|
|
 Re: ادبيات الثورة (Re: عاصم الطيب قرشى)
|
الساحرة ٣
عاصم الطيب قرشي
نقر الباب ثلاثة نقرات خفيفة ثم دخل جلال و جمال يحملان جرايد اليوم و أكياس خضار و رغيف. بعد التحايا بالحضن وضربات قوية على ظهور بعض, جر جلال كرسيين فيجلس وجلس جمال لأول مرة في بيت الشول، بالقرب منه في الناحية المواجهة لعادل وكامل ليصير الرأس في نقطة الوسط تماما.
سأل عادل جلال وجمال: أخبار الجرائد شنو يا شباب؟
جمال؟ لا تسألوا عن أشياء إن تبد لكم تسوؤكم. سعر الرغيفة من بكرة بي جنيهين ان وجدت وان لم توجد فسعر كيلو الدقيق وصل خمسين والجوكر بايظ. والجيب يا هو ذاتو الجيب لا زادت قريشاتو و لا انصرفن شيكاتو.
كامل: والله أنا شايف إنو الحل السياسي المستعجل انو الحكومة تعتذر للشعب وتحل نفسها براها ويعملوا حزب واحد يلمهم كلهم ويسمو حزب اللمة الإتحادي الوطني الديمقراطي الشعبي الإشتراكي.
يضحك عادل لأول مرة منذ دخوله هذا البيت ويرد لكامل: ونسمي السودان جماهيرية لمة السودان الإتحادية الديمقراطية الشعبية الإشتراكية.
قفز الرأس قفزة صغيرة بشكل درامي وكأنه كان ينتظر كلام عادل ليسأله: وين حزب البهجة يا دين عايزين تاكلونا حنك ولا شنو؟
للمرة الثانية ضحك عادل متفاجئا بسرعة بديهة ود الجن فسأله بلطف: إنت من وين بتجيب الافكار دي يا أخينا؟
الرأس:ما قلت ليكم زولكم ده خيخة, يا اخوي اذا كنت انت بي بطنك و جسمك الكبير ده بتفكر يبقى أنا الراس الأصلن مخلوق عشان أفكر أبقى غبي؟ أنا الراس يا عريس, صحيح انا مقطوع راس و أنا مقطوع أهل لكن أنا تفكيري ما مقطوع. أنا القاعد أخلق ليكم الفرح الماجن, أنا مبدع الزنقة والربة، أنا رب السياسة يا سوسة يا داقسين.
جمال مقاطعا الراس: ممكن تنسونا من عفن السياسة ده؟ أنا بكره أبو السياسة والسياسيين، ممكن نلعب معاكم أي لعبة غير السياسة؟
جلال: يا جمال نحن السياسة لو نسيناها وغمضنا عيوننا برضو ح تذكرنا بي وجودا ونشوفا في كوابيسنا وأحلامنا. يا أخوي أنا أهل ابوي حرقوهم في شطايه عن بكرة ابيهم, دارفور أطهر بقعة قرو فيها القرءان, أهل أمي في جبال النوبة رشوهم بالانتنوف بباعتبارهم حشرات شعبية, أطفال من عمر شهور وسنة وسنتين مع أمهاتم الان شحادين في شوارع الخرطوم, كيف عايزني ما اتكلم في القذارة واللعب القذر؟ يا اخي خلينا نفتح الجروح دي وننضفها لأنها غرغرت. البارح في مظاهرة سلمية لي إدانة موقف الحكومة من غلا الأسعار ضربوا واحد قدامي بي دبشق البندقية ورموه في الأرض وهو لسة بيهتف تسقط تسقط. العسكري ضربو طلقة في فخدتو اليمين، صرخ آآآآي مرقت من جوه قلوبنا كلنا، تاني اتشجع وقال تسقط, تصور العسكري ضربو طلقتين في رجلو التانية.
جمال: أنا ما اختلفت معاك في الرفض والتعبير عنو، بس إنت كفنان ما ح تشيل سلاح و أدواتك أقوى من العسكري و السياسي، المقاومة السياسية ح تضعفك جدا يا جلال، أرجوك وظف طاقاتك للعمل الابداعي واخلق نموذج للحل، خلي المجتمع التقليدي ده يقلدك.
