ادبيات الثورة

مرحبا Guest
اخر زيارك لك: 04-27-2024, 01:51 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-11-2021, 07:06 PM

عاصم الطيب قرشى

تاريخ التسجيل: 12-12-2005
مجموع المشاركات: 714

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ادبيات الثورة (Re: عاصم الطيب قرشى)

    *هرم توتي*
    عاصم الطيب قرشي
    جمال: عندي ليك بشارة ياعمي خدر، قالوا توتي ح يكون فيها هرم على هيئة اضخم قبة في العالم شموخ و قداسة.
    خدر: القال ليك الكلام دا منو؟ دا لسة قدر في رحم الغيب يا ولدي!
    جمال: كلمني بيهو عادل، قال النيل همس ليه في اضانو اليمين مع أول نسمة من نسمات فجر الحرية. 
    خدر: كان كدي صدق عادل و صدق النيل، هرم توتي كرم الله لي شعب الله في أرض الله.... كدي كلمني يا جمال تاني قال ليك شنو عادل؟
    جمال: قال شاف صورة الهرم مرسومة فوق موج النيل، قبة اسطورية فيها ملامح الكون، هرم أنيق عملاق تخليد لي أول قطية قصب بناها خدر السماك ساكن توتي في زمن الشهيناب. 
    خدر: حيبنوا أولادنا الغبش ديل؟  
    جمال: حنبنيهو نحن مبدعين الزمن المائي يا خال، معمار، تشكيل، نجارة، حدادة، خزف، و بستنة. ح يجونا أخواننا من بلاد العم سام للتعارف مع أبناء عمهم حام،  كلهم حيجو لي نفير كوخ العم نام، أصلا العم نام ما كان بيحلم في حياتو بي اكثر من تراحم و محنة و عيشة مستورة.
    خدر: كلنا اخوان والله، أبونا آدم و أمنا حوا، لكن الهدامين السرقوا لسان البنايين ما حبابهم، يجونا الإنسانين و الصادقين بس.   
    جمال: يا خال ح تجيك أيدي عاملة، عقول عالمة، قلوب طيبة وأرواح لطيفة، أطفال نابغين، شباب أقوياء، فقرة خلاوي، أساقف كنايس و حاخامات يهود كلهم متطوعين يقفوا الصرح البملا سما الخرطوم. 
    خدر: لكن فكرة الهرم دي جابوها من وين؟
    جمال: هرم توتي طيف برق في خيال كامل ود قيسان عروسة النيل الازرق، الخبر سرقتو
    نسمة و وقعت منو في النيل و النيل دساها في شيمة ما مرقت الا لي عادل.
    خدر: كامل ود منو ما عرفتو؟
    جمال: كامل اتولد في قيسان و إتربى في خور القنا، عاش في غابات بتستخدم خشب القنا في كل شي، أعواد طويلة علمت أهلو معنى الإستقامة و المرونة، ناس قيسان أكلوا براعم القنا وبنوا منها قطاطيهم و عناقريبهم و بنابرهم، صناديقهم و سلاتهم و اواني طعامهم و قواريرهم و مزامير موسيقية تشبه مزامير داؤود.
    خدر: تبارك الله، دي نعمة واحدة بس! وان تعدوا نعمة الله لا تحصوها.
    جمال: أهل قيسان وقفوا قنا و الصبة مليون سنة، ديل حبوا القنا و القنا ذاتو حباهم وأهدى ليهم دهب صافي إسمو دهب القنا، و الماظ تتشربو عروق القنا بالضغط الإزموزي يسري في السيقان الجوفاء لكن ما بيلقاهو الا السعيد. 
    خدر: الله يسعدنا كلنا.
    جمال: اها كامل ده واحد من السعدا، زرع الف فدان قنا حول خور الذهب. صبر عليه أربعة سنة و كل يوم يحوم حول القنا ويتكلم معاه و يغني ليهو و يطمبر لما بقى يتخيل انو القنا ذاتو بيبادلو الود و المشاعر،  و فوق ده كلو بنى ليهو قطية قنا في نص القنا.
    خدر: ده كلام صوفي قناوي كبير.
    جمال: كان لما يجوع يطبخ شوربة براعم القنا و لما يحتاج للحلو يعصر نوع من القنا هجنو بي قصب العنكوليب الحلو فطلع حاجة كدا سماها قنكوليب.
    خدر: قنكوليبك عجيييب يا بحر الكامل، الله فوق زوزو و خدر البزوزي.  
