|
Re: Mishap (Re: muntasir)
|
صاح يا muntasir
Quote: كأني شفت نفس الشي زمان في برنامج صور شعبية بتاع الطيب محمد الطيب الله يرحمه في المناحات وكان أخاف الكضب اسمه الدنقر |
اصلا الدنقر قديما اتخصصن فيهو النساء في المياتم ، وبعد فترة اصبح في كل المناسبات في القيدومة ودق الريحة والحنة والزواج ويصاحب الايقاع (دق الفندك) .. ومجموعتين من النساء يترصن وبايقاع منتظم وصوت متناغم تردد المجموعة الاولى مقطع كامل .. وبعد ضربات معينة تكرر المجموعة الثانية نفس المقطع وهكذا .. وفي النهاية المجموعتين يختموا المقطع كاملاً يقال ان اصل ايقاع (الدنقر) جاء من دارفور ونشأ هناك لأن احد سلاطين الفور العظام عضاه دبيب وبعد عملوا ليهو الاسعافات الاولية( تفصيد) مكان اللدغة .. اتلموا الناس وبدأوا في ضرب النحاس والاواني الخشبية بعد غمرها بالماء حتى لاينوم السلطان لأنه لو نام سيسري السم في جسمه ويموت .. وفعلا عملوا ازعاج شديد للسلطان عشان ماينوم وبقى صاحي لمدة ثلاثة او اربعة ليالى متتالية حتى شفى وطاب .. وبعدها امر بصنع الات من جذوع الشجر والضرب عليها
|
|
![Edit](https://sudaneseonline.com/db/icon_edit.gif)
|
|
|
|
|
|
|