الحبيب علي عبد الوهاب ألف شكر لرفد البوست .. تعرف يا علي، لو الزول طاف علي مدن السودان المختلفة التى يقطنها إنسان دارفور تجد فيها التماسك الأسري وحب فلاحة الأرض وزراعة البساتين وخلاوي القرآن .. أتذكر صديق عزيز للوالد رحمهما الله جميعاً .. كان يسافر مع والدي في رحلات مكوكية إلي داخل الجبال في فترة الصيف من أجل التجارة .. لكن نحن الصغار .. العم أبكر .. مهم لينا جداً .. حينما نرحل شمال كردفان في فترة الخريف ونعود إلي مكان قريته في الصيف .. هل تصدق يا علي، كل المنطقة الناس يسمونها بأسمها نحن نسميها، كصغار، مكان دكان عم أبكر .. عم أبكر يأتي إلينا محمل بالحلويات والطحنية .. نحن يوم ننزل في مكان دكان عم أبكر .. نرصد حضوره قبل أي إنسان .. ونجري نستقبله خارج دائرة الفريق .. وتعال شوف يا علي .. شيئ حلاوة حربة .. وحلاوة لكوم .. وحلاوة سمسمية .. المهم عم أبكر .. يقعد تحت يعبئ لكل واحد فينا جيوبه حلاوة .. ثم يقف ويحمل هذا علي كتفه وأخرين يتسربلون في أرجله .. وبهذه الطريقة يصل المنزل ويضعوا ليه العنقريب ونحن نرص العنقريب رص في جواره .. حتي طاقيته وشاله وعمامته كل زول فينا بكون لابس منهم حاجة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
فيس بوك
تويتر
انستقرام
يوتيوب
بنتيريست