    جمال: في السنة الرابعة يا خال، القنا بقى غابة جذبت الغزلان و الأفاعي و الهوام من كل مكان خصوصا حول برك الموية الفضلت من الخريف. لمن موعد القطع قرب، كانت  خطة كامل انو يشرك معاهو شباب البلد العاطلين عن العمل بي نفير يوفر فيهو الشاي والبن و المريسة والبقنية، لكن الفقر منعو من حقوق النفير، إتوكل على الله و شمر ضراعو للعمل خدر: عفيت منو، لا حول و لا قوة الا بالله.
    جمال: في اليوم الاول جاب شريط طولو مترين و قعد النهار كلو يقيس أطوال القنا الداير يقطعها، لما انتهت الضحوة وصل العدد لي مية قطعة جاهزة للقطع. بعد الراحة و شراب شوربة القنا الحارة وعصير القنكوليب الباارد  اتبرد بي جمام خور الدهب و اتكلم بحميمية مع اناتي القنا  فردت عليهو بي وشوشة شالا النسيم و دخل عليه بنات الليل و يا ليلة ليلك جن.
    خدر: هيع، الليل برد غطى الجبال و الرجال البقيمو الليل.
    جمال: في الليل سطع ضو البدر كامل، بهاء تغنيهو قشور القنا الجافة وشوشة و خرير موية الخور. كامل شال كلبيتو و بدا يقطع القنا و يقطع معاهو شك دهب القنا، إتفاجأ من أول سكبة للقنا بي قطع الدهب تتشتت تبر برق على ضو القمر.
    خدر: سبحان الله و الحمدلله و لا اله إلا الله و الله اكبر.
    جمال: كمية الدهب و الماس كانت أكبر من حلم كامل لكنو حفظ السر لمن ينجلي الامر و اكتفى بالقطعو و نقلو للبيت بعيد عن المتطفلين.
    خدر: كاتم السر ما بحت و رضيت بالنصيب، سبحان الله يضع سرو في أضعف خلقو. جمال: ما كلم أي زول و اعتبر الحاصل دا كرامة ربانية كبيرة و تأييد الهي لا شك فيه. توضأ و إتوجه بي قلبو لي الله و صلى ركعتين طول فيهم السجود شكرا لله. لكنو غفا في السجدة الأخيرة، غفا بس ما غفل، حضر رؤيا كأنها واقع من شدة وضوح صورتا و ألوانا و تسلسل افكارا رغم كترتا و سرعة حركتا.
    خدر: يا سلام، أللهم اجعلو خير.
    جمال: حلم بي اعمدة دهب متينة حول جزيرة توتي مستقلة قاعدة و فضا الجزيرة، شاف توتي الأصلية زي ما هي لكنهم بنوا فضا الجزيرة و أجروه مدى الحياة صدقة جارية لي أجيال توتي في المستقبل.
    خدر: و ارتفاعو بيحصل هرم خوفو الكبير؟
     جمال: ارتفاعو سبعمئة طابق مسافة سبعة كيلومترات فوق.
    خدر: لكن القنا ده بتحمل الهرم دا؟
    جمال: الهرم قالو أساسو أعمدة كتيرة من الدهب مغزوزة جوه تراب النيل.
    كل مترين من القنا ملصقات بي اقطاب مغناطيس قوية لكن حركتا مرنة.
    اما التوضيب الداخلي للشقق و الغرف فروحاني جدا و سوداني جدا جدا بيختلف عن ناطحات سحاب شارع النيل.  
    خدر: الله يخدر ضراعاتكم.
     جمال: هرم توتي ح يكون ذكرى من جيل الزمن المائي و مجد خالد من ثورة الشباب للأجيال القادمة، صدقة جمالية جارية كماء النيل الجاري من تحته. 

    خرج جمال من مجلس خدر و عاد ليجالس عادل وكامل وجلال على شاطيء الإعتصام وهم يتجاذبون الاماني العذبة.كانت نقلة جمال من عالم خدر المقدم الى عالم رفاقه كانها رحلة مكوكية من السماء الى الأرض او من قرن لآخر. هو و عادل وحدهما القادران على التسرب و الانفلات من هذا الواقع المنكفيء على نفسه. وصل جمال جمهورية أعلى النفق و جلس خلسة على قضيب السكة حديد. واضح أن عادل هبط قبله للواقع بدليل كلامه عن السياسة.
