|
Re: سودانيات في المهجر... أوضاع يندى لها الجبي� (Re: محمد التجاني عمر قش)
|
عارف! أنا قاعد في السعودية 8 سنوات ما حصل شفت أو سمعت بي بت سودانية ما كويسة نهاااااائياً .. والله العظيم ولا حصل سمعت أي عربي بتكلم عن فساد السودانيات السبب إني ما بتواجد في المكان الغلط ولا بصاحب الناس الغلط عايش في مجتمع أسري عادي بنتلم كأسر في الأفراح والأتراح والعازبات الحوالينا كلهن شغالات لما نكون ماشين السوق بتتصل بيهن المدام تشوف الدايرة تمشي معانا منو ويوم الجمعة لو فاضيات بتصلن عاوزات البنات .. بودي ليهن بنياتي الصغار يلعبوهن ويدلعوهن ونجيبهن منهن آخر اليوم محملات بالهدايا والحلويات دة المجتمع العادي الطبيعي في السودان عشان كدة ممكن ببساطة أقول ليك في كل المدن والمجتمعات العشت وسطها في السعودية مافي بنت كعبة هل دي معلومة أكيدة؟ طبعاً لأ .. لكن بالنسبة لي زول زيي عايش في أسرة ومجتمعه ما مهتم بفضائح البنات ما حيعرف كعبات لكن نوعك البقعد مع ناس ونستهم كلها كان شفت فلانة خارباها وانا لاقيت واحدة في البلد الفلاني صفتها ونعتها كذا وكذا ويقعد يتونس مع الخلايجة في مغامراتهم العاطفية ... نوعك دة ياهو البكون شايف البنات كلهن كعبات ويجي يملأ النت بي شماراته دي وهاك يا إدعاء تدين ووطنية وأنقذوا بنات بلدي الشباب الشايلين السيطان يدقوا في الما لابسات كويس هم أصلاً النوع الحارس الشوارع يتفرج في البنات ودي لابسة شنو ودي ما لابسة شنو عشان كدة عملوا لبس البنات قضيتهم .. لأنه دة حد اهتمامهم وشغلتهم الدائمة .. لكن الشاب الطبيعي الماشي شغله وبفكر في همومه ما بكون المشوار عندو بحلقة ولا بعدي زمنه تفحّص في ملابس البنات. وحتى لو شاف واحدة عريانة وهو متدين بقبل الناحية التانية وخلاص. انت والناس البتنقل عنهم برضو دي ياها حياتكم بس تتلموا وتقعدو تتكلموا في فلانة فعلت وفلانة تركت لا تخلو ليكم بلد ولا مطار ما تتبادلوا فيه الشمارات عشان كدة ما بتكون شايف أي بنت في الدنيا غير البنات الفي ونسات المغامرات العاطفية متى ما اتواجدت في المكان الصاح مع الناس الصاح واتونست الونسة الصاح حتكتشف إنه البنات ديل كائنات عادية وشغالات زيك في وظائف عادية وإنه الأنثى ما لحم معروض في فترينة! وحتستغرب للمطالبة بوجود محرم لأنه ببساطة أي سوداني حولها ممكن يبقى أخوها ويساعدها وأي أسرة سودانية بتبقى أسرتها وزي ما بتعيش في السودان وبتقرأ وتشتغل في مدن تانية تسكن داخليات أو يأجرن بيت عازبات برضو في الغربة ممكن يعملن نفس الحاجة لو سبتوهن في حالهن
|
|
|
|
|
|
|
العنوان |
الكاتب |
Date |
سودانيات في المهجر... أوضاع يندى لها الجبين! (4) | محمد التجاني عمر قش | 04-18-21, 10:27 AM |
Re: سودانيات في المهجر... أوضاع يندى لها الجبي� | أحمد محمد عمر | 04-18-21, 11:10 AM |
Re: سودانيات في المهجر... أوضاع يندى لها الجبي� | محمد التجاني عمر قش | 04-18-21, 01:12 PM |
Re: سودانيات في المهجر... أوضاع يندى لها الجبي� | أحمد محمد عمر | 04-18-21, 01:25 PM |
Re: سودانيات في المهجر... أوضاع يندى لها الجبي� | محمد التجاني عمر قش | 04-19-21, 08:27 AM |
Re: سودانيات في المهجر... أوضاع يندى لها الجبي� | أحمد محمد عمر | 04-19-21, 10:10 AM |
Re: سودانيات في المهجر... أوضاع يندى لها الجبي� | أحمد محمد عمر | 04-19-21, 10:33 AM |
Re: سودانيات في المهجر... أوضاع يندى لها الجبي� | محمد التجاني عمر قش | 04-19-21, 02:14 PM |
Re: سودانيات في المهجر... أوضاع يندى لها الجبي� | أحمد محمد عمر | 04-20-21, 04:58 AM |
Re: سودانيات في المهجر... أوضاع يندى لها الجبي� | Yasir Elsharif | 04-20-21, 08:13 AM |
Re: سودانيات في المهجر... أوضاع يندى لها الجبي� | سيف النصر محي الدين | 04-20-21, 02:59 PM |
Re: سودانيات في المهجر... أوضاع يندى لها الجبي� | HAIDER ALZAIN | 04-20-21, 01:18 PM |
Re: سودانيات في المهجر... أوضاع يندى لها الجبي� | tasneem | 04-21-21, 08:16 AM |
Re: سودانيات في المهجر... أوضاع يندى لها الجبي� | محمد التجاني عمر قش | 04-21-21, 12:31 PM |
Re: سودانيات في المهجر... أوضاع يندى لها الجبي� | محمد التجاني عمر قش | 04-21-21, 12:34 PM |
Re: سودانيات في المهجر... أوضاع يندى لها الجبي� | محمد التجاني عمر قش | 04-22-21, 10:13 AM |
|
|
|