|
|
 Re: المستنير: ربنا يشفي شقيقكم الطيب حريقة من (Re: عبدالله عثمان)
|
الطيب حريقة:
شقيقي الكبير، لا ليس شقيقي، لكنه والدتي ووالد كل من حوله.
ملاك سايق فيسبا، قلت لإخلاص أختي:
ما قاعدة تخجلي وحريقة رادفك في الفيسبا موديك الجامعة؟!
قالت لي: هو أنا سايقني حريقة تاني مدني فيها شنو؟!
تخيلته بعد ينزلها في بوابة الجامعة يراقبها تقطع الطريق مخافة أن يكون هناك حجر يعتر ليها وهي تعلم أنه متوقف بالموتر للتأكد من سلامتها وهي لا تستطيع أن تلتفت لتقول له؛ الله يخليك.
محاسب بالمؤسسة الفرعية للحفريات منذ السبعينات، المراجع العام أوصى الذي جاء بعده أن يترك في مراجعاته ملفات الطيب بدون مراجعة.
يضرب تلفون من قطر وهو مريض لمان يشوف ليهو سحابة حايمة في الدوحة ويقول؛
في زول طلع البيوت فوق ينضف السباليك؟!
موش دي يا ها لو عثرت بغلة بالعراق؟!
أخذ من شيخ الطيب جده لأمه ورعه، ومن والده ود عباس استقامته وكرمه ومن أمه بت أبقناية حبها للناس ومن أخته غير الشقيقة شامةجناح الحنيّة لبيوتنا.
بعد ود عباس اتوفى قلنا لعوض عباس عمي :
منو خليفة ود عباس؟
قال من غير تفكير: شامة وقام سلم على الطيب في خيالي أداهو ولاية العهد.
فجعنا في شامة والطيب مريض؛ فأين العهد؟!
على مرضه المزمن أصابته الكورونا، تعدت، لكن آثارها ألزمته المستشفى وما زال وقطر قافلة الزيارة فهل من مغيث يحمل كتابي لتميم لزيارته؟
علي الأقل لأقول له قول بشرى الفاضل لأمه:
لم يسمح لنا الزمن القلق بأن نواتيك بمردودٍ على فعلك السمح
|
|
  
|
|
|
|
|
| العنوان |
الكاتب |
Date |
| المستنير: ربنا يشفي شقيقكم الطيب حريقة من الكورونا (كتابة مؤثرة) | عبدالله عثمان | 04-27-21, 05:52 PM |
| Re: المستنير: ربنا يشفي شقيقكم الطيب حريقة من | عبدالله عثمان | 04-27-21, 05:53 PM |
| Re: المستنير: ربنا يشفي شقيقكم الطيب حريقة من | عبدالله عثمان | 04-27-21, 05:55 PM |
| Re: المستنير: ربنا يشفي شقيقكم الطيب حريقة من | اخلاص عبدالرحمن المشرف | 04-27-21, 07:51 PM |
| Re: المستنير: ربنا يشفي شقيقكم الطيب حريقة من | عبدالله عثمان | 04-27-21, 08:10 PM |
| Re: المستنير: ربنا يشفي شقيقكم الطيب حريقة من | Yasir Elsharif | 04-28-21, 09:09 AM |
| Re: المستنير: ربنا يشفي شقيقكم الطيب حريقة من | MOHAMMED ELSHEIKH | 04-28-21, 11:43 AM |
| Re: المستنير: ربنا يشفي شقيقكم الطيب حريقة من | عبداللطيف حسن علي | 04-28-21, 08:05 PM |
| Re: المستنير: ربنا يشفي شقيقكم الطيب حريقة من | Ahmed Yassin | 04-29-21, 05:08 AM |
| Re: المستنير: ربنا يشفي شقيقكم الطيب حريقة من | HAIDER ALZAIN | 04-29-21, 08:03 AM |
|
| |
عبدالله عثمان
فيس بوك
تويتر
انستقرام
يوتيوب
بنتيريست