    عادل: بالمناسبة الترابيين أول ما سطوا على كراسي السلطة كونوا حكومة تمكين بي قانون البقاء للأقوى بدت بي سياسة فرق تسد، قتلو الأسود السود بي سياسة إضرب العب بالعب، لكنهم ما قدرو يقلعو السودانوية من جذورا.
    كامل: سادون و ماسون داسوا سوادنا بسياسة يموت السودان و يبقى السوء دان. 
    عادل: دوسان كتم الأنفاس و إغتصاب بالخازوق، و اضرب لتقتل و القصاص بالرصاص على حد قول الرقاص.
     كامل: الحمدلله القرن الترابي انتهى بي طوفان شباب الزمن المائي.  
    جلال: اجمل ما في حكومة الشباب انها رسمت ظلال من شاكلة حكومة ضل الشفاتة و حكومة ظل الكنداكات و ظل المهنيين.
    جمال: و حكومة أهل الدايرة ما تنساها، في الحقيقة ديل كل مطالبم شرعية انسانية، حرية و سلام و عدالة، بس لازمهم أساس فكري متين لي دولة مؤسسات حقيقية وأنظمة جديدة تتنقح بين الدقيقة و الساعة و اليوم. 
    عادل: انصتوا واسمعوا وعوا، في هذه اللحظات بعد وقت ليس بالبعيد سيتم تهيئة الدول الإفريقية وموانئ  البحر الأحمر والأبيض والمحيط الهندي  لإستقبال وفود الدول الإسكندنافية من النرويج والسويد وهولندا وغيرهم من الناجين من سيول المتجمد الشمالي.  
    جلال: تف على الغبي ترمب، كان نافخ نفيرو لاعادة استعمار افريقيا كحل أناني لي شعب اليانكي. بس نحن أنسب لينا توزيع الدول الأوروبية على دول أفريقيا لأنو سكان كندا والولايات المتحدة أقرب ليهم أمريكا اللاتينية و الأسيويون أقرب ليهم أستراليا.
    كامل: غايتو هنا حيكون الإستقبال حار وممطر و دافي  بكل أنواع البكاء السوداني الحنين، طبعا دي فرصة الواحد يعرس  ليه كنداكة سويدية و لا هولندية من غير شنطة و لا شيلة.
    عادل: هاي هاي هاااي، كلو عوانس الشباب والشابات الراكبم جن اللحم الابيض المتوسط  ح ينزلوا في دقة زار الخواجة أبو كسكتة. 
    جلال: و كل منبرطات السودان ح يلقن نصيبن من اولاد البيضان و تنحل عقدة اللون الأبيض في افريقيا للأبد، يلا كلو يبقى اسمراني.
    يغنون سوداني اسمراني داؤودي وصلوي.
    جمال: بتخيل لي دي أول مرة تفرح فيها روح ابونا آدم وامنا حوا و تنجلي احزانم على هابيل واخوانو و الإتكاتلو بعدهم، خصوصا ابناء العم سام و العم حام و اخوهم العم نام الضايع في السودان.  
    كامل: يا سلاااام الخرطوم حيتم إعدادها بي دقة ونظام على مدار السنوات السابقة لهجرة البيض  لأرض السود، احتمال ده يفسر سر التقاء النيلين الأزرق و الأبيض في
    المقرن و يبقى السودان أرض الميعاد الحقيقية زي ما قالوا اليهود، في النهاية العالم دا كلو ح يتلم عندنا.  
    جمال: ما تنسوا!  قبل نهايات القرن المائي ح يبدا الإعداد لي حكومة الفن الجمالية بي هبوب رياح القرن الهوائي حيث يبدو السودان  كعالم فاضل من عوالم افلاطون الحالم، او فردوس مفقود.
    عادل: كلامك دا قد تكون شايفو وهم و خيال ما بيتحقق في فضاءات الواقع اللسة مكندك بالتراب،  لكنو أقرب للواقع و مخطط متسق التشكيل، سهل التكوين، جميل الملامح و الهيئة. 
    جمال: طبعا، و نقطة بداية تشكيل الحكومة ح تكون عقد اجتماعي جديد يحضرو كل افراد و مجتمعات السودان الاصليين والمهاجرين.
    جلال: و البيقودو التغيير أطفال السودان كلهم، حتى الأجنة في بطون أمهاتهم ح يكونوا حضور لصياغة دستور الانسانية المستنبط من ناموس الكون.
