|
Re: تحدي السلام .. عقبة كعود .. شدوا الحزام .. ح ن (Re: جلالدونا)
|
أنت عارف يا جلالدونا ..
والله من غير مجاملة .. أنا أحب أي بقعة في السودان .. وأستمتع جداً بتعدد ثقافاتنا السودانية .. يا أخي اليوم الذي أكتشفت فيه التركينج والشربوت .. يوم كان ماتع .. هل تصدق ناس الشمال لا يعتبرون الشربوت من فصيلة الدكاي !! .. ذات عيد فطر جميل .. وجاء صاحبي الأم درماني زيارة لي .. وجلسنا في ونسة أنا وهو والمدام .. والونسة دورت .. ومن بعد .. جاءنا صديق من "بري" لدي أخ وأخت عزيزين عليّ .. شوايقة .. عاملين شربوت .. كارب ..
يقوموا يدقوا فينى مقلب .. جابوا لي جك .. تقول عشرة لتر .. رسلوا ولدهم .. صغير .. قالوا ليه أمشي تلقي عمو أدم في الصالون ومعه صحبه .. ضع لهم هذا العصير وتعال .. وكلموه لو سألوك .. قول ليهم عصير من الشمالية .. وجاب كبابي ومصاصات .. ورجع .. أنا ذقت العصير .. لقيتو حلو .. مليت كبايتين .. واحد لي والأخري لصحبي .. ونحن ضاربين شيات تقيلة .. أي زول كشط كباية .. ثم تنينا .. دخل صاحبنا من "بري" .. قال هلا هلا .. والله معيدين .. كشط كباية .. ثم زادني وزاد لصحبي المعي .. هل تصدق .. كل زول فينا بقي تسري في جسمه حالة نعاس خفيفة .. وما أن لبثنا طويلاً حتى نمت وصديقي .. ونحن جلوس .. صاحبي ود "بري" .. روي شربوت تب .. وقال للمدام أنا ماشي أتونس مع محمد .. الناس ديل الشربوت نومهم .. أنا طشاش طشاش .. سمعت كلمة الشربوت . أي أي الجماعة شربونا مريسة ناس الشمالية ولا شنو.! .. تساءلت في نفسي .. لكن لما صحينا سري فينا نشاط لحدي يوم غد ..
ولما تجينى حلة تركين .. بدخلها في عدد كبير من الأكياس .. ولا أخلي منفذ للهواء .. لا هواء داخل ولا هواء مارق .. وبرضو المدام تتعرف عليها وترميها .. لو الدنيا شتاء .. بدس الحلة داخل كرتون وبختها في البلكونة .. والله كلما زاد عفانة يزيد حلاة ..
لدي أخ صديق من فاشر السلطان .. الفاشر أبو زكريا .. يجي له "الكول" فرش .. ويتصل عليّ .. يقول لي المؤونة وصلت .. وارد الفاشر .. نقول له .. كلم المدام .. تجهز المزة .. والمزة ملاح تقيلية أم درمانية .. زوجته من أم درمان .. وكل زول يشيل بالملعقة ويكب في الكول مثل البهارات وبكثافة .. يا زول ما ألذ تنوع أكلات السودان الشعبية ..
أنت يا جلالدونا .. أنت أمريكي .. بوديك السودان شنو؟ .. كمل بقية عمرك هنا وخلاص .. أنا ماشي السوداني .. لأني بحب السودان .. ولدي أراضي زراعية بالهبل .. أخرها تصدق لي مشروع زراعي ب 500 فدان .. وأنا قلت لو لم يصدقوا لي ب 30 ألف فدان لا أستثمر في السودان .. ح نستطيع المساهمة ونطور في البلد ..
وأنت قاعد تنعق زي البوم أو القعونج في وادي "العواي" في جنوب كردفان .. خلاص كفاية نعيق.
بريمة
|
|
|
|
|
|
|
العنوان |
الكاتب |
Date |
تحدي السلام .. عقبة كعود .. شدوا الحزام .. ح نعبر بإذن الله. | Biraima M Adam | 03-23-21, 08:02 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-23-21, 08:06 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-23-21, 08:15 AM |
Re: تحدي السلام .. عقبة كعود .. شدوا الحزام .. ح ن | زهير عثمان حمد | 03-23-21, 08:20 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-23-21, 08:23 AM |
Re: تحدي السلام .. عقبة كعود .. شدوا الحزام .. ح ن | زهير عثمان حمد | 03-23-21, 08:26 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-23-21, 08:33 AM |
Re: تحدي السلام .. عقبة كعود .. شدوا الحزام .. ح ن | اسماعيل عبد الله محمد | 03-23-21, 09:19 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 05:15 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 05:52 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 05:54 AM |
Re: تحدي السلام .. عقبة كعود .. شدوا الحزام .. ح ن | جلالدونا | 03-24-21, 05:55 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 06:37 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 06:58 AM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-24-21, 10:11 AM |
Re: تحدي السلام .. عقبة كعود .. شدوا الحزام .. ح ن | محمد حمزة الحسين | 03-24-21, 01:43 PM |
Re: تحدي السلام .. عقبة كعود .. شدوا الحزام .. ح ن | Asim Ali | 03-24-21, 02:12 PM |
Re: تحدي السلام .. عقبة كعود .. شدوا الحزام .. ح ن | Biraima M Adam | 03-25-21, 03:08 AM |
|
|
|