بتقول وقعت معاها سلام .. وين الرشد السياسي هنا* ⁉️
🎇 *كدا..... يتخيل لي لخصت ليكم جمبة من الفلم ... الباقي تموه بخيالكم من واقع معايشتكم 🎇*
|
|
  
|
|
|
|
|
| العنوان |
الكاتب |
Date |
| اول خطوة فى الاتجاه الصحيح .. ترك مرق | أيمن نواى على | 10-08-21, 05:46 AM |
| Re: اول خطوة فى الاتجاه الصحيح .. ترك مرق | Hassan Farah | 10-08-21, 05:52 AM |
| Re: اول خطوة فى الاتجاه الصحيح .. ترك مرق | نعمات عماد | 10-08-21, 10:25 AM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 03:19 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 03:41 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 03:53 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 04:14 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 04:45 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 05:39 PM |
| Re: اول خطوة فى الاتجاه الصحيح .. ترك مرق | محمد البشرى الخضر | 10-08-21, 06:34 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 06:46 PM |
| Re: اول خطوة فى الاتجاه الصحيح .. ترك مرق | محمد البشرى الخضر | 10-08-21, 06:56 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 06:59 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 08:54 PM |
| Re: اول خطوة فى الاتجاه الصحيح .. ترك مرق | أيمن نواى على | 10-08-21, 08:55 PM |
| Re: اول خطوة فى الاتجاه الصحيح .. ترك مرق | محمد البشرى الخضر | 10-08-21, 10:01 PM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 01:02 AM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 02:00 AM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 02:32 AM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 03:39 AM |
 Re: اول خطوة فى الاتجاه الصحيح .. ترك مرق | AMNA MUKHTAR | 10-09-21, 04:10 AM |
| Re: اول خطوة فى الاتجاه الصحيح .. ترك مرق | AMNA MUKHTAR | 10-09-21, 06:36 AM |
| Re: اول خطوة فى الاتجاه الصحيح .. ترك مرق | محمد البشرى الخضر | 10-09-21, 09:52 AM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 12:27 PM |
| Re: اول خطوة فى الاتجاه الصحيح .. ترك مرق | Arif Nashed | 10-09-21, 12:44 PM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 01:03 PM |
| Re: اول خطوة فى الاتجاه الصحيح .. ترك مرق | أيمن نواى على | 10-09-21, 01:47 PM |
| Re: اول خطوة فى الاتجاه الصحيح .. ترك مرق | AMNA MUKHTAR | 10-11-21, 00:49 AM |
|
| |
AMNA MUKHTAR
فيس بوك
تويتر
انستقرام
يوتيوب
بنتيريست