|
Re: رومانسيات رومانسية♪♪ (Re: جلالدونا)
|
كدى يا صلاج قبل تسوقنى لى جدّك ود المدير كدى سوق زينوبة دى و دى من قصص المحبين بعد العرس زينوبة قلبا ابيض ...وحنينة.و عرقانة فى حب راجلا الزين ... لكن لايوقة .. تمسك الموضوع تقتلو لياقة..لمن الموضوع زاتو يزهج منها .. راجلا الزين في قاعد خشم باب البرندة جات ماشة عفصتو في كراعو من غير ما تشوفو " أحححححححي...عفصتك؟؟ أعفى لي يا الزين"(بسيطة يا زينوبة مافي حاجة) دخلت الاوضة ومرقت.." الزين عليك الرسول تعفى لي ما شايفاك " ( مافي حاجة يا زينوبة) مشت المتبخ وجات" الزين كراعك نعل ما ورمت.... اعفى لي يعني "(لا كويسة يا زينوبة) دخلت الاوضة وهو دخل ورقد..عاينت لو" الزين كراعك نعل ما قاعدة تنتح؟ ..وحات الله ما شايفاك، الرسول تعفى لي "( لا حول الله ...مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو قامت كوّعت وصحتو " الزين..الزين..نعل ماك مضايق من كراعك...اعفي لي عليك الله "صنقر في نص العنقريب..وقال لها ( زينوبة ..في المتبخ تحت الشباك..تحت الشباك طواااالي.. في فرار جيبيهو ) جابت الفرار..اتناولو منها...ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟؟؟)!!!!!!
|
|
|
|
|
|
|
العنوان |
الكاتب |
Date |
رومانسيات رومانسية♪♪ | جلالدونا | 02-18-21, 10:13 PM |
Re: رومانسيات رومانسية♪♪ | جلالدونا | 02-18-21, 10:17 PM |
Re: رومانسيات رومانسية♪♪ | ABUHUSSEIN | 02-18-21, 10:30 PM |
Re: رومانسيات رومانسية♪♪ | Salah Zubeir | 02-18-21, 10:48 PM |
Re: رومانسيات رومانسية♪♪ | ABUHUSSEIN | 02-18-21, 10:53 PM |
Re: رومانسيات رومانسية♪♪ | صديق مهدى على | 02-18-21, 11:02 PM |
Re: رومانسيات رومانسية♪♪ | جلالدونا | 02-18-21, 11:04 PM |
Re: رومانسيات رومانسية♪♪ | جلالدونا | 02-18-21, 11:16 PM |
Re: رومانسيات رومانسية♪♪ | جلالدونا | 02-19-21, 07:56 PM |
Re: رومانسيات رومانسية♪♪ | عبداللطيف حسن علي | 02-19-21, 08:04 PM |
Re: رومانسيات رومانسية♪♪ | ياسر السر | 02-21-21, 08:41 AM |
|
|
|