وداللصيل-الخواض-الحاج حمد-محمد المرتضى..وين إنتو؟

☆ تعرف يا شيخي وكت جريتو لينا النم فوق درب
حواء دي عندنا هرجي كتير في الحتة دي . لكن قلنا
أول ننجض شغلتتازاتنا. فبعض الناس ملامحو براها
مرات ممكن تخذلو تدي انطباع خاطئ بأنو ميلن سبهلل،
و لا متلقي حجج ، او حتى همباتي. و تقوم ترميه ليك
في مطبات نواعم غير محسوبة العواقب .
طيب قبال نمرق بكم من حتة النواعم دي كاتمة شوية
على طاري كرمشة الوش :أخونا ود أب ظن ، من ظرفاء
حنتوب الجميلة. مرة على المسرح النث طار منو قام
عاين في الجمهور شاف ليك أحمد منقة ، رجل هادي
جدن و بتاع رياضبات(أدشنل) لاكنو متلش و شكلو
بصراحة شرامي عديل . قام ناداه ود أب ظن:
يا منقة هووي تعال جيب سفة بالله!!
_ يا زول منو القال ليك أنا قاعد أسف تمباك،
تسف الحمت رمت إن شاء الله، و تحلي بالرماد
البكيل حماد عان دا بالله!! _ لكن ود أب ظن
مصر: و الله ي منقة المعطيات كولها عندك ،
علا أنت برام ماك قادر تبرهن بس.