عادل: تعرف يا جلال أنا وكل القاعدين ديل، قدر ما يكون مستوى انفعالهم بالقضية لا يساوي أكتر من واحد في المية من انفعالك لأنك صاحب وجعة محاصراك يوميا في حياتك. لكن ما تنسى انك بالهتاف والكلام السياسي بتخاطب في ناس ما عندها دين ولا انسانية عشان يكون عندهم أخلاق. يا جلال أنا سمعت ضابط شرطة بيتكلم عن مجندين ساقهم واحد من الرموز السياسية لمعسكر تدريب وقال لي قايد المعسكر بالحرف الواحد: ديل تعليماتهم علينا وتعييناتهم عليكم. من الأيام الأولى الضابط حس بي بعد المجندين عن المسجد في أوقات الصلاة فسأل أتنين منهم: أنتو مسلمين؟
ردوا بصوت واحد: أيوة
الضابط: طيب ليه ما بتصلوا معانا؟
ردوا عليه: تعليماتنا كدا.
الضابط: كدي أشرحوا لي بالراحة.
رد واحد منهم: سعادتو الجابنا هنا قال لينا انتو ناس كتل والبيكتل ما بيخاف الله والبيصلي بيخاف الله لذلك ما عليكم صلاة.
جلال: شفتا، ديل هم الحرقوا أبوي في شطاية وكتلوا خيلاني في جبال النوبة.
حاول كامل تغيير مجرى الحديث وقد أحس بانفعال جلال الذي
لو قدر له أن يكون قاضي محكمة التاريخ لنطق بحكم الاعدام
على كل السياسيسن و جنرالات الحرب في العالم.
كامل:كاس طويل لي جلال يا خالتي الشول.
كامل لجلال وجمال: كدي أمشوا اِتساموا وتعالوا راجعين.
جمال يضع يده خلف رقبة جلال وكفه مسدل من الامام في منظر طفولي : الروس الروس
كامل: حباب التيوس
جلال وجمال: من سوريا لي روسيا
عادل: تاني السوسة رجعت للضرس؟
الراس: أيوة يا عريس كلمهم, ديل كلامهم كلو بقى روس ورؤوس وفلل رئاسية و رئيس وروسيا وسوريا ؟شنو هو؟ البلد دي فيها راس واحد اللي هو أنا.....الراس جنا الجن, الباقي كلو راس نيفة.
قنيع: يا جماعة أنا عندي سؤال لي أستاذ جمال عن غنانا السمح ده, لي شنو الشعوب دي كلها غناها مسموع في أجهزة العالم المسموعة والمرئية وغنانا لأ؟ ليه نحن ما دخلنا النوبة والنقارة والطارات والوازا والنقرو وام كيكي والربابات في غنانا عشان يبقى يشبهنا؟ ليه كمنجاتنا مخنوقة وحزينة ما زي حقت الخواجات؟ ليه أصوات الفنانين السودانيين خجولة ومكسورة؟ ليه ما عندنا حرية ابداع؟ ليه بنرقص و نحن خجلانين؟ ليه أي حاجة عندنا ميتة و ما فيها روح؟
قاطعه الراس في زمن غير مناسب لأن عادل كان بالجد مندهشا من أسئلة قنيع التي تدل على ثقافة سمعية عالية.
الراس: آي آي آي يا قنيت ياااا حليلك يا حوت البحر البيبلع جب جب جب. أيوة وريه يا قنيييت عشان يآمن! سؤال زي شوربة كلاوي القعنج, يا سلام على الشوربة بالفلفل والتوم والشطة والليمون.
فجأة صرخ الرأس وقفز من التربيزة للأرض ينطط مثل كرة قدم. آه آي أي بطني قرصتني يا ناس أنا جعان، الكلام خلاني اتمطق, اي حاجة يشربوها يا الشول قومي يا عروس شوفي لينا حاجة نشربها يا اخوانا انا ممكن يكون عندي صدمة سكري عيني بترف وقلبي بدق في حلقي.
لم تكن بطن الراس سوى رقبته المتكورة في حجم بطيخة كبيرة الحجم فيها كل أجهزته الهضمية التي لم تخلق لأحد سواه.
