Quote: Quote: والله الشرمطة لمن تفوت حدها تنقلب لي ضدها. Adil Amin
|
♡يجازي محنك عم جقود و يكلبش لي بنات أباليسك عمو جقود
أظنك هابش ليك عصير بركاوي و الدنيا قبايل عيد عضة. لا، عاد دي
الليلة نكتها من بيت الكلاوي، مخزن الكيماوي المخصب.. يعني كيفن
تنقلب لضدها يعني يبقى بلطلجة دي ولا(منتشة) عديل و لا كيفن؟!
● عمومن ، صبحكم الله بصباحاتٍ و مساكم بأماسي رابحاتٍ
و بكل خيرٍ نافحاتٍ،، برضك بالغتا في حكاية إننا شعب الله
المحتار لامن (راسو مكطوع) و لامن عالباهو البسويها.
● بالمناسبة ، أم رخم الله تتبرأ من حالنا زمان قلت ليك
مناي نتلاقى في قعدة(بهجة) علا و لكن قل لي بربك في أي
بلد تنوي العثور على بقايا من حطام رفاة واحد زي حلاتي ؟!
هل في ربوع هذا الذي إذا شغلت بالخلد عنه، نازعتني إليه في
الخلد نفسي؟!
● أم يا تُرى في ذاك المحمول جواً ، و نحن فيه طُرُشْ في زفة.
♤ و بقى حالنا أسوأ من تلاتة تنافر تدعي أم رخم الله تفوقها عليهم حضارياً، و رفعت بذلك دعوى لدى " بوكيمون عصبة عِمم الملايات الملتحفة العمريكانية" ، كان السيد / بان غي مون و هديك لسة مجمبعة فوق طربيظة خليفتو غو طير إيش حيت احجتجت فيها : ضد هم و التلاثة و أساميهم كالآتي:~
1) الإدلى البحر و جانا راجع بي جنابتو ؛
2) و لا داك البانيبيتو و ساكن مضايق نسابتو؛
3)و لا كمان داك المحكر وسط اللمة و قاعد
يسأل شن قالت رفاقتو؟!!.
● و طبعن السيدة/ أم رخمو ما قالتم كولهم.
فقد أحجمت ، أو بالأصح ألجم لسانها عنوةًو اقتداراً
عن كشف شبيه رابع لجماعتها التلاتة . ألا و هو شعب
بلادي المغلوب على أمره (الغنماية تأكل عشاءه) .
و معروف إنو حذف الفاعل إما يكون بدافع الخوف منه ،
أو الخوف عليه . و لعلها بس تكون ضحت بينا و أخذت
بالأخرانية دي، خوفاً على ضنبا.غايتو ، نحن فالحين ليك
بس في انتفاضات(المناديل) . و كلما نقوم نتنفض، تنزل
علينا كتاحة غبار كثيف يفضل مكدك فينا سنين و دنين.
بعدين ما براهم.وراهم ناس "تمساح الأربعين، يا مكدك
نايبك سنين نادر ود بدُر الفي أم ضُبان ساسك متين"