● شاكر وممتن للنخاع ل[دعمك السريع] شيخي،
و جاهزين تب موية و نور ندمجك في قوات دفاعنا
المُصلحة بكل ما استطعننا من قوة و من رباط الخيل
عن حِمى خطوطنا الحمراء. و هاك كمان دا مقتبس
شحمان من شاهدةٍ من أهل اللي ما تتسماش.
Quote: الصداقة والزمالة بين الرجل والمرأة وقصة دى زميلتى ودى صديقتى الكلام ده ما بعجبنى خالص وانا ضد صداقه المرأة والرجل بعض الرجال لما تسأله كنت وين ؟ يقول ليك كنت مع زميلتىعندنا شغل شغل شنو العندك معاها لغاية نص الليل ؟ الشغل بينتهى فى مكان العمل وبس والنوع البسألوه اتأخرت ليه يقول وصلت زميلتى بيتهم اصلها ما لقت مواصلات كويسكتر خيرك انك وصلتها بيتها لكن مافى داعى للونسة والضحك فى العربية وتحكى ليك بى راجلها وانهزول كعب وبيعاملها معامله كعبه وانت تحرضها على راجلها انت المفروض تصلح بينهم مش تخرب عليهاوتقول ليها عليك الله انتى بى سماحتك وقيافتك دى كلها معرسة الراجل القبيح ده السمين ابو كرش الكلام ده غلطمنك وغلط كبير منها تحكى عن راجلها لرجل غريب وانت بكلامك المعسول كدة بتخرب عليها بتحرضها على زوجها تقومتكره زوجها وتحبك انت لانك سمعتها الكلام الحلو وهى محرومة منه وفى النوع كمان البيضرب تلفون ويتكلم طول الوقت بالموبايلو لما مرته تسأله بتتكلم مع منو ؟يقول ليها مع زميلتى فى العمل عندنا شغل ولازم نقدمه بكرة للمدير دة كلام ده شغل شنو بالتلفون دةكله كلام غلط وعيب منك وفيه اساءة وتعب نفسى للزوجة لانها ما بتكون مرتاحة من المكالمات الغريبة دى وفى نصف الليل و فى نوعتانى برضو يتبادلوا الرسائل الغرامية فى جوالاتهم مرته تقول ليه بتتكلم مع منو بقول ليها دى بنت عمى ولا بنت خالى عندها مشكله وبحلهاليها كله كذب فى كذب وبرضو من صحبتى وزميلتى عندها مشكله مع زوجها واليومين ديل فى موضه جديده الونسه مع نسوان متزوجاتبالكلام البذىء الفاحش وارسال الصور الفاحشه منتهى الخيانه الزوجيه وعيب عليهم الاتنين يتقوا الله فى نفسهم وفى وازواجهم ويخافواالله لانه ربنا شايفهم وسامعهم ويمهل ولا يهمل والديان لاينام شىء مؤسف لما تجيك البنت كبيره فى الجامعه مكسوره وزعلانه تقولليك لقيت فى جوال امى مرسله صورها لى راجل غريب مع الكلام البذىء شوفوا لي دكتور نفسى انا تعبانه وفى النوع البقول انامسافر و يودع اولاده وزوجته ويقول الشركة مسفرانى مأمورية وبعد يومين شافته بنته مع زميلته فى العمل فى مراجيحعفراء مول والشافوا فى سينما عفراء مول مع زميلته وغيره وغيره الكلام دة كلة غلط البعملوا فيه ده المصيبه انهبيحوموا معاهم ساكت لو اتزوجها بالحلال ما بنقول شىء لكن فى الحرام دى كارثه ومصيبه وفى اليومين ديلالنسوان بيشتكوا من الرجال زادت قصه التلفونات مع متزوجات وغير متزوجات اتق الله فى مرتك لمازوجتك تقرأ رسائلك الغراميه مع واحده غيرها بتتألم وبتزعل وتقول انا مرته ما بقول لي الكلامالحلو يقولوا لي مرا غيرى وممكن الغضب والزعل يدفع الزوجة انها تعمل زيك برضوبتقول ليك دة صاحبى ودة زميلى وبيبقى ليكحار بعدين الراجل مفروض يكونقدوةحسنة للاولاده وزوجته عشان ما ينزل من نظرهم الاب لازم يكون محترمويكون شخصية عشان اولادة يتعلموا منه والزوجه ذاتها تتعلم منةمكارم الاخلاق ويصون مرته عشان ما تعمل الغلط وتقول كيتنعلية انا ذاتى اعمل لى اصحاب واتونس معاهم بالموبايلوكمان تطلع معاهم وتتفسح معاهم زى راجلهااتقوا الله يا معشر المسلمين. ☆ حنان النقر
|
● لا تعليق لدينا ، و لكن شايف القرصة
هنا يا ستي حنان ، حارة شديد على غضان
الرجال. و عين رضاكم كليلة عن كل عببٍ بهناك
على بنات جلدتكم و طالقين لهن الحبل على غارب
البعير بس ( يتمنعنَ أحيانا و هُنَّ الراغبات)
● بالمناسبة حتى بعض الحبوبات عندهم خيار و فقوس قاعد
يريدو أحفادم من أرحام البنات ، على حساب نظائهم من أصلاب
الرجال. و السبب يبدو وجيهاً لاشياء طبعن في أنفس (اليعقوبات) ،
لانو داك ود مرة الولد ، يعني مقاشراها كدا زي شبه (ضرة) إلا ربع.
● الشاهد حبوبة عجوز قالو يوم وقعت في بحر الدميرة قربت تلحق
أمات طه.فالناس جرو بالخبر لقو و لد ولدا و ولد بتها. نادوهم ينقذوها
فود البت عمل حميل رايح. لكن ود الولد كان شهم و أخدا مسالة كرامة
بتنبز بيهازي ما بتشكر بيها فمشى فزعا جراها مرقا توشل موية و صارة
وشها فقعدت تعاين ليه بي حدرة حارة كدا شكلها زي المستنكرة و يمكن
مستكترة عليو الشرف دا زاتو ؛ و يلابدل تفرح و تفخر بيو قعدت تبكي
و تمنِّح تقول :جاني ود الحِبَيبة يمرقني لكن ود مصاريني ما لقى في البحر
ضِرَيبة..قام تاني جاني ليكي ود (العِدُوَّوة) و قال كدي عاد يايمة نتلني
ليكي بي قوة و ا لتقول بالله شارب ليهو عبَّار حُسُوَّة ولا كان بقنيةٍ
ولا عسلية[ الخمر بنت الحان/ الخنديس/ المريسة]