فتحت زهرة البنات باب غرفتها ففاحت رائحة بخور الكبريت وعطر الخمرة والدلكة بأثر المكيف في الصالة. خرجت زهرة في قمة أناقتها, ترتدي فستان سيتان أبيض طويل, طرحة بيضاء مسدلة على كتفيها, وعلى كفيها قفازات بيضاء. كان شعرها كاشفا فغطته عندما اقتربت من مجلس عادل وكأنها أرادت بذلك اعلان أنها صارت من اليوم زوجة وست بيت تحترم زوجها وتمنحه هيبته كرجل أمام الاخرين. لم يفرح عادل بخروجها بقدر ما أحس من غيرة، ليست من رفاقه بالطبع, لكن على الأقل وجود الرأس ود الجن وقنيع بالنسبة له كغرباء و شخصيات تفوح منهم رائحة المجون والسكر كان أمراَ مزعجا. التفت ناحيتها وسألها هامسا: الناس ديل ح يقعدوا معانا لي متين؟
سكتت زهرة البنات برهة ثم سألته: الناس منو؟ كامل وجلال أجروا مننا الأوضة الورانا أمس، و الراس و قنيع ساكنين هنا من زمن حياة أبوي.
تداخل كامل وكان حينها يسمع جانبا من الحوار: إنت إستخرت في موضوع زواجك ده يا عادل؟ انا عارف انو منهجك فيه روحانيات زي كدة!
عادل: والله ما استخرت لكني توكلت و بلا كبير عزم, يعني ما لاويت الموقف أبدا و تركت الاشياء تمشي بي شكلها القدري البسيط دا والنتيجة الواقعية اني أنا الليلة عريس لا إيدي ولا كراعي.
ما زال الرأس مرميا على الأرض وقد أحضر له قنيع اللبن في بزازة أطفال فصار يرضع كالطفل و يسمع كل الحوارات بأذنيه الكبيرتين، رغم أن عادل وزهرة وكامل كانوا يتكلمون همسا. أستمع لهم و كأن الأمر لا يعنيه حتى شرب اللبن كله وسمع الجميع صوت شفطات اللبن الأخيرة ثم استرخى. قبل أن يهضم اللبن أو يستفرغه كما تعود, جاءته الشول بفنجان عرقي فاستعدل الرأس ونادى قنيع: تعال يا قنييييييت.
قنيع يمد أصبعه السباب للرأس: قلت ليك مليون مرة قنيع يا دين. يتناول الكاس من الشول ويتجه نحو الراس.
الراس: ما مشكلة يا غيبوبة تعال شممني الكاس ده بي مزاج وافتل لينا واحدة بي قرنين من راس الخروف ابو قرنين دا، تعرف يا قنيع أنا خايف على سمعة البت دي تبوظ وما تقدر تربي ليها دقن تصحح بيه أوضاعها ها ها هاي، شكرا يا علي شريعتي.
قنيع: دعها تعيش يا ريس.
استلم قنيع الكأس من الشول وقربه من أنف الرأس الذى صار يستنشق ويعطس وقنيع يقول له قول الحمدلله بعد ما العطسة عشان أقول ليك الله يرحمك يا أبو الروس.
الراس: الله يرحمني ليه؟ أنا مت، أنا حي أرزق.
قنيع: أولا الرحمة تجوز للأحياء و الأموات, بس انت ذاتك لا محسوب مع الأحياء و لا الأموات.
الراس: ما تتكلم كتير يا قنييييييط خلي السكرة تربط شوية.
قنيع: قلت ليك الف مرة انا اسمي قنيع، أفتل ليك عشان تحبس؟ ثم يغني قنيع باحساس جازي و إيقاع كلش والراس كورس يرد عليه.
قنيع: داير ألف خروفي
الراس: خروفي
قنيع: اليوم داك شفتو
الراس: شفتو
قنيع: أبيض ضنبو ناصع
الراس: ناصع
قنيع: والشامة في جعبتو
الراس: جعبتو. ولع ولع ولع يا قنيييييت شفقتني.
