الحاكورة (سلطة سياسية) vs الارض (انتفاع اقتصادى اجتماعى)

Quote: بالنسبة لمسألة الديار والحواكير، دا نظام موجود فى كل السودان( ربما ما عندهم مصطلح الحاكورة) لكن قطعا كل السودان عندهم مسألة الديار. مثلا فى: ١- شمال السودان عندهم ديار الدناقلة/النوبيين، المحس، والسكوت، والمناصر، والجعلين والشايق، الخ. وطبعا ديار الحلفاويين صودرت منهم وهجروهم الى حلفا الجديدة(ويقال ان اصحاب الديار الاخرى فى الشمالية رفضوا ان يقبلوا بهم على ديارهم لذا النظام فى ذلك الوقت اختار لهم حلفا الجديدة)) ٢- شرق السودان، عندهم ديار الهدندوة وبمشتقاتها(خشوم بيوت) ، والبنى عامر، والبجة،الخ. ٣- فى الوسط عندك ديار البطاحين، والشكرية، والجموعية، والحسانية، الخ. ٤- كردفان، عندك ديار الحمر، والبديرية، الشنابلة، والمسيريرة الحمر، والمسيرية الزرق، الحوازمة، وكذلك عندك فى جبال النوبة عندك ديار الغلفان، والنماق، والاجناق، الخ. ٥- جنوب السودان(لما كانت موحدة مع الشمال) عندك الدينكا عندهم ديار دينكا اويل، دينكا مارتل، ودينكا واو، دينكا ابياى، دينك رمبيك، دينكا بور، الخ. ونفس الشيى مع النوير، والزاندى، والكاكوا، والكريج، والفرتيت(جزء منهم فى جنوب دارفور) ٦- دارفور، عندك دار المساليت، ودار تاما، ودار قمر، ودار زغاوة، ودار الميدوب، ودار الببرتى، ودار المعاليا، والرزيقات، والداجو، الخ.