وداللصيل-الخواض-الحاج حمد-محمد المرتضى..وين إنتو؟

●بعدينك منو القال بنات حواء ما بضنن بمشاعرن
يا زول والله يسلن الروح عديييل، حتين يبوحن ليك.
و برضي كتير بسأل نفسي أقول-على لسان آدم- : وا أسفي..
وواشريري نا لو لو أهل الحارة ما أهلي وحويوة دي زاتا
ميها أختي. و لكن عاد شن نسوي في العند و قوة الرأس.
☆ بالمناسية قالوا إحدى الحويوات و احد الأوادم مرة طشو ليك من بعض
و قعدو يجلبو في بلاد الله الواسعة كل واحد يكوس للتاني .. قامت زولتك
بعد ضاقت بيها الوسيعة وكملت حيلتا و قام نفسا قالت : أنا أحسن أركب لي
جناحين وطارت بيهن تفتش لفت الواطة دي من أقصاها لأدناها في ساعات.
و لمان خلاس النفس انكطع قامت ركت ليك في محلها القبيل طارت منو..
و ود أبونا آدم بهنا كان أصلاً لابد لها في نفس الحتة دي يراقب الموقف
و يتفرج في محن زولتو؛ يلا وهي مما لمحتو ليك قامت تاني على
الحيل و قعدت تتمنع و تتغنج و قالتلو: ياه دا نا راحت عليا
حتة نومة!+ وانت كنت فين يا أدومتي؟ رحت تدور علي
مش كدا و لا إيه؟ طب كنت تقول لي إنك لفيت كم قارة
كدا و أنت بتدور عليا؟ قام رد ليها انننقا ( يعني آآآآآآي).
قارة مين يا ست إنتي قول لفيت كم مجرة.؟إهييييي
ما تفوقي لنفسك يا أختي و تصحصحي معايا كدا،
داحنا الاتنين دافنينو سوا نش كِدا و لا إيه!!