شوف البيان الاول للفريق عبدالفتاح البرهان 2019 اسمعو كويس 10 مرات واحذف بس نظافة شارع النيل لانه شارع النيل ما وسخان الوسخان القصر لجمهوري بتاع البشير الجديد ده بس ورحلو معانا البيان ده لحدي 29 رمضان 1442 وايضا لحدي 17 مايو 2021 ما اشبه اليوم بي البارحة ده انقلاب مؤجل من الاساس لكن نسال نفسنا بعد سنتين من تراهات قحت وشكرا حمدوك رهانات الانتخابات كيف يا انتهازيين المحاصصة ؟؟ قلتو الانتخابات ما بتنفع بتجيب الكيزان وقعدتو يا البعصيين والناصريين والشيوعيين في راسنا بي الوثيقة الدستورية ومعاكم قعدتو الجنرالات كمان مش كده وقلتو الكيزان بجو بي الانتخابات وجبتوهم بي المحاصصة وجبريل وزير المالية ده كوز وكان في الانقاذ زمن الترابي انتو يا بعصيين وناصريين ما عايزين انتخابات لانها ما بتجيبكم بس وهسة كلكم بديتو تقفزو من سفينة قحت المثقوبة وتتكلمو عن الانتخابات بعد قتل شابين بصورة متعمدة في ش النيل وبعد سنتين في متاهة شكرا حمدوك بيان البرهان ده قال نحن بنزح لحكومة منتخبة تمثل الشعب وهو هنا كان اصدق منك يا بعثي يا شيوعي يا ناصري يا كوز الشعبي في الكلمة دي وقال بعد 9شهور والليلة البيانات البدت تمرق للقوى القاعدة في السيرك دي كلها بقت تولول بالانتخابات والديمقراطية وعمل حكومة تسير اعمال مش كده ترقبو بالبيانات لي قدام لفينا ورجعنا لي الشعب بي الانتخابات لكن الانتخابات تكون كيف دي ما في زول عايز يفتح الملف بتاعا اطلاقا من زنابيل المحاصصة السعيدين بي المناصب وين بعثي ولي ناصري بلقي ليه طريقة في وزارة ولي القصر الجمهوري بي الانتخابات ؟؟؟ والشباب يعملو شنو بي صدام حسين وعبدالناصر؟؟ قلنا كان نمسك دستور 2005 ومسار الحركة الشعبية والانتخابات زي ما حصل في 2010 العيب لا في الشعب ولي في الانتخابات ولي دستور 2005 من الاساس الانتخابات الولائية ثم المركزية ثم الراسية ونختصر الولايات في الاقاليم الخمسة قلتو كو لا نريكم الا ما نرى ولجان البل والتراهات والتفاهات والناس روحا مرقت والله لو قدمتو للبرهان ده مشروع تحول ديمقراطي حقيقي من لحظة قراءة البيان او التزمتو بي مسار الحركة الشعبية ما كانت مصر والسعودية والامارات شمتت بيكم وبي وثورتكم دي الكوز بجي كيف بصناديق الاقتراع يا كعوك مايو في ظل محكمة دستورية فاعلة مراجع عام فاعل اعلام حر فاعل الجنسية الخضراء بدل الرقم الوطني المضروب يا ساطع والسنهوري وصديق يوسف ؟؟ هسة الكوز جا بي المحاصصة ما انتم فاعلون في السودان الانتخابات الطلعت الانجليز هي الحل وفشلت قحت وحمدوك وخلو الملاواة الفاضية يا كعوك مصر والامارات والسعودية وقطر وتركيا الشعب مصدر السلطات والانتخابات هي الحل بترفع العتب عن الجيش والمدنيين والمتغطي بتوب الخارج عريان والزمن بينا اوعك تخاف راهن علي الهيكلة والمحكمة الدستورية والانتخابات اوعك تخاف بنفتح ليك طريق بلا ضفاف اوعك تخاف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
فيس بوك
تويتر
انستقرام
يوتيوب
بنتيريست