قنيع يشعل له سيجارة طويلة يتنفس منها نفس طويل حتى تنسحب خدوده للداخل بينما الراس يأخذ نفس سريع ويكتمه حتى تعدى طول السيجارة منتصفها فصاح فيه الراس: أكلني باقي السيجارة دي بي نارها يا غيبة. حشر قنيع ما تبقى من السيجارة بجمرتها في فم الراس فمصاها كما يمص قطعة حلوى ثم تفلها على قميص قنيع.
قال قنيع للراس بصوت خافت: انت عايز تضبح الكديسة للعريس ولا شنو ياااااا حبيبي ختفو مني.
ختفو مني ترر رر رم رم سحبو مني.
انفجر الراس صارخا: الحاصل شنو يا جماعة! جدادة الحلة عايزة تطرد جدادة البيت؟ مين عادل ده ودين وميتين أبو أي حاجة؟ نحن وين من البيحصل في البلد الما عندها والي دي؟ عرفنا سرقة المال العام والوزارات, كمان جابت لي سرقة زهور! آه آه آه قلبي واجعني, صداع يا ناس, سكتة قلبية.
عادل في تأفف: وبعدين يا جماعة!
|
|
 
|
|
|
|
|
| العنوان |
الكاتب |
Date |
| ادبيات الثورة | عاصم الطيب قرشى | 07-11-21, 04:00 PM |
| Re: ادبيات الثورة | عاصم الطيب قرشى | 07-11-21, 04:24 PM |
| Re: ادبيات الثورة | عاصم الطيب قرشى | 07-11-21, 04:28 PM |
| Re: ادبيات الثورة | بدر الدين الأمير | 07-11-21, 04:56 PM |
| Re: ادبيات الثورة | عاصم الطيب قرشى | 07-11-21, 05:14 PM |
| Re: ادبيات الثورة | عاصم الطيب قرشى | 07-11-21, 05:26 PM |
| Re: ادبيات الثورة | عاصم الطيب قرشى | 07-11-21, 05:41 PM |
| Re: ادبيات الثورة | عاصم الطيب قرشى | 07-11-21, 06:06 PM |
| Re: ادبيات الثورة | عاصم الطيب قرشى | 07-11-21, 06:15 PM |
| Re: ادبيات الثورة | عاصم الطيب قرشى | 07-11-21, 06:19 PM |
| Re: ادبيات الثورة | عاصم الطيب قرشى | 07-11-21, 06:36 PM |
| Re: ادبيات الثورة | عاصم الطيب قرشى | 07-11-21, 06:57 PM |
| Re: ادبيات الثورة | عاصم الطيب قرشى | 07-11-21, 07:06 PM |
| Re: ادبيات الثورة | الشيخ سيد أحمد | 07-11-21, 07:41 PM |
| Re: ادبيات الثورة | عاصم الطيب قرشى | 07-11-21, 08:08 PM |
| Re: ادبيات الثورة | عاصم الطيب قرشى | 07-11-21, 08:40 PM |
| Re: ادبيات الثورة | عاصم الطيب قرشى | 07-11-21, 08:57 PM |
| Re: ادبيات الثورة | عاصم الطيب قرشى | 07-11-21, 09:23 PM |
| Re: ادبيات الثورة | عاصم الطيب قرشى | 08-04-21, 11:53 AM |
| Re: ادبيات الثورة | عاصم الطيب قرشى | 08-07-21, 04:19 AM |
| Re: ادبيات الثورة | أبوذر بابكر | 07-11-21, 09:07 PM |
| Re: ادبيات الثورة | عاصم الطيب قرشى | 07-11-21, 09:29 PM |
| Re: ادبيات الثورة | عاصم الطيب قرشى | 07-11-21, 09:50 PM |
| Re: ادبيات الثورة | خضر الطيب | 07-12-21, 07:10 AM |
| Re: ادبيات الثورة | عاصم الطيب قرشى | 07-12-21, 08:12 AM |
| Re: ادبيات الثورة | عاصم الطيب قرشى | 07-12-21, 08:06 AM |
| Re: ادبيات الثورة | عاصم الطيب قرشى | 07-12-21, 08:07 AM |
| Re: ادبيات الثورة | عاصم الطيب قرشى | 07-12-21, 08:07 AM |
