جائزة أوسخ دولة في العالم

Quote: جائزة اوسخ دولة في العالم !!!! ببساطة المفروض الجائزة دي ياخدها السودان . ونحن نطالب من هذا المنطلق اعتماد الجائزة للسودان حقنا ده والجائزة تكون عربات نظافة وتشغيل المسئولين من الرئيس إلى الغفراء لمدة عامين انتقاليين في مجال النفايات . على أن يكون الوزراء يعملون في ظروف ملائمة يعني يبتدي الشغل من ٧ صباح لحدي سبعة صباح اليوم التاني . تستلم الوردية الولاة. على أن يسلمو الوردية للمدراء التنفيذيين ويسلم المدراء التنفيذيين للتحتهم.. المهم السودان وسخان وسخ شديد . الليلة قابضين سبعة كيلو دهب في ابوحمد لكن اردول دخل في تسوية شالو نصيب الشركة السودانية وفكوهم. اي وحات الله حسب الخبر المنشور . تسوية عديل كده . اها الوسخ ده كيفنو. يعني عادي تهرب دهب في أماكن حساسة . يجو يطلعوهو ويغسلوهو ويلمسو المناطق الحساسة ويشيلو نصيبهم منها ويفكوك.. سنا يا انا . اقسم بالله دي مهزلة . واوانطة ساكت . المهم السوق العربي . بامبرز وموية مطر خدراء وصرف صحي . يعني خليط عطور باريس لو حاولت تعمل اقذر عطر الا تجي السودان تشم حتين تشتغل.. الموهم برهان عمل معايدات لقطة وحميدتي برضو وحمدوك السكتة الياها. انتو والي الخرطوم وين ؟؟ الزول ده عندو نزلة شديدة معناها. كان بشم كان شم العفنة دي . عزيزي المواطن بعد ترجع من الشارع وتدخل البيت اتعقم عشان ماتنقل مرض لاولادك من الشارع . عاينو والله شركات النفايات ماشغالة . والمحليات افييييي. والشوارع يع.. بطني قلبت .