مستقبل الطاقة النووية في القارة الأفريقية

Quote: ☢️السلام عليكم، في المنشور الفات كان آخر استفهام ختياناهو انو اها انا مهندس نووي قريت واتخرجت وانتهيت اها بعد داك هاعمل شنو؟ البلد دي ممكن تستفيد مني في شنو؟ قبل نجاوب ع السؤال دا خلينا نسأل اول هندسة نووية يعني شنو؟ كلنا عارفين الذرة هي شنو وانها عبارة نواة وحولها الإلكترونات ناس فيزياء ذرية بياخدوا المنظومة بتاعت الذرة كدراسة لكن في هندسة نووية الضوء مسلط ع النواة بس بندرس: ☢️1 تركيب النواة ☢️2 وبحصل شنو لو ضرب اللاكترون او اي جسيم ف النواة ☢️3 لو اتلاقوا نواتين ذرتين بحصل شنو؟ ☢️4 لو انشطرت(انقسمت) النواة بحصل شنو ☢️5نوع الاشعاعات البتطلع نتيجة لاي وحدة من العمليات دي والنقاط الفوق دي ع سبيل المثال طبعا ما الحصر ف جمعنا شوية معلومات ع سبيل المثال وليس الحصر المنشور دا للناس ال من تجيب سيرة الهندسة النووية يجي ف بالو طوالي قنابل وهيروشيما ونجازاكي والانفجارات في مفاعلات دول العالم الاول ومفتكرين انو مفاعل بياخد مساحة كبيرة وبنشر كمية خيالية من الاشعاعات المضرة، والناس المتخوفين من انو نووية عبارة عن كتلة قنابل غير قابلة للسيطرة دا جزو من الاستخدامات أو التطبيقات للهندسة النووية⬇️⬇️⬇️⬇️ ☢️1. في المجالات الطبية. * 5% من مجموع النظائر المشعة تستخدم في علاج الأورام السرطانية. * 15% من النظائر تستخدم في علاج بعض الأمراض الأخرى. * 80% من النظائر تستخدم لأغراض التشخيص الطبي. ☢️2. في مجال التغذية. * تحسين سلالات المحاصيل الزراعية ، والحيوانية ، وتحقيق زيادة ممتازة في الإنتاج الزراعي والحيواني. * تعقيم اللحوم والخضروات وحفظها من التلوث عن طريق : ** البسترة الإشعاعية. ** التعقيم الإشعاعي. ☢️3. في المجالات الصناعية. * الجودة الصناعية (التأكد من جودة الكثير مثل السبائك) * العيوب الصناعية (الكشف عن اي تسريب في الأنابيب..) * القياسات الصناعية (في مجال النفط) والكثييير الكثييير من الاستخدامات الصناعية. ☢️4. التأريخ. من امتع الحقول الدراسية ، ومن خلاله يمكن استخدام النظائر المشعة لمعرفة اعمار (الإنسان أو الحيوان أو النبات). ☢️5. إنتاج الطاقة الكهربائية. حيث يمكن تغطية كهرباء السودان بمحطة نووية واحدة تتكون من وحدتين فقط. * بلدنا ما ناقصها شئ، الموارد النووية موجودة والكوادر موجودة بنحتاج ننجز اول شئ بنية تحتية قوية وبعدها هانعبر بإذن الله💛 ☢️طيب بكدا الليلة عرفنا شوية عن تطبيقات الهندسة النووية، طيب الامتيازات والمنح بالنسبة لطالب الهندسة النووية شنو؟ وافضل جامعات بتدرس هندسة نووية ع مستوى العالم وتصنيفها العالمي كم؟ دا موضوع مقالنا الجاي بإذن الله، تطلعوا لنا☢️ #نووية_في_السودان ☢️ #البوست2 _اعداد: فريق عمل نووية في السودان. _المعلومات بواسطة : المهندس أحمد عبدالغني