| Re: ادبيات الثورة | عاصم الطيب قرشى | 07-12-21, 08:27 AM |
| Re: ادبيات الثورة | عاصم الطيب قرشى | 07-12-21, 08:35 AM |
| Re: ادبيات الثورة | عاصم الطيب قرشى | 07-12-21, 08:55 AM |
| Re: ادبيات الثورة | عاصم الطيب قرشى | 07-12-21, 09:16 AM |
| Re: ادبيات الثورة | عاصم الطيب قرشى | 07-12-21, 09:16 AM |
| Re: ادبيات الثورة | عاصم الطيب قرشى | 07-12-21, 09:27 AM |
| Re: ادبيات الثورة | عاصم الطيب قرشى | 07-16-21, 04:26 AM |
| Re: ادبيات الثورة | عاصم الطيب قرشى | 07-16-21, 04:26 AM |
| Re: ادبيات الثورة | عاصم الطيب قرشى | 07-16-21, 05:17 AM |
| Re: ادبيات الثورة | صباح حسين طه | 07-16-21, 05:20 AM |
| Re: ادبيات الثورة | عاصم الطيب قرشى | 07-16-21, 05:53 AM |
| Re: ادبيات الثورة | عاصم الطيب قرشى | 07-16-21, 06:03 AM |
| Re: ادبيات الثورة | عاصم الطيب قرشى | 07-16-21, 09:02 AM |
| Re: ادبيات الثورة | عاصم الطيب قرشى | 07-16-21, 09:39 AM |
| Re: ادبيات الثورة | عاصم الطيب قرشى | 07-17-21, 11:05 AM |
| Re: ادبيات الثورة | عاصم الطيب قرشى | 07-17-21, 02:15 PM |
| Re: ادبيات الثورة | عاصم الطيب قرشى | 07-17-21, 02:30 PM |
| Re: ادبيات الثورة | عاصم الطيب قرشى | 07-18-21, 02:31 AM |
| Re: ادبيات الثورة | عبدالغني محمد الحاج | 07-18-21, 01:06 PM |
| Re: ادبيات الثورة | عاصم الطيب قرشى | 07-18-21, 03:42 PM |
| Re: ادبيات الثورة: حكايات | عاصم الطيب قرشى | 07-18-21, 03:51 PM |
| Re: ادبيات الثورة: حكايات | صباح حسين طه | 07-18-21, 07:10 PM |
| Re: ادبيات الثورة: حكايات | عاصم الطيب قرشى | 07-19-21, 09:08 AM |
| Re: ادبيات الثورة: حكايات | عاصم الطيب قرشى | 07-19-21, 10:03 AM |
| Re: ادبيات الثورة: حكايات | عاصم الطيب قرشى | 07-19-21, 04:48 PM |
| Re: ادبيات الثورة: حكايات | عاصم الطيب قرشى | 07-21-21, 04:18 AM |
| Re: ادبيات الثورة: حكايات | عاصم الطيب قرشى | 07-22-21, 10:21 AM |
| Re: ادبيات الثورة | عاصم الطيب قرشى | 08-09-21, 09:21 AM |
| Re: ادبيات الثورة | أبوذر بابكر | 07-22-21, 11:58 AM |
| Re: ادبيات الثورة | عاصم الطيب قرشى | 07-24-21, 04:48 AM |
| Re: ادبيات الثورة | عاصم الطيب قرشى | 07-24-21, 06:32 AM |
| Re: ادبيات الثورة | بكرى ابوبكر | 07-24-21, 05:01 PM |
| ادبيات الثورة الثورة السودانية بقلم الفنان عاصم الطيب قرشي | بكرى ابوبكر | 07-24-21, 05:12 PM |
| Re: ادبيات الثورة الثورة السودانية بقلم الفن� | عاصم الطيب قرشى | 07-26-21, 10:14 AM |
| Re: ادبيات الثورة الثورة السودانية | عاصم الطيب قرشى | 07-26-21, 10:53 AM |
| Re: ادبيات الثورة الثورة السودانية | عاصم الطيب قرشى | 07-26-21, 01:17 PM |
| Re: ادبيات الثورة الثورة السودانية | عاصم الطيب قرشى | 07-26-21, 01:31 PM |
