التعاطف مع الذات وممارسة الضجر عند التذكير بالجد الفاتح كتشنر#

Quote: Nasr وبذلك يكون قد طعن "الحوار" طعنة نجلاء مع إنه قدراته أكبر من ذلك بكثير أستطيع أن أقول أنني قرأت عدد كبير من كتب تاريخ السودان معلومة كتشنر والسم ما لاقتني يمكن تكون لاقتني --الكبر حصل والزهمرة ماشة-- وما إهتميت كتيركتشنر ذاتو ما كان هاميني كتير يعني البريطانيين كان ما لقوا كتشتر كان لقوا جنرال تاني وما أكثر الجنرالات في هذا العالم التاريخ بنقراه عشان نشوف الغابة وليس الأشجار عشان الحوادث الكبيرة البتغير حيوات الشعوب ولا يهمي الأشخاص كثيرا وبنقراه عشان العبر والدروس المهم ضروري أقول أنه في حملة إعادة فتح السودان مات كثير من الناس السودانيين دفاعا عن الوطن الغالي لكن برضو ضروري نقول أن المهدية قتلت عددا كبيرا من الناس في حروب غير مبررة وان المهدية كانت ديكتاتورية بغيضة أنا شخصيا ليس لدي معها أي حب مفقود الحاجة التانية ضروري أقول أن الحكم البريطاني عمل حاجات كثيرة كويسة في السودان أسس كما يقول مبتدر البوست السودان الحديث وحرر العبيد ودي حاجة كويسة جدا لو أنه فعل دي بس يكون ما قصر معانا كلو كلو