     عادل: قادر اتخيل اجتماع يستمر اربعين دقيقة و عشرة ثواني ونصف تنتظم فيه انفاس الناس عبر شاشاتهم الدماغية  المفتوحة على ارواحهم وأجهزة اتصالهم التخاطرية.   جمال: وانا شايف بي إضني ديل طفل معجزة قرنه يدعو الناس كلها برسالة اثيرية في ساعة متأخرة من الليل و معه اربعة اطفال نابغين  لعقد العقد والاتفاق على الاتفاق بعدها يلخصوا الدستور كله في كلمة واحدة هي الجمال،  اعلى قيمة تنقلك من الانسانية للكونية.
    جلال: انا شايف رؤية كالقرافية متخيلها من نقطة حرف الجيم في كلمة الجمال.  يسيل حبر النقطة لأسفل و يرسم خط راسي مستقيم يشكل سيف العدالة و على المقبض خط أفقي عريض منقوش على حديه كلمتا السلام و الحرية.
    كامل: دي ح تكون نقلة من الانسانية للكونية بعد إجازة الدستور السوداني الانساني في اكبر مهرجان كوني تجتمع فيه قبيلة الانسانية، ح تكون  اساليب الحياة كلها ابداعية والمعلومة تنقل بالدراما واللوحة والقصة واللحن.
    عادل: شايف شوارع العاصمة متمددة في أفريقيا زي اوردة القلب، شارع النيل رابط اتحاد دول حوض النيل الكنفدرالي و النيل زي سيف مجوهر بالنجوم لكن بي نظام. من بحر المتوسط نهر النيل متوسط طريقين متوازيين شرق و غرب من مصر العليا عبر الصعيد واقليم النوبة مرورا بالخرطوم الى ان يتوزع بين افرعه السبع في الابيض و الازرق.  
    جمال: طريق الجمهورية رابط البحر الأحمر بجبل مرة و بقى من اطول الطرق العرضية الواصلة بين شرق و غرب أفريقيا. 
    جلال: ما رايك في شارع الحرية مطلب الثوار الاول؟
    جمال: ده ح يكون من أجمل و ابرك و أنظف شوارع السودان يميزه تمثال الحرية السوداني المنحوت من الذهب الخالص لكنداكة رافعة كفيها تحضن الشرق الداني والغرب القاصي.
    كامل: ح نعمل أكبر مهرجان كوني في مثلث اقتران النيل الأزرق بالأبيض ونعزم الجن الكلكي والريح الاحمر وشمهروش مع وصول آخر فلول أوروبا المغمورة بموية المتجمد الشمالي.
    عادل: مطارات الخرطوم الكثيرة تزدحم بلطف،  زحمة معاها رحمة السودانيين وحفاوة استقبالهم للضيوف.

    (عدل بواسطة عاصم الطيب قرشى on 07-30-2021, 04:55 PM)






                  

العنوان الكاتب Date
ادبيات الثورة عاصم الطيب قرشى07-11-21, 04:00 PM
  Re: ادبيات الثورة عاصم الطيب قرشى07-11-21, 04:24 PM
    Re: ادبيات الثورة عاصم الطيب قرشى07-11-21, 04:28 PM
      Re: ادبيات الثورة بدر الدين الأمير07-11-21, 04:56 PM
        Re: ادبيات الثورة عاصم الطيب قرشى07-11-21, 05:14 PM
          Re: ادبيات الثورة عاصم الطيب قرشى07-11-21, 05:26 PM
            Re: ادبيات الثورة عاصم الطيب قرشى07-11-21, 05:41 PM
              Re: ادبيات الثورة عاصم الطيب قرشى07-11-21, 06:06 PM
                Re: ادبيات الثورة عاصم الطيب قرشى07-11-21, 06:15 PM
                  Re: ادبيات الثورة عاصم الطيب قرشى07-11-21, 06:19 PM
                    Re: ادبيات الثورة عاصم الطيب قرشى07-11-21, 06:36 PM
                      Re: ادبيات الثورة عاصم الطيب قرشى07-11-21, 06:57 PM
                        Re: ادبيات الثورة عاصم الطيب قرشى07-11-21, 07:06 PM
                          Re: ادبيات الثورة الشيخ سيد أحمد07-11-21, 07:41 PM
                            Re: ادبيات الثورة عاصم الطيب قرشى07-11-21, 08:08 PM
                              Re: ادبيات الثورة عاصم الطيب قرشى07-11-21, 08:40 PM
                                Re: ادبيات الثورة عاصم الطيب قرشى07-11-21, 08:57 PM
                                  Re: ادبيات الثورة عاصم الطيب قرشى07-11-21, 09:23 PM
      Re: ادبيات الثورة عاصم الطيب قرشى08-04-21, 11:53 AM
      Re: ادبيات الثورة عاصم الطيب قرشى08-07-21, 04:19 AM