| Re: ادبيات الثورة الثورة السودانية | عاصم الطيب قرشى | 07-27-21, 04:35 AM |
| Re: ادبيات الثورة الثورة السودانية | بكرى ابوبكر | 07-27-21, 05:00 AM |
| Re: ادبيات الثورة الثورة السودانية | عاصم الطيب قرشى | 07-27-21, 05:17 AM |
| Re: ادبيات الثورة الثورة السودانية | عاصم الطيب قرشى | 07-27-21, 05:57 AM |
| Re: ادبيات الثورة الثورة السودانية | عاصم الطيب قرشى | 07-27-21, 04:01 PM |
| Re: ادبيات الثورة الثورة السودانية | عاصم الطيب قرشى | 07-27-21, 04:30 PM |
| Re: ادبيات الثورة الثورة السودانية | صباح حسين طه | 07-27-21, 04:43 PM |
| Re: ادبيات الثورة الثورة السودانية | عاصم الطيب قرشى | 07-27-21, 05:19 PM |
| Re: ادبيات الثورة الثورة السودانية | عاصم الطيب قرشى | 07-27-21, 05:19 PM |
| Re: ادبيات الثورة الثورة السودانية | نعمات عماد | 07-27-21, 05:54 PM |
| Re: ادبيات الثورة الثورة السودانية | عاصم الطيب قرشى | 07-28-21, 04:20 AM |
| Re: ادبيات الثورة الثورة السودانية | عاصم الطيب قرشى | 07-28-21, 04:45 AM |
| Re: ادبيات الثورة الثورة السودانية | عاصم الطيب قرشى | 07-28-21, 05:17 AM |
 Re: ادبيات الثورة الثورة السودانية | عاصم الطيب قرشى | 07-28-21, 07:51 AM |
| Re: ادبيات الثورة | أبوذر بابكر | 07-28-21, 08:02 AM |
| Re: ادبيات الثورة | عاصم الطيب قرشى | 07-28-21, 08:15 AM |
| Re: ادبيات الثورة | عاصم الطيب قرشى | 07-28-21, 12:36 PM |
| Re: ادبيات الثورة | عاصم الطيب قرشى | 07-28-21, 01:44 PM |
| Re: ادبيات الثورة | عاصم الطيب قرشى | 07-28-21, 02:26 PM |
| Re: ادبيات الثورة | عاصم الطيب قرشى | 07-28-21, 02:43 PM |
| Re: ادبيات الثورة | عاصم الطيب قرشى | 07-28-21, 03:52 PM |
| Re: ادبيات الثورة | عاصم الطيب قرشى | 07-29-21, 05:19 AM |
| Re: ادبيات الثورة | عاصم الطيب قرشى | 07-29-21, 06:27 AM |
| Re: ادبيات الثورة | عاصم الطيب قرشى | 07-29-21, 07:23 AM |
| Re: ادبيات الثورة | عاصم الطيب قرشى | 07-29-21, 01:27 PM |
| Re: ادبيات الثورة | عاصم الطيب قرشى | 07-29-21, 04:32 PM |
| Re: ادبيات الثورة | عاصم الطيب قرشى | 07-29-21, 05:00 PM |
| Re: ادبيات الثورة | علي دفع الله | 07-29-21, 05:11 PM |
| Re: ادبيات الثورة | عاصم الطيب قرشى | 07-30-21, 04:08 AM |
| Re: ادبيات الثورة | عاصم الطيب قرشى | 07-30-21, 04:44 AM |
| Re: ادبيات الثورة | عاصم الطيب قرشى | 07-30-21, 06:28 AM |
| Re: ادبيات الثورة | عاصم الطيب قرشى | 07-30-21, 07:08 AM |
| Re: ادبيات الثورة | عاصم الطيب قرشى | 08-03-21, 03:35 PM |
| Re: ادبيات الثورة | أبوذر بابكر | 07-30-21, 07:39 AM |
| Re: ادبيات الثورة | عاصم الطيب قرشى | 07-30-21, 07:54 AM |
| Re: ادبيات الثورة | عاصم الطيب قرشى | 07-30-21, 08:56 AM |
|
| |
فيس بوك
تويتر
انستقرام
يوتيوب
بنتيريست