أحوال واستحوال في أيام العيد المجيد

Quote: حسين الزول الزين السفر قدر اي والله قدر ما منه فكاك وصدقني نافي شي بيوجع اكتر انا قاعد اقول السفر دا عبارة عن موت الا شويه لكن نسوي شنو عاد اما عن تلك النوستالجيا الصعبة، خليها ساي غايتو انا عندي معاها حاجات كتيرة دي واحدة منها https://sudaneseonline.com/board/510/msg/%D9%82%D9%8A%D8%A7%D9%85%D8%A9-%D8%A7%D9%84%D8%BA%D8%B1%D9%8A%D8%A8-%2A%2A%2A-%D9%85%D8%B7%D9%88%D9...26720416.html[/QUOTE] حبيبنا أبا ذر بابكر تحياتي، السفر قطعة من النار كما يقول أهلنا، ومذموم أن نطلب طوله وطول مسافته، والمسافر إن مات في غير أهله يُشقُّ له قبرٌ من مكان تواجده إلى مسقط رأسه في الجنة ÷ذا إذا دُفن حيث مات - الحديث الشريف؛ وكل ذلك لمشقة السفر. القصيدة في الرابط أعلاه تشي بأنَّك بلغت مبلغاً من الحنين لا يُجارى، ولكن من باب القحة ولا صَمة الخشم أسمحي أن أسوق القصيدة التالية التي ربما عكست جانباً مما عانيته ذات حنينٍ وأنين، واسمها نوستالجيا على فكرة غير أنَّها باللغة الدارجة وكُتِبَت عام 2017: نوستالجيا أتاريك يا البخَيِّت مُنزَرِد بالشوق، تقوقى على البلد بَغَجَك مَبَيِّت بَرَّا، لا وَدَّالة بُشرَة خير، ولا رَمَّالة قَرْم الطير. ولا هُدْهُد حَنينك فَرَّا، شالُّو خِبير وجابلو خبير. ولا حِلتنا حُمَّدطَّه قالَّها بُكرة، عاد الكرَّة، بُكرة عِصير. ولا اُمَّاً تَرِف عينيها لى جَيْتَك وفالة مَجرَّة، وين ابَّ امنة يا إكسير. ويا "بَلَد السِّميحين" طُرَّا، فى عَرْضَك كَفَى الدِّردير. عفوك ورضاك دى آخر مّرَّة، من حِجْرَك نفوت للغير. ---- مودتي