  Re: ادبيات الثورة أبوذر بابكر07-11-21, 09:07 PM
    Re: ادبيات الثورة عاصم الطيب قرشى07-11-21, 09:29 PM
      Re: ادبيات الثورة عاصم الطيب قرشى07-11-21, 09:50 PM
        Re: ادبيات الثورة خضر الطيب07-12-21, 07:10 AM
          Re: ادبيات الثورة عاصم الطيب قرشى07-12-21, 08:12 AM
        Re: ادبيات الثورة عاصم الطيب قرشى07-12-21, 08:06 AM
        Re: ادبيات الثورة عاصم الطيب قرشى07-12-21, 08:07 AM
        Re: ادبيات الثورة عاصم الطيب قرشى07-12-21, 08:07 AM
          Re: ادبيات الثورة عاصم الطيب قرشى07-12-21, 08:27 AM
            Re: ادبيات الثورة عاصم الطيب قرشى07-12-21, 08:35 AM
              Re: ادبيات الثورة عاصم الطيب قرشى07-12-21, 08:55 AM
                Re: ادبيات الثورة عاصم الطيب قرشى07-12-21, 09:16 AM
                Re: ادبيات الثورة عاصم الطيب قرشى07-12-21, 09:16 AM
                  Re: ادبيات الثورة عاصم الطيب قرشى07-12-21, 09:27 AM
                    Re: ادبيات الثورة عاصم الطيب قرشى07-16-21, 04:26 AM
                    Re: ادبيات الثورة عاصم الطيب قرشى07-16-21, 04:26 AM
                      Re: ادبيات الثورة عاصم الطيب قرشى07-16-21, 05:17 AM
                      Re: ادبيات الثورة صباح حسين طه07-16-21, 05:20 AM
                        Re: ادبيات الثورة عاصم الطيب قرشى07-16-21, 05:53 AM
                          Re: ادبيات الثورة عاصم الطيب قرشى07-16-21, 06:03 AM
                            Re: ادبيات الثورة عاصم الطيب قرشى07-16-21, 09:02 AM
                              Re: ادبيات الثورة عاصم الطيب قرشى07-16-21, 09:39 AM
                                Re: ادبيات الثورة عاصم الطيب قرشى07-17-21, 11:05 AM
                                  Re: ادبيات الثورة عاصم الطيب قرشى07-17-21, 02:15 PM
                                  Re: ادبيات الثورة عاصم الطيب قرشى07-17-21, 02:30 PM
                                    Re: ادبيات الثورة عاصم الطيب قرشى07-18-21, 02:31 AM
                                      Re: ادبيات الثورة عبدالغني محمد الحاج07-18-21, 01:06 PM
                                        Re: ادبيات الثورة عاصم الطيب قرشى07-18-21, 03:42 PM
                                      Re: ادبيات الثورة: حكايات عاصم الطيب قرشى07-18-21, 03:51 PM
                                        Re: ادبيات الثورة: حكايات صباح حسين طه07-18-21, 07:10 PM
                                          Re: ادبيات الثورة: حكايات عاصم الطيب قرشى07-19-21, 09:08 AM
                                            Re: ادبيات الثورة: حكايات عاصم الطيب قرشى07-19-21, 10:03 AM
                                              Re: ادبيات الثورة: حكايات عاصم الطيب قرشى07-19-21, 04:48 PM
                                                Re: ادبيات الثورة: حكايات عاصم الطيب قرشى07-21-21, 04:18 AM
                                                  Re: ادبيات الثورة: حكايات عاصم الطيب قرشى07-22-21, 10:21 AM
              Re: ادبيات الثورة عاصم الطيب قرشى08-09-21, 09:21 AM
  Re: ادبيات الثورة أبوذر بابكر07-22-21, 11:58 AM
    Re: ادبيات الثورة عاصم الطيب قرشى07-24-21, 04:48 AM
      Re: ادبيات الثورة عاصم الطيب قرشى07-24-21, 06:32 AM
        Re: ادبيات الثورة بكرى ابوبكر07-24-21, 05:01 PM
          ادبيات الثورة الثورة السودانية بقلم الفنان عاصم الطيب قرشي بكرى ابوبكر07-24-21, 05:12 PM
            Re: ادبيات الثورة الثورة السودانية بقلم الفن� عاصم الطيب قرشى07-26-21, 10:14 AM
