***** الناجي الوحيد *****

Quote: تعالوا أحڪي ليڪُم حاجة غريبة جداً ظاهرة اليومين ديل وعاملة ضجة ڪبيرة في موقع التواصل الإجتماعي وخاصة موقع الفيديوهات الصيني الشهير (TikTok) ، بس قبل أبدأ القصة ما تنسوا التفاعُل والمُشارڪة .. يلا نبدأ .. ظهر حِساب غريب لشاب إسباني ، والحِساب إسمو باللغة الإسبانية (Unico Sobreviviente) ومعناها "الناجي الوحيد" .. صاحب الحِساب دا قال إنو ڪان عايش في عام 2027م ، ودخل في صدمة وحصل ليهو تشويش في الذاڪرة ، بس أول ما فتح من الغيبوبة لقا روحو في مستشفى ڪبير في إسبانيا .. بس لاحظ إنو مافي ممرضين ولا عيانين ولا أطباء ولا أي بشر في المستشفى ، وقعد يصرخ ومافي زول رد عليهو .. لما طلع من الغرفة وإتجول في المستشفى لقا روحو براهو في المستشفى ومافي أي بشر عشان يتڪلم معاهو .. ولما طلع الشارع ڪانت المُفاجأة .. لقا المدينة ڪلها فاضية ومافيها أي بشر ، والعربات واقفة والمحلات فاتحة وفاضية مافيها أي بشر او حرڪة .. وصور فيديوهات للشوارع والمحلات التجارية ومحطات الوقود والمطاعم والمؤسسات الحڪومية ، وڪلها ڪانت فاضية ، نفس مشاهد فيلم "ويل سميث" (I'm legend) .. المتابعين قالوا ليهو إنت بتصور الشوارع الفاضية أيام حظر التجوال والحجر الصحي والإغلاق بتاع الڪورونا ، ودخلوا معاهو في تحدي ..! وقالو ليهو يلا صور لينا المستشفى عشان حتى لو في حظر ڪورونا الصحي مستحيل تڪون مستشفى فاضية ، وفعلاً مشى المستشفى وصور فيديو وهو بتجول فيها .. ڪانت الصدمة إنو المستشفى حرفياً فاضية وڪأنها مهجورة ومافي أي بشر فيها ، وإتجول في ڪل أقسامها ومڪاتبها وسلالمها وعنابرها ، حرفياً فاضية .. الحاجة الغريبة شديد إنو ڪل الأجهزة الإلڪترونية ڪانت بتظهر التاريخ فعلاً سنة 2027م ، في حين إنو ڪل الملامح بتشبه تاريخ 2021م .. واحد من المتابعين طلب منو يسأل الجهاز الذڪي “اليڪسا” عن تاريخ اليوم ، وجهاز إليڪسا هو ذڪاء إصطناعي شبيه لخدمة “سيري” على الأيفون ، بيوفر المساعدات الحياتية مثل سماع الموسيقى ونقل الأخبار والطقس والتاريخ وغيرها .. ڪانت الصدمة الڪبيرة في إجابة إليڪسا أن تاريخ اليوم (21 مارس 2027م) . ومتابعين الصفحة بتاعتو حصلو 4 مليون متابع و 23 مليون معجب ، وڪلهم بيدخلوا معاهو في تحديات إنو يدخل السجون وأقسام الشرطة ومرافق الجيش والمطار بإعتبارها حتات ما ممڪن دخولا وممنوع التصوير فيها .. وبالفعل دخلا وصور فيديوهات من داخلها ، وڪانت حرفياً خاوية على عروشها ومافيها أي بشر .. طبعاً الناجي الوحيد (Unico Sobreviviente) حسب معلوماتو إنو بعيش في مدينة فالنسيا الإسبانية واللي عدد سڪانها 2.5 مليون نسمة ، ومستحيل تتجول فيها بدون ما تلقى ناس حايمين ، ومع ذلك ڪانت بتظهر في الفيديوهات ڪأنها مدينة أشباح .. واحد من المتابعين إتحداهو بي 500 ألف دولار إذا صور القصر الملڪي الإسباني في فالنسيا ، وطبعاً القصر شديد الحراسة (ضبانة ما تقدر تدخلو) ومع ذلك دخل وصور فيديو داخل القصر .. وعشان يرد على البيقولوا إنو بيعدل الفيديوهات بقا يطلع بث مباشر (live) من الأماڪن البيمشيها وبقيف قدام المرايات ويصور إنعڪاس جسمو .. قالوا ليهو إنت بتصور الفيديوهات قبل الفجر والوقت دا الشوارع بتڪون فاضية ، طلع ليهم لايف وسط المدينة والساعة ڪانت 5:46 عصراً ، ومع ذلك الشوارع خالية .. الرعب الحقيقي لما قررت محطة تلفزيونية إنها تتحدي الناجي الوحيد (Unico Sobreviviente) وختوا ليهو ڪتاب في زاوية مخفية جوة الإستوديو ، وإتحدوهو يجي ويشيلو ، ومع ذلك جا وشالو ، وفي ڪاميرات المراقبة بتاعت المحطة ظهر ضُل شبح داخل الإستدويو ..! المتابعين للحساب ووڪالات الإعلام دخلت في صدمة ڪبيرة ، وحتى الخبراء ما لاقيين تفسير للحساب دا ، وخبراء تعديل الفيديوهات والتصميم برضو ما قادرين يفسروا الظاهرة دي ، ولا قادرين يفسروا إختفاء البشر من المدينة .. وبعضهم وصف الحساب بإنو لڪائن عايش في عالم موازي للڪون النحن فيهو دا .. صور الحساب والفيديوهات الفيهو حتلقوها في المنشور ، ويلا وروني تفسيرڪم شنو للحاجة دي ..؟! Dr. Mohammed Adil"