الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: أحزان الجمهوريين: رحيل الأبنة الأستاذة مر (Re: عبدالله عثمان)
|
كتبت هاجر عن مروة .. حبث الصفاء و المروة
كنت دايما بحس انو نحن بنتشابه ف حاجات كتيرة غير حب ألوان الطيف وناسها.. نفس شهر الميلاد عدد الاولاد وحتى أسماء ازواجنا نفسها.. وعلاقة أسرة زوجك وزوجي بالجمهوريين... وجا المرض.. بس كل واحد شكل.. لكن نفس كلام الدكاترة بي انو ماف امل.. تعب ورقاد مستشفيات بالكوم مرينا بيهو.. بس انا ربنا كتب لي ابدأ اتشافى وكنت مستنية انتي برضو تتعافي ونجي نضحك ع كلام الدكاترة ونفرح بي عافيتك وزي م كنتي بتقولي لي مشتاقة ليك ونفسي اشوفك.. انا هسى برضو مشتاقة ليك ونفسي اشوفك بس بي وين.. انتي ربنا اختار انو تمشي وم نتلاقى وتسيبي لي وجع الفراق والدمعة الأبت تقيف مشيتي لي مكان أجمل ورب أرحم والطف بقدر حبك وبياض قلبك ونقاءك وسيرتك الطيبة وصبرك ع الألم والمرض ربنا ح يجازيك خير الجزاء نحتسبك عند الله ونحسبك من الذين لا خوف عليهم ولا هم يحزنون ربنا يكتب لي امشي واعمل ليك عمرة زي م كنتي بتتمني ياااااااا رب ربنا يصبر ماما ماجدة وانتي وحيدتها.. ويصبر عمو سفيان وزوجك واولادك ويطرح البركة فيهم ويصبرنا ع المصاب الكبير ويجمعنا بيك ف جنات النعيم حيث لا ألم ولا فراق اللهم أشهدك اني أحبها فيك فارحمها وأعف عنها وأكرم نزلها و وسع مدخلها وافرش لها ف قبرها من فراش الجنة اللهم انها صبرت ع البلاء فلم تجزع فأمنحها درجة الصابرين الذين يوفون أجورهم بغير حساب اللهم لا تحرمنا أجرها ولا تفتنّا بعدها واغفر لها ولنا واجمعنا بها ف جنات النعيم وصل اللهم وسلم على نبينا محمد وعلى آله وصحبه أجمعين انا لله وانا اليه راجعون ولا حول ولا قوة الا بالله العلي العظيم اللهم صبرا اللهم يقينا اللهم قوة
هاجر احمد حامد زوجة محمود ابوعبيدة محمد سعيد
|
|
|
|
|
|
|
|
|