              Re: ادبيات الثورة الثورة السودانية عاصم الطيب قرشى07-26-21, 10:53 AM
                Re: ادبيات الثورة الثورة السودانية عاصم الطيب قرشى07-26-21, 01:17 PM
                  Re: ادبيات الثورة الثورة السودانية عاصم الطيب قرشى07-26-21, 01:31 PM
                    Re: ادبيات الثورة الثورة السودانية عاصم الطيب قرشى07-27-21, 04:35 AM
                      Re: ادبيات الثورة الثورة السودانية بكرى ابوبكر07-27-21, 05:00 AM
                        Re: ادبيات الثورة الثورة السودانية عاصم الطيب قرشى07-27-21, 05:17 AM
                          Re: ادبيات الثورة الثورة السودانية عاصم الطيب قرشى07-27-21, 05:57 AM
                            Re: ادبيات الثورة الثورة السودانية عاصم الطيب قرشى07-27-21, 04:01 PM
                              Re: ادبيات الثورة الثورة السودانية عاصم الطيب قرشى07-27-21, 04:30 PM
                                Re: ادبيات الثورة الثورة السودانية صباح حسين طه07-27-21, 04:43 PM
                                  Re: ادبيات الثورة الثورة السودانية عاصم الطيب قرشى07-27-21, 05:19 PM
                                  Re: ادبيات الثورة الثورة السودانية عاصم الطيب قرشى07-27-21, 05:19 PM
                                    Re: ادبيات الثورة الثورة السودانية نعمات عماد07-27-21, 05:54 PM
                                      Re: ادبيات الثورة الثورة السودانية عاصم الطيب قرشى07-28-21, 04:20 AM
                                        Re: ادبيات الثورة الثورة السودانية عاصم الطيب قرشى07-28-21, 04:45 AM
                                          Re: ادبيات الثورة الثورة السودانية عاصم الطيب قرشى07-28-21, 05:17 AM
                                            Re: ادبيات الثورة الثورة السودانية عاصم الطيب قرشى07-28-21, 07:51 AM
  Re: ادبيات الثورة أبوذر بابكر07-28-21, 08:02 AM
    Re: ادبيات الثورة عاصم الطيب قرشى07-28-21, 08:15 AM
      Re: ادبيات الثورة عاصم الطيب قرشى07-28-21, 12:36 PM
        Re: ادبيات الثورة عاصم الطيب قرشى07-28-21, 01:44 PM
          Re: ادبيات الثورة عاصم الطيب قرشى07-28-21, 02:26 PM
            Re: ادبيات الثورة عاصم الطيب قرشى07-28-21, 02:43 PM
              Re: ادبيات الثورة عاصم الطيب قرشى07-28-21, 03:52 PM
                Re: ادبيات الثورة عاصم الطيب قرشى07-29-21, 05:19 AM
                  Re: ادبيات الثورة عاصم الطيب قرشى07-29-21, 06:27 AM
                    Re: ادبيات الثورة عاصم الطيب قرشى07-29-21, 07:23 AM
                      Re: ادبيات الثورة عاصم الطيب قرشى07-29-21, 01:27 PM
                        Re: ادبيات الثورة عاصم الطيب قرشى07-29-21, 04:32 PM
                          Re: ادبيات الثورة عاصم الطيب قرشى07-29-21, 05:00 PM
                          Re: ادبيات الثورة علي دفع الله07-29-21, 05:11 PM
                            Re: ادبيات الثورة عاصم الطيب قرشى07-30-21, 04:08 AM
                              Re: ادبيات الثورة عاصم الطيب قرشى07-30-21, 04:44 AM
                                Re: ادبيات الثورة عاصم الطيب قرشى07-30-21, 06:28 AM
                                  Re: ادبيات الثورة عاصم الطيب قرشى07-30-21, 07:08 AM
                        Re: ادبيات الثورة عاصم الطيب قرشى08-03-21, 03:35 PM
  Re: ادبيات الثورة أبوذر بابكر07-30-21, 07:39 AM
    Re: ادبيات الثورة عاصم الطيب قرشى07-30-21, 07:54 AM
      Re: ادبيات الثورة عاصم الطيب قرشى07-30-21, 08:56 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de