سيصرخون

Quote: الاسراف في العقوبة دى كانت بتحصل في عهود الديكتاتوريات والامبراطوريات فداحة العقوبة لجرم لا يساويها فيها استخفاف بي الام الناس وظروفها وشكل حياتها ومعاناتها ماممكن عقوبة لجريمة تافهة تساوى مرتب 3 عمال حكوميين هل بتتخيل موظف سايق عربيتو يكون شايل معاهو عشرة الف ج فى جيبو يدفعها كمخالفة ؟ وموظف في الدرجة الاولى كمان . اصلو بياخد كم وبصرف منها كم عشان يكون عندو عشرة الف قاعدة سونبهار في طرف الجيب بعدينك عادى جدا ممكن تنسى الرخصة ولا ماتعرف ختيتها وين . ماقلنا بسوق بدون رخصة قلنا نساها ولاهو قايلها قاعدة ومالقاها

ياخ تسوق بدون رخصة ليها معاني وتداعيات كتيرة خطيرة جدا
وكلها تفضي للجريمة.. في الامارات هنا السياقة بدون
رخصة سجن وغرامة خمسة ألف درهم ودا ممكن يكون مرتب
تلاتة أو أربعة .. شفت كيف ؟؟
ثم ياخ نسيت الرخصة يعنى كدا أنت برىء وما يوقعوا عليك
مخالفة ؟؟ طيب أنا كشرطي مرور المفروض أول ما قلت
لي نسيت الرخصة أقول ليك اتفضل أمشي ؟؟ المفروض
يعنى أقرأ على جبهتك أنك صادق وفعلا نسيت الرخصة
تحت المخدة أو في البنطلون التاني مثلا ؟؟ خخخخخ
طيب اذا أصلا لو مجرد قلت نسيت الرخصة انت كدا براءة
الباقين يتعبوا يطلعوا رخص لشنو .. طوالي يكتبوا بقلم
الشيني بالخط العريض ( نسيت الرخصة) ويعلقوها في
قزاز العربية قدام او مع لوحة الأرقام عشان ما في شرطي يوقفهم .
يا أبوسن نسيت الرخصة المفروض طوالي يعاقبوك ويقطعوا
ليك ايصال المخالفة وبعدين تمشي المحكمة او الاستئناف
وتشوف القاضي واللا وكيل النيابة يخفف أو يعفيك دي
شغلتو هو.. لكن تقول نسيت ويقولوا ليك خلاص اتوكل
أمشي ؟؟ ههههههه غايتو إلا تكون بتاع المرور انت ذاتك
ووقفت نفسك ولقيت ما عندك رخصة وقلت معليش نسيتا
وخلاص امشي خخخخ

Quote: البشرع دة شخص لايعرف ظروف واحوال الناس ومعاشهم وممكن يكون في جيبهم شايلين كم داير يأدبنا وقت الحكومات السابقة ماربتنا

هههههههههههههههههههههه
لا دي انت بتهظر فيها مية في المية حتى لو حلفت لي
مصحف .. عشان كدا ما برد ليك عليها .. معقول اااجماعة ؟؟؟
عليك الطلاق بالتلاتة دي مبالغة عديل