سلمات يا حسين وكل عام وانت ومن تحب بخير وعافية ياخ مالك قلّبت علينا المواجع . والله اطلعت على البوست وتواردت الخواطر بكثافة عن ماضى سوف لن يعود واخوة اعزاء مفتقدينهم مع الامنيات ان نلتقى بهم مجدداً فى فترات من فترات حياتي اغتربت فى السعودية وكان لى صديق عزيز جداً من اولاد كردفان اسمه عبدالمنعم واتمنى ان يكون بخير اينما كان صديقى عبدالمنعم قال لى ذات مرة تعرف يا علاء الدين احيانا بنكون نايمين فى الحوش نسمع ليك صوت عربات وحلانة فى الرملة نقوم نفتش مابنلقى شئ فى النهاية مشينا لامام المسجد عشان يجى يقرأ فى البيت وبمجرد دخوله الى البيت بدأ يقرأ ويرش الماء على اركان البيت واستمر فى هذا العمل لمدة يومين ومع ذلك برضو بقينا نسمع نفس اصوات السيارات الوحلانة وفى النهاية الشيخ قال لينا ارحلوا من البيت دا يمكن يكون مسكون والحمدلله رحلوا لبيت تانى وتانى ما عاد سمعوا تلك الاصوات المزعجة . تعرف من خلال كلام صديقى عبدالمنعم اول مرة كان اسمع انو البيوت بتكون مسكونة . سلام الله ورحماته تغشاك يا منعم اينما كنت .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة